الرسم واضح
التقطيع من الستارتر اي بادئ التشغيل و إن لم تتأين ، يعيد البادئ الدورة حتي تتأين

لو رفعت الباور قاكتور ل 90% او 95% بمكثف علي التوازي كفاية يشيل الشوشرة؟

هو ده دور المكثف باسماء مختلفة

يعني يصح نقول موجة الشوشرة متأخرة 180 درجة عن الموجة الناتجة عن المكثف بسبب ان الملف الخانق علي التوالي مع بادئ التشغيل و بيأخر الموجة ثم بادئ التشغيل يقطعها.

فبالشكل ده لو صححنا الباور فاكتور هنزيل الموجة التي تحمل الشوشرة او كما يقال ان المكثف امتصها؟

مين قال أن ده هو ده؟
النبضة و الشوشرة لا علاقة لهم بال 50 ذ/ث دى شرارة بتحصل فى جزء من الف من الثانية و تولد ترددات عالية جدا زى ما قلت لك فى رد سابق بعضها ينتقل فى الهواء و بعضها فى الاسلاك

الموجة 1 50 هرتز بالأسود
الموجة 2 بالأخضر مرحلة 180 درجة ولا تسبب مشاكل فهى أيضا 50 هرتز و لا يمكن وجود موجتين لأنهما سيجمعان معا لحظيا و المحصلة فقط هى التى تبقى
الموجة 3 بالأحمر هى الناتجة من فتح أو توصيل البادئ "ستارتر" للتيار المار فى الملف وهو يحدث فى جزء صغير من الدورة و قد يصل لبضع الآف من الفولت لكى تكفى للتفريغ فى اللمبة فإن لفم يمررها المكثف يسرى فى باقى الشبكة
الشوشرة مرسومة على زمن طويل نسبيا لكى تكون واضحة لكنها قد تستغرق ربع هذا الزمن أو أقل

1- بصراحة انا كنت متصور ان الشرارة اللي بتحصل داخل بادئ التشغيل زي الشرارة اللي بتحصل بين أطراف مفتاح عند الفصل و حتي عند التوصيل بتسبب حرارة و تأين في الهوا كما سبق ان شرحتلي و ذبذبة بس مكنتش أعرف إنها بترفع الفولت وكنت متصور ان اللي بيرفع الفولت في لمبة الفلورسنت هو قطع التيار عن الملف بسبب ابتعاد أطراف بادئ التشغيل وان قطع التيار عن الملفات عموما بيسبب رفع الفولت علي التوالي يعني الفولت بيزيد في لمبة الفلورسنت ومش بادئ التشغيل لأنه في اللحظة دي مش موصل فيمر تيار في اللمبة يسخن الغاز و لو حرارة الغاز مش كفاية بتتعاد الدورة بسبب ان مقاومة اللمبة لسة عالية بتسمح بمرور تيار في بادئ التشغيل الذي له مقاومة عالية بالنسبة للمبة وهي شغالة حتي عندما يكون موصل، فأنا بقول هذا الكلام علشان أتأكد اني فهمت صح و ان الشرارة داخل المفاتيح بتسبب حرارة عالية وتأين الهوا و ذبذبة عالية ورفع الفولت.

2- حسب الشرح موجة 3 اللي هي الشوشرة زاويتها ليست 180 درجة مع موجة المكثف الا فى بعض أجزاء قليلة جدا منها اللي بتنطبق مع موجة الملف الخانق و زاوية الشوشرة مع موجة المكثف بتتغير في كل نقطة منها فكيف يتم ازالة الشوشرة ؟؟ حيث المكثف مشكورا بهذا الوضع يمتص الموجة الحملة للشوشرة التي هي موجة الملف الخانق و يترك لنا الشوشرة بعد تعديل شكل موجتها شوية بس.

هو صح نفس الحدث فى قطع التيار سواء ببادى الإضاءة أو مفتاح
صح أيضا لكن بادئ التشغيل أثناء توصيله بيشبب سخونة طرفى اللمبة و انبعاث الإلكترونات من الفتيلتين فى طرفى اللمبة و تصبح قادرة على التأين بفولت منخفض بسبب وجدود بخاز الزئبق داخلها
و هذا سبب أن اللمبة القديمة لا تضيئ مهمات كان لتفاعل الزئبق مع المواد داخلها و نقصانه فيسبب عدم تأين الغاز
أمال ايه اللى تغير هل أنا قلت كلام غير كده؟
فرق التردد فالضوضاء ترددها من 100 ك هرتز فأكبر لذا المكثف بالنسبة لها قصر

طب المكثف مقاومته تقريبا صفر بالنسبة لتردد الشوشرة يعني مش هيفيد ع التوالي.

و الموجة الناتجة عن للمكثف زاويتها 180 درجة مع الموجة الناتجة عن خانق للتيار و زاوية موجة خانق التيار بتبقي زي ماهي عندما تمر سوا ف اللمبة او في البادئ الا الشوشرة فكدة المكثف علي التوازي هيحسن الباور فاكتور و مش هيشيل الشوشرة برضه

و فايدة المكثف علي التوازي بالشكل ده بس لو عدد اللمض كتير هي تقليل اﻹستهلاك و مقطع السلك و ملهاش أثر علي الكشاف نفسه مثلا مش هتزود عمر الملف الخانق لان اللي بيعدي فيه هو هو.

أما الشوشرة (او التوافقيات ) اللي بتسبب طفي اﻷجهزة اﻹلكترونية و لو فيه عدد لمبات كبير بتزود الراجع في الشبكة و تسخن السلك و المحول فالمكثف بالشكل ده سوا توالي او توازي مع الكشاف ميفيدش في تقليلها (بس طبعا بيقلل القدرة الغير فعالة و بالتالي يقلل التسخين و القدرة المفقودة) بس المفروض حسب ما فهمت ان الشوشرة بتتنتهي بعد خروج بادئ التشغيل حيث هو سببها بمعني انها مش بتأثر لانها بتستمر زمن قصير.

الخلاصة ان المكثف لا بيشيل الشوشرة لو حطيناه علي التوالي مع الكشاف و لا بيشيلها لو حطيناه علي التوازي مع الكشاف و مع ذلك أنا سمعت عن مشكلة طفي التلفزيون اتحلت بمكثف توازي الكشاف الفلورسنت كما قلت لي بتحسين الباور فاكتور ، فازاي مع اني اقتنعت خلاص انه ميقدرش يشيل الشوشرة.