 |
|
|
|
||||||
|
| اعلانات |
|
||||||
|
|
| اعلانات اضافية ( قم بتسجيل الدخول لاخفائها ) | |
|
|
|
||||||
|
الجزء الخامس من الشرح
بسم الله الرحمن الرحيم السلام عليكم ورحمه الله وبركاته سوف نتحدث فى هذا الجزء عن كيفية التعامل مع الداتا شيت للشاشة وكيفية قراءة محتواها وفهمة والتطبيق علية وذلك لجعلنا قادرين على التعامل ان شاء الله مع اى نوع من الشاشات ال GLCD وان شاء الله هنقرأ الداتا شيت للشاشة دى LM6059BCW ويتم التحكم فيها من خلال المتحكم Controller ST7565  وهى موجودة فى موقع رام http://ram-e-shop.com/oscmax/catalog...roducts_id=223 ولتنزيل الداتا شيت الخاصة بها http://www.ram-e-shop.com/ds/lcd/LM6059BCW.rar .................................................. .................................................. .......... للتعامل مع اى شاشة او اى شىء الكترونى عموما يجب ان نطلع على الداتا شيت الخاصة بة لكى نعرف كيفية استخدامة بالصورة الصحيحة وهذا ينطبق على الشاشة طبعا وللتعامل مع اى شاشة يجب معرفة الداتا شيت الخاصة بها ولهذا وبعد تنزيل الداتا شيت الخاصة بالشاشة الى هنشتغل عليها والى الرابط بتعها فوق وللعلم معظم الشاشات ستجدت الداتا شيت الخاصة بها مثل هذه الشاشة اى كلهم تقريبا واحد وحتى لو مش نفس الشكل اكيد هتلاقى نفس البيانات او نفس الاسماء للعناوين لان المعلومات واحدة تقريبا قبل الدخول لازم نعرف ان انواع الشاشات كثير وفى بعض الانواع تعمل على نظام ال 8 بت اى توصيل 8 اطراف للداتا وهناك انواع تعمل بنظامين وهو نظام 8 بت ونظام او برتوكول I2C او SPI او RS232 وهكذا كلها انواع ولكل نظام مميزاته . .................................................. .................................................. ......................... هذا اول ما يقابلك وهو مثل الفهرس للداتا شيت  الجزء الى بالون الاحمر الى هو Basic specifications دة بيتكلم عن الوان الشاشة اية ,, تخطيط شكلى لها ,, حجم الشاشة وابعادها ,, الاطراف الخاصة بالشاشة وفائدة كل طرف الانظمة الى بتشتغل عليها الشاشة وهكذا . الجزء بالون الازرق الى هو Electrical Characteristics دة بيتكلم عن الجهد الى بتشتغل علية الشاشة بالنسبة للبكسل والعرض ,, والجهد بالنسبة للاضاءة الخلفية والشاشة بتتعامل بكام فولت ,, وسرعه استقبال وعرض البيانات فى الشاشة وهكذا . الجزء الى بالون الاصفر الى هو Function specifications (ودة من اهم الاجزاء فى الداتا شيت) دة بيتكلم عن الاوامر فى الشاشة ,, اوامر التهيئة ,, اوامر العرض ,, الشكل التخطيطى للعرض على الشاشة وهكذا . ____________________________...................... ........................................._________ _______________________ ---------------------------------------____________________________________--------------------------------------------- الان سوف نركز على اهم النقاط للكتابة على الشاشة فى الداتا شيت ونبدء على حسب التقسيم الاول لازم نفهم من البداية شىء اساسى وهو ان الشاشة دى او الشاشات الاخرى على حسب الانواع بتتعامل من خلال اطراف تنقسم الى اطراف للداتا سواء اوامر او للعرض او للقراءة من الشاشة حتى واطراف للتحكم فى الشاشة مثل تنبية الشاشة لانها تستقبل امر ام داتا للعرض مثلا او عمل ريسترت للشاشة وهناك نقاط اخرى اذا للتعامل هناك قسمين للاطراف داتا و تحكم . اولا Basic specifications هذه صورة ما يهمنا فى اول جزئية وهى خاصة باهمية كل طرف وما يفعل بالتحديد من كل اطراف الشاشة  كما نرى الجزء الى متعلم علية بالون الاصفر دة جزء اطراف التحكم وهم فى الشاشة دى 5 اطراف وهتلاقى جنبهم مكتوب Input اى دخل فقط . الجزء الى متعلم علية بالون الازرق دة جزء اطراف الداتا للشاشة وهذه الشاشة تعمل بنظامين نظام 8 بت ونظام serial بطرفين فقط وهم دخل او خرج . الجزء الى متعلم علية بالون الاحمر دة جزء اطراف الكهرباء للشاشة والاضاءة الخلفية لها . اولا اطراف التحكم : اول طرف CS1 ,,ويسمى Chip Select وهذا الطرف يقوم بفصل او تفعيل الشريحة الخاصة بالشاشة وبالتالى يمكننا عرض المعلومات لو CS1=L اى يساوى 0 فسوف تعرض الشاشة اما CS1=H اى يساوى 1 فلا . ثانى طرف RES,,ويسمى Reset Signal وهذا طرف عمل ريسترت للشاشة لو RES=L سوف تقوم بعمل ريسترت للشاشة اما RES=H فلن تقوم الشاشة بعمل ريسترت وهذا هو الوضع الافتراضى عند العمل . ثالث طرف A0 ,,ويسمى Register Select هذا الطرف لنُعلم الشاشة اننا سوف نرسل اوامر Command ام سنرسل داتا للعرض على الشاشة لو A0=L هذا يعنى اننا سوف نرسل اوامر لو A0=H هذا يعنى اننا نرسل داتا للعرض على الشاشة . ستجد بجانب هذه الاوامر فى الصورة انة فى النظامين 8 بت او سريال (6800)(Serial) انك لا تحتاج الى تغير بهم وهذا يعنى استخدامهم فى النظامين ......... رابع طرف R/W ,, هذا الطرف لنُعلم الشاشة اننا سوف نقراء ام نكتب عليها . خامس طرف E ,, هذا الطرف يستخدم عند القراءة من الشاشة او الكتابة عليها . ستجد بجانب هذه الاوامر فى الصورة انة فى النظام 8 بت (6800) يتم استخدامهم كما هو موضح , اما مع نظام سيريال (Serial) ستجد مكتوب Not Used Leave Open اى لا يتم استخدامهم . ((سيتم الشرح بالتفصيل فى الجزء القادم من الشرح ان شاء الله)) ملحوظة هامة :: يمكن ان تختلف اسماء بعض الاطراف من شاشة لاخرى لكن ما يهم هو ما يقوم بة الطرف مثل Register Select وهو الطرف A0 مثلا اذا وجدناه D فلا مشكلة المهم انه يقوم بوظيفة Register Select ...... ثانيا اطراف الداتا : وهم 8 اطراف من D0 الى D7 اى 8 بت وهم الخاصين بنقل البيانات سواء من الميكرو الى الشاشة فى حالة الكتابة Write او من الشاشة الى الميكرو فى حالة القراءة Read . ولكن هذا فى نظام 8 بت (6800) اما فى نظام سيريال (Serial) فلا يستخدم غير طرفين فقط هم D6 و D7 وباقى الاطرف نتركها . ثالثا اطراف الكهرباء : طرف للكهرباء للشاشة وطرف للكهرباء للاضاءة الخلفية وطرف الارضى مشترك . ملحوظة بسيطة : للاختيار بين الانظمة التى تعمل بها الشاشة مثل (6800) او (Serial) مثلا ففى بعض الشاشات يكون من خلال السوفت وير اى بالاوامر وفى البعض الاخر من خلال الهارد وير مثل هذه الشاشة فهناك جمبر يتم تغير مكانة للاختيار بين النظامين وللعلم النظام الثانى (Serial) هو ما تعمل بة شاشات الموبايل لتوفير الاطراف ____________________________...................... ........................................._________ _______________________ ---------------------------------------____________________________________--------------------------------------------- ثانيا Electrical Characteristics هذه صورة جزئية هامة من القسم الثانى من الداتا شيت وهى عن تحديد الفولت الى نحتاجة والتيار لكى نشغل الشاشة .  كما نرى الجزء بالون الاسود يعطينا بيانات الكهرباء من الفولت وهو يقع بين 2.8 الى 3.3 فولت كا اقصى حد وانا شخصيا شغلتها على 5 فولت عادى لكن يفضل الالتزام ونرى ايضا كم تستهلك الشاشة من الفولت فى التعامل مع الميكرو من فولت وامبير ايضا . اما الجزء بالون الاحمر فدة بيانات الكهرباء للاضاءة الخلفية وهى 3.3 فولت ايضا و 70 مللى امبير . وهذه صورة جزئية اخرى وهى معلومة هامة فى التعامل مع الشاشة ومعرفة امكانياتها وتسمى فى الداتا شيت ب 6800Mode System Bus Timing وهذا يعنى ان نظام سيريال (Serial) له قياسات ايضا  وهى خاصة بسرعه الشاشة فى استقبال البيانات فى هذه الجزئية ستجد بالاعلى مقطع للبيانات على الاطراف كلها تحت بعض وكل جزئية يحدد الوقت لها بجزء ويسمى باسم مثل taw6 وهكذا وفى الجدول تجد ان taw6 سرعته كذا وكذا اى ان هذه النقطة يمكن ان تعمل بالسرعه دى وزى ما احنا شايفين ان السرعات بالنانو ثانية يعنى سرعه رهيبة ودة معناه اننا نقدر نعرض فديو على الشاشة دى مش بس مجرد صور ((الامر لا يعتمد على السرعه فقط)) لان الفديو ما هو الا عرض صور مثلا 30 صورة بتتابع وبسرعه اقل من 250 مللى ثانية مجتمعه حتى تنخدع العين وتحس ان الفديو بيشمى وفية حركة زى نظام الملتيبليكس السيفن سيجمنت وطبعا الفديو بالشكل دة يعنى بيانات كثير جدا جدا ودة عايز ذاكرة وسرعه عالية سواء من الشاشة او من الميكرو وهنا الشاشة تعمل بالنانو ثانية يعنى تكفى الباقى على الميكرو . ____________________________...................... ........................................._________ _______________________ ---------------------------------------____________________________________--------------------------------------------- ثالثا Function specifications ((اهم جزء فى الداتا شيت)) اول جزئية فية هى Display Memory Map اى خريطة ذاكرة العرض وهى كالاتى  وهى بتظهرلك تقسيمة الشاشة زى مانت شايف كدة عبارة عن Page Address 8 وكل واحدة منها يمكنك كتابة 8 بت فيها يعنى لو ضربناهم ببعض 8*8 = 64 بكسل ودة فعلا طول بكسلات الشاشة وتحت هتلاقى Column Address من 00h الى 7fh وهذا يعنى من 0 الى 127 وهذا يعنى 128 بكسل وهو ايضا عرض الشاشة وهما الاحداثى Y ,, X للكتابة فى اى بكسل نريدة على الشاشة . ((سيتم الشرح بالتفصيل فى الجزء القادم من الشرح ان شاء الله)) ...................................------------------------------_____________________________________-_________________-________________ ثانى جزئية وهى هامة جدا وهى Display Command اى الاوامر التى تتحكم فى كل شىء فى الشاشة  اللون الازرق دة اسم الامر . اللون الاحمر دة شكل الكود يعنى كل طرف من الاطراف لازم يكون زى مانتوا شافين كدا وحتى اطراف الداتا نفسها . اللون الاسود دة وظيفة الامر وكيفية استخدامة . ناخد مثال امر الكتابة على الشاشة الى متعلم علية بالون الاخضر هنا علشان نعرض شىء على الشاشة لازم يكون الطرف A0 ب 1 والطرف RD الى هو E ب 1 والطرف RW ب 0 ومن D0 الى D7 دى بقى الداتا الى هتتعرض وبما ان النظام 8 بت اى بايت كامل فمثلا كما تحدثنا فى السابق ان مثلا صورة 1024 بايت اذا ببعض الاوامر الاخرى بجانب هذا الامر يمكننا ارسال بايت بايت 1024 مرة ويتم عرض الصورة على الشاشة وهكذا . وهناك اوامر اخرى بالاسفل وكلها مشروحه بجانب الامر كما قلت ...................................------------------------------_____________________________________-_________________-________________ الجزئية الثالثة وهى الاهم وهى Basic Operating Sequence وبداخلها Initialization Sequence  ودى التكملة  وهى اوامر التهيئة للشاشة ويجب اتباعها بالحرف قبل اى اوامر وبعد تنفيذ هذه الاوامر نبدء فى العرض وهى مثل داله التهيئة الموجودة داخل الميكروسى التى نقوم بكتابتها فى البداية وهى تقوم بكل هذا بدلا منك GLCD_Init وكما نرى الخط الاحمر هو نهاية هذه الاوامر ونبدء من بعد ذلك بكتابة وعرض ما نريد وبكدة نكون خلصنا التعرف على الداتا شيت وان شاء الله منها نقدر نتعامل مع معظم الانواع ان شاء الله فى الشرح القادم هيكون فى مثال عملى على استخدام الدوال للعمل على الشاشة وايضا تفصيل الاوامر مع الشرح وللعلم فقط هذا ليس الا توضيح والباقى عليك لانك لو فهمت النقط دى هتقدر ان شاء الله تتعامل مع معظم الداتا شيت الخاصة بالشاشات دى وانا عارف ان الشرح ثقيل شوية ولكن اى شىء مش مفهوم ان شاء الله انا تحت امركم واى خطا فى الشرح ارجوا توضيحة السلام عليكم ورحمه الله وبركاته |
|
||||||
|
|
