مشكلة phoenix - awardbios v6.00pc - الصفحة 2

amged · 22-08-2007, 07:18 AM

بسم الله
السلام عليكم ورحمة الله وبركاتة
بعد قول اساتذتى لا يوجد شى ولكن نقطة بسيطة اخى الفاضل
هل يتجمد الجهاز نهائيا على هذه الصفحه ام انك يمكنك الدخول على اعدادات البيوس بصوره طبيعيه
والعمل عليها

sahara1 · 22-08-2007, 04:28 PM

نعم اخوي hariedy ممكن يكون شحن البيوس

لكن الطرقه كيف اشحن البيوس

لو غلبتك معي سامحني

sahara1 · 22-08-2007, 04:32 PM

اخوي amged عند الوقوف على هذه الصفحة لا يمكن فعل اي شيء مثل ما انت قلت يتجمد

hariedy · 22-08-2007, 05:02 PM

اذاً تحقق من مروحة البروسيسور اولاً ومن تثبيتها جيداً
ثم انظر فى البوردة لتبحث ما اذا كان هتاك مكثف منتفخ
وان تحققت من الاثنين جرب ببورصيلاى اخر .
والله الموفق .

البروفيسور · 22-08-2007, 05:21 PM

طريقة شحن البيوس : قدامك حل من اتنين
1- لو عندك جهاز شحن البيوس ( الإيبروم ) وأنا لا أعتقد أنه موجود عندك قم بشحن البيوس من خلاله أو قم بخلع البوردة واذهب إلى مركز صيانة محترم يشحنلك البيوس .
2- لو مش هتقدر ماتفكش البوردة وخليها زى ماهيه .. قدامك حل من الاتنين
1- لو شريحة البيوس بيلت إن يعنى ملحومة فى البوردة يبقى هتحتاج لهوت إير عشان تفكها وده صعب بالنسبة للمستخدم العادى وماعتقدش انك عندك هوت اير . يبقى هتروح برضه لمركز صيانة .
2- لو شريحة البيوس بيلت أوت يعنى متركبة على البوردة عن طريق سوكيت يمكن خلعها فستضطر لشراء بوردة أخرى شغالة تمام ويكون البيوس بتاعها بيلت أوت زى بوردتك بالظبط أو تروح لواحد صاحبك عنده بوردة زى بوردتك ويكون بيحبك عشان تقدر تنفذ اللى هقوللك عليه ده ( عشان ممكن يتخانق معاك لما يشوفك بتعمل اللى هقوللك عليه فى جهازه )
ودلوقتى هتعمل ايه ::!!!؟؟؟
1- هتشوف الإصدار بتاع البوردة بتاعتك وتعمله داونلود من على النت على حسب نوع المازربورد بتاعتك .
2- هتشغل الجهاز السليم ( ويكون عليه إصدار البيوس اللى جبته من على النت )وبعد ماتشغله هتفك
البيوس بالجفت بحرص شديد ( أو الإكستراكتور ) أفضل من الجفت .والجهاز شغال ( ماتخافش مش هيحصل حاجة طالما انت عارف انت بتعمل ايه )
3- تقوم بتركيب البيوس بتاعك مع مراعاة تركيبه على الإتجاه الصحيح ( هتلاقى شطف عند أحد زوايا الفلاشة وهتلاقى زيها على السوكيت على البوردة )
4- فى الملف اللى نزلته من على النت هتلاقيه مضغوط هتفكه ببرنامج فك الضغط مثل winrar وبعدين هتلاقى 3 ملفات الأول AUTOEXEC والتانى falsh والتالت إصدار المازربورد وامتداده Bin .
5- هتشغل الأول هيظهر ويختفى .
6- هتشغل الثانى هيظهر على شكل صفحة دوس وهتختار من البرنامج ده ملف الشحن الثالث وسيقوم بشحن البيوس بتاعك وبعد مايخلص هيطلب ريستارت .
7- لما يعمل ريستارت قم بإغلاق الجهاز بتاع صاحبك وشيل الفلاشة وركبله بتاعته فى الاتجاه الصحيح . ( وقوللوه مش عايزين منك حاجة )
8- روح ركب الفلاشة بتاعتك على البوردة بتاعتك وشغل الجهاز وماتنساش لما يشتغل خش على صفحة الSetup واعمل load setup defultes وبعدين Y وتعمل save وهيعمل ريستارت وبعدين هيشتغل الجهاز إن شاء الله . أعمل العملية الجراحية دى وبعدين رد عليا وقوللى ايه اللى حصل... بالتوفيق . مع تحياتى