أهلا بالأخ الكريم فكرتك حلوة
بص أنا فكرت فى الموضوع ده قبل كده وبسبب شغلى فى المصانع واحتكاكى
ببتوع الميكانيكا والكهرباء وكمان الألكترونيات خطر ببالى مجموعة أشياء
أولا : لازم تكون العجلة غيارات بمعنى تعدد التروس الأمامية والخلفية
عشان العجلة لازم تكون خفيفة وبالتالى نصغر الترس الأمامى ونكبر الترس الخلفى بقدر الإمكان
ثانيا موتور dc يكون عزمه شديد يشتغل ببطارية 12 او 6 فولت والموتور ده يتوصل ميكانيكيا بصندوق تروس عشان يزود العزم
ثالثا بعد كده هنعمل حركة زكية أنك تخلى ترس من التروس الأمامية على رومان بلى ويكون جنبه ترس أكبر منه ملحوم فى البدال عشان لما تحب تقلب من بدال الى موتور مش هتحتاج تبدال غصب عنك لانه العجلة لو مشيت بموتور لازم البدال هيلف يبقى لما نحب نشغل الموتور نشد الغيار ونخلى الترس الامامى على رومان بلى وعن طريق الموتور اللى عزمه شديد وكمان الجير بوكس العجل ممكن تمشى
تحياتى لك