|
اشكرك اخى احمد على مرورك وبصراحه حكايه التصميم بالنسبالى سهل جدا وبجميع الاشكال ان كان خشب او بلاستيك او حتى الومنيوم مش مشكله بالنسبالى لاانى عندى جميع العدد فالبيت بتوع ولدى ولكن المشكله عندى هى المقاسات المنسبه والاجهزه وكما قلت لحضرتك انا عاوز اعملها اوتومتيك فكل حاجه مش مهم الفلوس المهم انى مخلش فاى حاجه فالبيض وياريت تكون كمان بتيار تعويضى عند انقطاع الكهربه لاانى ححط فيها انواع غليه اولا ثانيا انى لسه حقوم بتاكيل يدوى للفروخ الى حتطلع فعمليه متبه البيض وكمان تاكلهم كده حتكون صعبه جدا فانا محتاج تكون اوتوماتيك فانا طالب من حضرتك المقاسات والادوات بكام بالظبت ومنين لاان فى احتمال كبير انى انزل القاهره انشاء الله يوم الثلاثاء القادم فعاوز اعمل حسابى واجبهم بعد ازن حضرتك
|
لا شكر على واجب....
اولا:المقاس براحتك على حسب المطلوب و الافضل خليها افقيه (لو هتجيب ادراج تقليب اوتوماتيك جاهزه) و الافضل الخشب فى صنع البدن
ثانيا الادوات بالتفصيل:
1-لمبه كهربه: و ممكن الزياده على حسب الحجم
2-ترمومتر-هيجرومتر (الرطوبه): زى ما قلتلك: تروح شارع القصر العينى شارع مشهور اسال عليه اى حد حتى اركب اى اوتوبيس تلاقيه مكتوب عليه شارع القصر العينى هتلاقى صيدليات كتير :تدخل لاى وتحده يكون مكتوب فيها مستلزمات و الادوات الطبية
3-الترموستات: تروح محطة المترو و تركب و تنزل محطه (الشهداء) قبل محطة التحرير بمحطة و تطلع من السلم و تسال اى حد تشوفه قله شاورلى على شارع نجيب الريحانى اول ما توصله خد لفه من اوله لاخره دور و اسال على الترموستات الديجيتال ... الشارع مليان
4-مروحه كمبيوتر: من اى بتاع كمبيوتر
5-محول(ترانس): زى بتاع الاتارى القديم ده او اى واحد يكون مكتوب عليه 12 فولت عشان تشغل بيه المروحه و هفهمك بعدين
6-اسلاك كهربه عشان التوصيل و الحركات دى
7-اناء الرطوبه:اى طبق مش مشكله
8- ادوات التقليب الوتوماتيك : لو هتجيب ادراج جاهزه مش هتحتاجها... لو مش كده يبقا هتختار من طريقتين للتقليب (دحرجه او +- 45......... الى هتحتاج فيها ماتور دش و ريليه و كله مشروح فى موضوع بالمنتدى فقط حدد)
لو هتجيب ادراج جاهزه للاسف معرفش منين عشان مجبتهاش قبل كده ممكن تدور على النت ........
