هههههه انت راجل زوق و جميل و الله

أنا لسه جايب PIC16f877a و كنت شاريه مخصوص علشان أجرب مبرمجة USB مرة و التانية و الثالثة لقيته أتحرق من غير حته ما يخش دائرة

بس الأنواع التانية زى PIC18f4550 الحقيقة أنه محترم معايا

PIC هيفيدك فى تطبيقات زى USB أو CAN و دول صعب تلاقيهم فى الوطن العربى بالنسبة للأتميل

AVR اللى هو أنتاج شركة Atmel
الحقيقة شغال زى الفل معايا و الشركة بتحاول تسهل فى التصميم بأقصى ما عندها
يعنى فى البيك تلاقى ترتيب المنافذ غير منطقى
لكن فى الاتمل بتلاقى الانالوج جنب بعضه و كل حاجة متنسقة و ده بيسهل عملية تصميم PCB بشكل كبير جدا

بالأضافة لوجود كريستالة داخلية فى كل متحكمات AVR حتى الرخيصة منها

فعلا حدثت معى نفس المشكله ،، البيك 16f877a اصبح لا يقبل البرمجه عليه مره اخرى بعد حوالى 15 مره ،، فهذا يدل على ردائة جودة الصناعه اللى بتدخل مصر

السلام عليكم ورحمة اللله وبركاته
----------------------------------

اخى الكريم ان شركات صناعة المكونات الالكترونية تبدل جهدا جبارا لكى يكون انتاجها مطابق لما صنع له وعلى هدا تضع هده الشركات بعض الخيارات عند البرمجة لتلافى اى مشاكل عند التنفيد حيث تراعى هدة الشركات البيئة الطبيعية من ضوضاء وحرارة وبرودة وتدبدب بالتيار الخ عند تشغيل مكوناتها ومن ضمنها (تفعيل خيار كلب الحراسة--WATCHDOG )
لدلك ارجو منك تجربة تفعيل كلب الحراسة اثناء حرق البيك وان شاء الله سيكون الحل
طبعا انا متابع المناقشات من اول تجربه 8870 والله الموفق
اليك رابط جميل يشرح فائدة كلب الحراسة

http://www.eeecb.com/vb/showthread.php?t=240

اشكرك اخى الحبيب .. قمت بقراءة الموضوع و فيه شرح نظرى للwdt جميل ،، وارجوا بكل بساطه توضيح الكود اللآزم كتابته فى برنامج الميكروسى حيث اننى لست خبير فى لغة البرمجه ... حاولت كثيرا قراءة المواضيع التى تتكلم عن مؤقت الحراسه و لكننى وجدتها تتكلم بشكل عشوائى و لايفيد المبرمج و منفذ المشاريع ...اى اننى لو اردت تنفيذ و تفعيل مؤقت الحراسه و بمده زمنيه حوالى نصف ثانيه .. ماهى الخطوات بالترتيب و كتابة الكود حتى الحرق على البيك؟ و آسف على الأطاله .

تقبل منى مشاركتى المتواضعة
هل جربت الكنترولر PIC16F877-20/P بدلاً عن PIC16F877A-I/P
انا ملاحظ ان هناك فرق فى السعر قارب على الضعف و ده ممكن يعزز
كلام المهندس AEI ان اللوط الموجود فى السوق للـ PIC16F877A درجة تانية
و حسب معلوماتى الضعيفة ان الأثنين متطابقين لحد ما فى المواصفات
و طبعاً يمكنك التجربة بسهولة لأن الأثنين نفس المقاس و عدد الأرجل و بياناتها
رابط للـ PIC16F877A-I/P
http://store.fut-electronics.com/PIC16F877A-I/P.html

رابط للـ PIC16F877-20/P لاحظ فرق السعر المقارب للضعف
http://store.fut-electronics.com/PIC16F877-20/P.html

اتمنى من خبراء القرية ان يوضحوا السر فى فرق السعر المبالغ فيه

السلام عليكم ورحمة الله وبركاته ....

و الله العظيم برغم الصدمه التى صدمتنى بها سيادتكم ( وهى ان الثلاث شركات لديها البيك معيوب) ولكن و الله العظيم اثلجت صدرى و فتحت لى باب امل فى المشروع و ايقظت احساسى و اعطيتنى الثقه فى تقديراتى ان البيك هو سبب المشكله ...فجزاكم الله خيرا على المعلومه .. وانا اثق فى كلام حضرتط حيث اننى لى سابقة تعامل معكم حيث اننى قمت بشراء المبرمجه للبيك من النخيلى سيريال وهى من صنع سيادتكم و هى شغاله معى تمام .. و البروجيكت كيت جاهزه من محل رام و عليها كل المكثفات و توصيلات البيك نفسه ..... و بعد كل هذا اجد البيك بعد ما كان شغال كويس اجده يهنج و لا يرجع الى العمل مره اخرى الا بعد عمل ريستارت للجهاز ، فعلا فأعتقد هذا عيب رامات مثل ما ذكرت و الله اعلم...

و لكن وهو الأهم لو كان فعلا الوضع كذلك فبما تنصحنى وتنصح الأعضاء فى هذا المنتدى من اى مكان اشترى البيك او كيف احصل على البيك درجه اولى ؟؟؟؟؟؟؟

وارجوك ان تجاوبنى على السؤال للأهميه الأقصوى ...[/QUOTE]

هذا هو الكلام الصحيح الى يدخل العقل كلام الناس الخبرة بجد
مش كتر كلام ورسم على خلق الله قال ايه افضل arm وعملت بيه مشاريع كذا وكذا ومايكرو كذا و plc كذا ودعاية فى السعودية كذا وكذا وفى الاخر كلام فى كلام مشاريع طبية ههههههههه يا سلام الله يعينك مش فاضى من كتر المشاريع والدورات الى مزعلنى فى الموضوع كله الاخ الى اسمه ناصر مزودها اوى يا عم اهدى شوية متخليش الناس تتغر بكلامك اهدى الله يهديك دانت فاضل شوية...
ولا بلاش احسن المهم اهدى شوية ياناصر عيب والاخ المهندس متعرضهاش علينا
بالله عشان الناس اتخنقت من المصريين وكتر كلامهم انت من فترة قصيرة كنت بتتعلم وتسئل وانا لوفاضى بس كنت جبتلك اسئله ميسئلهاش مهندس وسلامى الى اهل المنوفية
والاخ ناصر اهدى شوية ملئت صفحات القرية شكر وتقدير وتعزيز وعرفان بالجميل مش عارف دى دعاية ولا ايه
طبعا الاستاذ فهد مبسوط مش مشكلة عنده ناس خبرة بجد تركها انا شخصيا اتعلمت منهم الى عمره ما حتعلمه من اى احد تركتهم ينسحبوا من المنتدى وحضرتك عارف ليه المهم طولت عليكم اعذرونى انا من المعارضة هههههههههه
واحتمال تكون دى اخر مشاركة وممكن تحزف كمان واتحرم منكم ههههه

اخى الكريم البلانوكى ... تحيه من عند الله مباركه ....

اولا بجد انا مش فاهم حاجه من الكلام ....

ثانيا الاحظ لهجه شديده فى الأنتقاد للأخوه الأعضاء .. و انا اكن لهم و لحضرتك كل الحب و الأحترام ... فى المناقشات السابقه التى تكلمنا فيها عن مشكلى البيك تفضل علينا الأخوه الكرام بالمشاركه بما لديهم من معلومات و هذا العمل يشكروا عليه فهم ليسوا فى حاجه الى ان يضيعوا وقتهم فى كتابة سطور و نقل الخبرات للأخرين لكى يفيدوا و يستفادوا فالكلام كله على قطعه من صنع شركه اجنبيه ، لا يهم لأحد تسويق منتج لهم من قريب او بعيد و لكن الذى يهمهم فقط هو تبادل العلم .. فلم كل هذا الأنتقاد ،،وحتى ولو كان الكلام لبعض الأخوه غير منطقى من وجهه نظر حضرتك فتقبله منه بنفس راضيه ، فهو يعطيك كل ما لديه من معلومات و لا يبخل بها عليك والا فما الداعى لأن يتعب نفسه فى الكتابه ؟؟؟ يا اخى الكريم اذا كنت تملك من المعلومات و العلم فى مجال ما فلا تقلل من شأن الآخرين فى هذا المجال فربما انت لا يكون لك الخبره فى مجال آخر و لا تحب ان ينتقدك احد بهذا الأسلوب القاصى .... فأنا شخصيا هاوى للألكترونيات و عاشق لها منذ أكثر من 20 سنه و لم ادرسها دراسه جامعيه و لكنى اتعلم من قراءة الكتب و المراجع و المنتديات التى تضم نخبه علميه قيمه من امثال حضراتكم ،، وبالطبع يوجد من هو اعلم منى بالكثير فى هذا المجال و منهم من هو اقل واعلم هذا من التداخلات و النقاشات و لكن نكون يد واحده حتى نصل لحل المشكله و الكل يحترم الآخر..
و مجال عملى الأساسى هو صناعة الكيماويات الصناعيه و تسويقها ولدى شركتى الخاصه بهذا الموضوع ولهذا اقول لحضرتك انك ممكن ان تكون بارع فى مجال معين و ضعيف فى مجال آخر ،، فالرحمه مطلوبه يا اخى الكريم ،، وارجوا انك ما تزعلش من كلامى ،، فانا والله احب كل من هذا المنتدى العلمى الراقى فى الله و اتمنى للكل التوفيق فى عملهم ومشاريعهم ..