سبحان الله انا لم ادخل لقسم صيانه الاجهزه المنزليه من تاريخ كتابه المشاركه منذ سنتين لدرجه انى نسيت تماما كل شىء عن مشاركتى هذه - دخلت اليوم بالصدفه ووجدت انه مازال هناك تفاعل وردود - طبعا الحمد لله اشتريت البوتاجاز بومبانى مكونات ايطالى محفور عليها صنع فى ايطاليا مواسير الغاز استانلس ستيل والتجميع فقط مصرى من شركه وايت ويل - بوتاجاز ممتاز جدا جدا وفارق الثمن بينه وبين اى بوتاجاز صنع مصرى ليس كبير ( ثمنه 3225 جنيه) يعنى 1000 جنيه تقريبا لكن طبعا الفينيش والشكل والخامات والتقفيل والجوده اعلى بكثير - بس للامانه اثناء تحميل البوتاجاز على السلم تم كسر احد المفاتيح البلاستيك لعيون الغاز و سعر المفتاح فى التوكيل 70 جنيه طبعا يعتبر غالى الثمن اضطريت طبعا انى اشتريه لان بلون البوتاجاز وحتى احافظ على شكله - لكن اعتقد ان اى مكونات داخليه للبوتاجاز ممكن تتكيف اى قطع غيار له من السوق المحلى.

ده اشترته من فين؟؟

انا كمان كان لى نفس التجربة المرة مع فريش بس كانت السلعة أرخص و هى مكواة. كنت بادور على مكواة بسيطة لاستخدامى الشخصى و لقيت فريش أرخص من قرينتها المستورة بعشرين جنيه فقط. و قلت لنفسى المكواة عبارة عن سلك سخان و ترموستات يعنى مافيهاش تكنولوجيا معقدة طب ليه ماأشتريش المصرى. جربتها فى المحل وأخدتها ولما بدأت أستخدمها لقيت الهدوم زى ماهى. أتاريها بتسخن من نقطة واحدة من المنتصف. و دخت من المحل لوكيل الصيانة اللى بعتها للمصنع ورجعت زى ما هى و رفضت استلمها وبعتها الوكيل للمصنع تانى فبعتوا لى واحدة مستخدمة أخذتها عشان أخلص من المشاوير و رحت أشتريت المستوردة و حلفت ما أشترى أى حاجة مصرية اذا كان فيه منها مستورد. دى لكل رجل صناعة مش بيدور على جودة منتجه.

علي العموم ماركه فريش ماركه سيئه الغايه وهي مصنع موجود في مدينه العبور وأداره كلها أفاقين ولي تجربه سيئه معهم وقد اشتريت منهم بوتاجاز وبعد بداء استعماله وجدت ان باب الفرن لا يغلق من الجانب الأيسر وقد أبلغتهم زارني فنيين اكثر من مره ولم يستطيعوا حل المشكلة وكتب احدهم ان العيب عيب صناعه وعلي الرغم من ذلك رفضوا استبداله رغم اني محتفظ بالفاتورة التي تثبت انني اشتريته منذ اقل من شهرين والضمان وتقارير الفنيين، فهي ماركه سيئه وليس لديهم اداره او خدمه.