السلام عليكم ورحمة الله
انا عندى مشكلة فى ولاعة العربية حصل فيها شورت وطيرت الفيوز الخاص بيها وتانى يوم بدور العربية لقيت البطاريه نايمة تماما ولاول مرة تحصل معايا وللاسف غيرت الفيوز بتاع الولاعة بفيوز اكبر منه 20 امبير . وحاول ادور العربية وسبتها شوية تشحن البطارية حصل الشورت تانى فى الولاعة لكن المرة دى الفيوز ماطارش ولقيت دخان ابيض خارج من التابلوة بطلت العربية بسرعة وفصلت الشاحن اللى فى الولاعة وشيلت الفيوز بسرعة قبل مايحصل حاجة اكبر
ومن ساعتها البطارية كل ماركن العربية فى مكان وارجع ادورها ماترضاش تدور

خرجت البطارية وشحنتها على تونجر ضعيف لمدة 12 ساعة بردو العربية مادارتش شحنتها على تونجر شديد وكان سحب الامبير بتاعها على 13 امبير 4 ساعات فى بداية الشحن منتظم والبطارية بتستجيب ولكن فى النهاية البطارية سخنت على الاخر وبدات تطلع سايل من الفتحتين اللى فى الجنب وغاز ريحته شديدة
جربت البطارية على العربية دارت ولكن لما امشى بيها بشم ريحة الغاز دة شديد والبطارية بتطلع السايل دة على الاجزاء لداخلية فى العربية وكل ماركن العربية البطارية تنام .
اخيرا زهقت وغيرت البطارية بواحدة 70 امبير بدلا من 55 امبير
رجاء الافادة هل المشكلة من الدينامو (هل هو اللى سبب تلف البطارية)
وجزاكم الله خيرا

وعليكم السلام ورحمة الله
الاسلك الكهربية اتحرقت وسالت على بعضها لابد من مركز صيانة او كهربائي سيارات
لاعادة تغيير تلك الاسلاك التالفة
افصل كابل البطايرة ولاتسير بالسيارة حتى لاتسبب فى المزيد من الاضرار كاحتراق الدينامو وبعض الاجهزة الكهربية الاخرى