بسم الله الرحمن الرحيم
السلام عليكم ورحمه الله وبركاتة
اولا تم الاستعانة بشكل اساسى على الرابط دة للبشمهندس العبقرى فتح الله عبد العزيز
http://www.qariya.info/vb/showthread.php?t=70023
ودة الى واخد منة الدائرة الى هنعدل فى القيم للقطع بتاعتها لتشغيل اى عدد احنا عايزينة ان شاء الله
لمن يريد الفهم اكثر يطلع علية .
مفاهيم بسيطة وهامة:
ما فائدة التوصيل على التوالى :
هو ثبات التيار وتغير الفولت على حسب عدد القطع .
ما فائدة التوصيل على التوازى :
هو ثبات الفولت وتغير التيار على حسب عدد القطع .
كم ياخذ الليد من الفولت والتيار :
دة على حسب نوع الليد وقدرتة
وعموما معظم الليدات العادية تاخذ ما بين 2 فولت الى 3 فولت
وحوالى 10 مللى امبير
مثال بسيط للتوضيح:
وصل عدد 4 لليد على التوالى واحسب كام من التيار المطلوب وكم من الفولت المطلوب لتشغيل الليدات
اذا علمت ان كل لليد ياخذ 3 فولت و10 مللى امبير
(بما ان التوصيل على التوالى يعنى ثبات التيار وتغير الفولت على حسب عدد القطع
وكل ليد ياخذ 3 فولت 10 مللى امبير
اذن
التيار = 10 مللى امبير
الفولت = عدد القطع *الفولت لليد واحد
الفولت = 4*3 = 12 فولت
اذن ما نحتاجة هو 12 فولت 10 مللى امبير )
مثال اخر:
وصل عدد 4 لليد على التوازى واحسب كام من التيار المطلوب وكم من الفولت المطلوب لتشغيل الليدات
اذا علمت ان كل لليد ياخذ 3 فولت و10 مللى امبير
(بما ان التوصيل على التوازى يعنى ثبات الفولت وتغير التيار على حسب عدد القطع
وكل ليد ياخذ 3 فولت 10 مللى امبير
اذن
الفولت = 3 فولت
التيار = عدد القطع *التيار لليد واحد
التيار = 4*0.010 = 0.040 امبير
اذن ما نحتاجة هو 3 فولت 40 مللى امبير )
اظن كدا وضحت الفكرة من التوصيلين
والتوصيل هيعتمد على الطرقتين مع بعض
مثال عملى:
لتوصل 50 لليد مثلا
يجب اولا معرفة كام يحتاج 50 ليد من كهرباء على حسب التوصيل لكى نوفر اللازم من الكهرباء
اولا
هنقسم ال 50 ليد الى 5 افرع وكل فرع به 10 ليدات
الفرع الواحد:
هنوصل فية 10 ليدات على التوالى
وكما تعلمنا من الحساب فى الامثلة السابقة
اى كل فرع سيحتاج 10 مللى امبير و30 فولت .
وبعد توصيل 5 افرع بنفس الطريقة اصبح عندنا
50 لليد .
توصيل الافرع مع الدائرة:
هنوصل ال 5 افرع مع بعضها البعض بطريقة التوازى
وكما تعلمنا من الحساب فى الامثلة السابقة
اى كل الافرع ستحتاج الى 30 فولت و50 مللى امبير
وهذا هو الحساب النهائى
30 فولت و 50 مللى امبير
هذه هى الدائرة
المكثف C1 هو المسؤل عن توفير التيار
هتلاقى مكتوب عليها مكثف 1 ميكرو يخرج 40 مللى امبير وهو قريب من المطلوب
ويجب توصيل مقاومة 1 ميجا اى وات عادى على التوازى مع المكثف حتى يفرغ شحنتة بعد فصل الدائرة عن التيار .
كل ما سنفعلة هنا هو تغير الزينر ديود d17 الى 30 فولت
ويستحسن الواط يكون كبير قدر الامكان
وتغير قيمة الفولت للمكثف C2 الى اعلى من 25 فولت حتى يتحمل
وطبعا التوصيل زى ما وضحت
تحذير:
احذر فى التعامل مع الدائرة لانها متصلة مع 220 فولت
حتى لا تصعق وتدعى علية .
وللعلم انا جربت عملها والحمد لله اشتغل تمام
ولكن لا اعلم هل تتحمل العمل التجارى
اى ما مدة عمرها وقدرتها على التحمل فى ظروف العمل وهكذا...
سؤال للناس الى فهمت ان شاء الله
اريد توصيل 50 لليد والدائرة عندى تعطى 15 فولت فقط
فكم احتاج من التيار وكيفية التوصيل ؟؟
اذا كان فى اى شىء غير مفهوم
ضع سؤالك وسوف احاول ان شاء الله بقدر علمى الرد علية
شرح كيفية توصيل اعداد كبيرة من الليدات على 220 فولت
هايل
