السلام عليكم و رحمة الله و بركاته
ان شاء الله هتكون دى أول مشاركة ليا فى المنتدى
أنا عندى شاشة سامسونج من نوع syncmaster 940bw
19 بوصة .. وشغالة معايا من حوالى 3 سنين كويس جدا .. لكن مؤخرا لاحظت بعض المشاكل بدأت تظهر .. كان أولها ظهور ( تنميلة ) بسيطة و سريعة بعرض الشاشة لا يتم ملاحظتها الا فى المناطق المظلمة ( مثلا عند مشاهدة فيلم ويكون فى مشهد معتم أو مظلم ) بتبدأ بسيطة لكن سرعان ما تصبح شديدة فكنت بتغلب على المشكلة دى عن طريق عكس اتجاه كابل الشاشة يعنى أحط اللى متركب فى البورده مكان اللى متركب فى الشاشة و بكده كنت بتخلص من التنميلة دى ( مؤقتا ) لكنها كانت تعود بالتدريج فأقوم بعكس كابل الشاشة .. وهكذا .
لكن مؤخرا ظهرت مشكلة تانية لكنها كانت أشد من الأولى : وهى انخفاض ملحوظ فى جودة الألوان خصوصا فى الألعاب ( مع العلم ان العيب مش من الكومبيوتر لأنى اشتريت جهاز جديد و نفس المشكلة موجودة ! ) , بلاحظ انخفاض جودة الألوان فى الألعاب خصوصا عند الدخول لمكان مظلم فى اللعبة حيث يظهر اللون بطريقة شبيهة بتقنية الألوان 16 بت ( حيث تدرج الألوان وظهور مربعات و دوائر غير واضحة عند الأقتراب من اى جسم فى اللعبة ) رغم انى استخدم أعلى جودة ( 32 بت ) !
آسف طولت عليكم لكن انا كنت عايز الوصف يكون دقيق شوية عشان الأخوة يكون تشخيصهم سليم
ربنا يكرمكم أرجو الرد بسرعة للأهمية لأن المشكلة دى مجننانى مش عارف هى مشكلة هارد وير ولا ايه ؟ يارب تفيدونى .. شكرا
مشكلة فى شاشة Samsung SyncMaster 940BW
