عندى شاشه 19 بوصه viewsonic VA912

موديل Model No. VS10867

مشكلتها انها ابتدت تقطع باور و هيا شغاله لمده ثانيه او اتنين و تشتغل تانى مع ايام الصيف من اسبوعين ثم قطعت لمده 10 ثوان و تشتغل تانى .

فتحتها و لقيت فيها 6 مكثفات منفوخين و 3 منهم شكلهم مفرقعين .

غيرت المكثفات و شغلتها . اشتغلت لمده 3 ساعات كويسه و عملت نفس المشكله


فتحتها تانى و غيرت باقى مكثفات بورده الباور و العيب لسه موجود .

و بعض الاوقات بتفصل مش بتشتغل الا بعد 12 ساعه مثلا .

عيب يجنن و مش عارف اعمل ايه .

انا قريت كل اللى فى الموقع عن الموضوع ده . فيه مشاكل مشابهه بس ماركات تانيه .

لو ممكن حد يعر ف الموديل ده و اشتغل فيه يقوللى فين الكونفرتر و شكله ايه ؟

بس انا ليا راى من خبرتى .

لو المشكله انصاف موصلات . الحاجه يا تشتغل او ما تشتغلش ؟

العيب ده المفروض يكون مكثف او عيب لحام .


و شكرا لكل اللى هيرد على الموضوع مسبقا .

بسم الله الرحمن الرحيم أخي الكريم كذلك أنصاف الموصلات يمكن أن تحدث مثل هذه الأعطاب وأكثر من ذلك وأنا عايشت مثل هذه الحالات وأعقد منها.أعطيك مثال بسيط ومشهور في SONY بالضبط IC MCZ3001 يحدث كثيرا مثل هذا الخلل. ولكي تتأكد أخي يمكنك تسخين البلاكا المشكوك بها ببخاخ هواء ساخن فغالبا ماتشتغل بسرعة.كما يمكنك تسليط عليها هواء مبرد لكي تتوقف.فقم أخي بهذه الحاولة وقم بالرد علينا أخي في كلا الحالتين.والسلام عليكم ورحمة الله وبركاته

انا خايف استخدم الهوت اير تحرك حاجه من مكانها فى القطع الصغيره .

انا عدت اللحامات بالكاويه العاديه بس بالتكيد فيه لحامات عدت عليا .

العيب زى ما هوا . تشتغل شويه و تفصل . ممكن تقفل ثانيه او دقيقه او نص ساعه و ترجع تشتغل تانى ثانيه او دقيقه او ساعه .

ما لهاش قاعده !!!


مشيت مع السيرفس مانتيوال بيقولو اقيس فولتيات 5 و 12 . الفولت سليم . و بعدها شوف الكريستالتين اللى فى البورده شغالين و الا لا و لو مش شغالين اقتراحهم تغيير البورده ؟؟ انا ما اعرفش اقيس الكريستاله و مش عندى جهاز يقيسها ؟

لو حد يعرف العطل ده و عدى عليه قبل كده يقوللنا عمل ايه فيه .
و لو حد من مصر يعرف الاقى فين جهاز يقيس الكريستاله و بكام ؟ يقوللى .
و شكرا للاخ الكريم على رده الكريم .