عندى ريسيفر praxis كان شغال زى الفل وبعدين فجاءه اصبح لا يعطى صوت ولا صوره ولا اى حاجه مفيش اى خرج من الريسيفر للتليفزيون بتاتا وراجعت على المكثفات والموحدات واجزاء كثيره لاقيتها سليمه يا ترى العيب فين وايه الحلول الممكنه ارجو الافاده وشكرا.

اولا تتاكد من دخول الباور للريسيفر وهي عن طريق قياس 220 فولت acلو تمام تقيس غلي مكثف الاليكو او مكثف التوحيد وهتلاقية اكبر مكثف في دايرة الباور تقيس علية حوالي 300فولت لو موجودين تقيس علي خرج دايرة الباور هل الدايرة مخرجة باور للجهاز ولا لا متابع معاك وياريت لو تكتب رقم ايسية الباور لديك في الجهاز كام

اخى medo_sat333 الجهاز داخله باور وكمان اللمبه الحمراء اللى بتنور لما يكون الجهاز standby شغاله ولما اعمله on اللمبه الخضراء بتنور بس مفيش صوت ولا صوره ولا اى شئ خارج من الريسيفر للتليفزيون وكمان قيست جميع المكثفات لاقيتها سليمه ايه الحل اخى medo_sat333 .

ممكن تديني موديل الجهاز بالظبط

والله أخى medo_sat333 الجهاز مكتوب عليه praxis من الامام وبس مش مكتوب اى موديل على الجهاز خالص بس الجهاز حجمه صغير اوى يعنى عرض الجهاز تقريبا شبر وللعلم اخى الجهاز ده بيه intel chipset TE28F800 .

ممكن العيب يكون فى الفلاش ميمورى بتاعه الجهاز ارجو الافاده؟؟؟؟؟؟؟؟؟؟؟؟ بالله عليكم.

ممكن يكون العيب فى الفلاش ميمورى ويلزم شحنها
او ممكن يكون العيب فى البروسيسور
او وجود قطع فى التوصيلات