[tarek1212]

السلام عليكم اولا احب ان اشكر القائمين على هذا المنتدى لانه فعلا منتدى مفيد و هادف ثانيا انا عندى مشكلة فى السخان يونيفرسال 10 لتر ارجو ان تنال اهتمام احد المهندسين وهى ان السخان كان شغال كويس وبعد كده تم دخول الغاز الطبيعى من حوالى 4 شهور والحقيقة ماكانش فيه مشكلة ولكن من حوالى اسبوع حصل حاجة غريبة وهى لما كنا نشغل الميه الباردة نسمع صوت تكة الاشعال من غير تشغيل السخان ولما نشغل المية الساخنة كان احيانا مانسمعش صوت تكة الاشعال الذاتى وطبيعى ما يشتغلش السخان واحيانا كان بيشتغل السخان بدون مشاكل ودلوقتى ما فيش اشعال خالص رغم انى غيرت البطاريات اكثر من مرة والغريب انى لما افتح المية ثم احط الحجارة نسمع صوت التكة ويشتغل السخان و طول ما الحجارة موجودة لايشتغل .. ارجو انى الاقى حل عند ذوى الخبرة ولكم منى فائق الاحترام وشكرا

[prince -]

واضح ياأخى ان المشكلة عندك فى الرداخ
غير كاوتشة الرداخ وإن شاء الله هيشتغل معاك تمام

[keme44]

مشكلة فى الاشعال للسخان يونيفرسال 10 لتر

--------------------------------------------------------------------------------

السلام عليكم ا انا عندى مشكلة فى السخان يونيفرسال 10 لتر ارجو ان تنال اهتمام احد المهندسين وهى ان السخان كان شغال كويس وبعد كده اصبح التسخين بتاعه اقل من المستوي المعتاد ثم اخيراً اصبح لا يشتعل ويصدر صوت الاشعال عند فتح المياة و قمت بتغيير الانبوبه ثم المنظم والبطارية والمشكلة مستمرة ثم وجدت انني اذا قمت بفك خرطوم الغاز من السخان ثم اعدت تركيبه يعمل السخان لعدة مرات بشرط عدم وجود فاصل زمني اما اذا تركته 15 دقيقة مثلا يعود العطل مرة اخري و بتكرار فك الخرطوم يحدث نفس الشي و لا اعرف السبب افيدونا بالله عليكم مع الشكر والتقدير ، ومن لديه كتاب يشرح تصميم هذا النوع وطرق الصيانه ارجو ارسال الرابط.

[tarek1212]

شكرا جدا على اهتمامك بالرد واحب ان اوضح ان احد الفنيين بالشركة جه وكشف على السخان وطلب تغيير مجموعة المياه وكذلك مجموعةالميكرو سويتش وقال ان هناك تنقيط ميه بسيط بينزل على الميكروسويتش وعمل تمليح وهو ده سبب المشكلة و قال ان ثمنهم يعادل 108 جنيه بالتركيب... وقام بتنظيف السويتش وحط عازل بلاستيك عليه مؤقتا حتى تمام التصليح والسخان دلوقتى شغال كويس .. فارجو معرفة هل يمكن تصليحهم بدون شراء المجموعة الجديدة واذا كان هناك صعوبة فكم يبلغ ثمنهم ومن اين يمكن الشراء