[محمد عوض الله]

أرجو المساعدة من السادة الافاضل اساتذتى بالمنتدى
الموضوع بخصوص غسالة إيديال اكواتك 18 برنامج
بفضل الله ثم بفضل اساتذة هذا المنتدى الأكثر من رائع
قمت بفك الحلة الخارجية لغسالتى إيديال اكواتك 18 برنامج ثم الحلة الداخلية
والمشكلة فى الرمان بلى مش عارف أخرجه من الحلة الخارجية مش عارف المشكلة إيه؟
أرجو مساعدتى فانا فى ورطة بجد كنت بحسب إن دى حتبقى أسهل حاجة بس للأسف كإن الرمان بلى لازق فى الحلة
جبت مفك ودقدقت من داخل الحلة بشاكوش على الرمان بلى الخارجى لكن دون جدوى وأيضا الرمان بلى الداخلى إللى وراه جلدة مش عارف إزاى أنزع الجلدة ولا الرومان بلى الداخلى أيضا
ياريت حد يساعدنى انا فى موقف حرج جدا وبصراحة عانيت كثيرا من شركات الصيانة
أنا نفسى بجد أكمل إخراج الرومان بلى الإتنين والجلدة إللى معاهم عشان اشترى زيهم وأعيد تركيب الغسالة من جديد
أتمنى من أساتذة الصيانة بالمنتدى يفيدونى بس برجاء بوضوح شديد حتى أفهم المقصود إيه يعنى خطوة خطوة
معلش انا صدعت دماغكم بس بجد عشمان فيكوا
وشكرا جزيلا مقدما لكل من يهتم بالرد على موضوعى وإفادتى
السلام عليكم

[الإســناوى]

أخى لو نظرت فى واجهة الرولمان بلى ستجد تيلة على شكل دائرة غير كاملة وفى نهايتيها فتحتين يتم جذبهما فى اتجاه بعضهما بواسطة بنسة التيل وهى أداة لضم وتركيب أو فك التيل وإخراج التيلة التى تعتبر محبس أو مصد لعدم خروج رولمان البلى وستجد اليلى يخرج فى منتهى السهولة وأنصحك بعدم الطرق لعدم تلف بيت البلى .. ويتم بعد ذلك تغيير زوج رولمان البلى ومعهم الأويل سيل (مانع تسرب المياه)