[elamal_net]

انا عندى برده نوعها soltek البروسيسور بتاعها اتركب غلط والظاهر ان بينات التوصيل لمست بعضها وعمل قفلة فى البوردة بس مش عارف يكون العيب من ايه بالظبط .... انا ظنيط انه ممكن يكون بعض المكثفات تلفت او ic هات لو كان العيب من كدة فعلا ياريت تفيدونى فى طريقة قياس المكثفات و ic هات دى وطريقة تغييرها وياريت متتاخروش عليا فى الرد بعد ازنكم اصلى فى امس الحاجة للبردة دى فى اسرع وقت

ولحضارتكم جزيل الشكر

[elamal_net]

مع العلم ان البردة يتم توصيل الكهرباء اليها و الفانة الخاصة بالبروسيسور تعمل جيدا بس لم يظهر اى شىء او اى رسالة على الشاشة كان الجهاز لم يعمل

[م:أحمد الشايب]

السلام عليكم....




هل جربت تركيب بروسيسور اخر؟ هل تأكدت من سلامه ريش او بنن البروسيسور القديم ؟ هل جربت تغيير الرامه؟


واخيرا هل تسمع صوت من السماعه الداخليه للبورده؟...


انتظر إجاباتك ..

[elamal_net]

السلام عليكم ورحمة الله وبركاته
انا بشكرك جدا يا اخى على اهتمامك بالموضوع
بالنسبة لسؤالك انا جربت كل المحاولات ركبت بروسيسور سليم مية فى المية غير القديم وركبت رامات وغيرت الباور كمان
مع العلم ان البردة حاليا قاطعة باور خالص ومروحة البروسيسور لا تعمل مع العلم ان البردة لم يوصل بها هارد ولا اى شىء غير الرامات وكارت شاشة فرى وانا متاكد ان الرامة وكارت الشاشة والباور والبروسيسور سليمة مية فى المية بس لمبة البيان اللى بجانب كارت الشاشة تضىء وهيا لمبة حمراء دليل ان البردة بها كهرباء لكن لاتعمل مطلقا


لو كان العيب مثلا من اى مكثفات او ic هات ياريت تبعتلى طريقة قياسها وطريقة تغييرها ولو مثلا العيب من كثف او ic معين ياريت تفيدنى بس ارجوك يكون الشرح مفصل ليتم فهمه
معلش يا اخى انا اسف على طلبى هذا بس انا بطلب هذا الطلب وعارف انى بطلبه من اخ لى

افيدونى افادكم الله

السلام عليكم ورحمة الله وبركاته

[elamal_net]

ياريت يا جماعة حد يقوم بالرد انا بقالى مدة طويلة مستنى الرد ولا يوجد احد يهتم فينك يا اخ الشرس

[م:أحمد الشايب]

السلام عليكم...


اسف اخى الفاضل لتأخرى فى الرد....




بالنسبه لوجود إضائه للمبه البيان فى البورده فهذا ليس دليل على وصول الكهربه الى البورده بشكل كامل ...


اول خطوه هى التأكد من المداخل والمخارج ...اولا انزع البور سبلاى وتأكد من عدم وجود قطع او حروق فى الأماكن المخصصه له فى البورده ...


ثانا لقياس المكثفات والمقومات ...قم بقياسها مره سالب يمين وموجب يسار ثم اقرأ البيانات ثم اعكسها واذا ظهرت لك نفس البيانات السابقه نفس المكثف فهذا المكثف معطوب ويجب تغييره...


ثانيا بالنظر فقط تأكد من عدم وجود ايسيهات او مكثفات تكون غريبه الشكل مثل حدوث انتفاخ فى رأسها او اصفرار فى لونها..

ثاثا الجنابر..برغم اهميه اجنابر وعملها فى البورد جميعها إلا اننا نهملها بشكل كبير... تأكد من وجود جميع الجنابر فى اماكنهاوسلامتها ..وعند الشك فى اى جنبر قم بتغييره ...وخصوصا جنبر H3 فهو المختص بتسيير الكهرباء من البانل الى البورده ....

واخيرا قم بقرائه البانل التى تستخدم للتحكم فى البوره والتأكد انها كلها تعم جيدا وتنقل الكهرباء...





مع اطيب المنى...

[ramy safwt]

لدى بعض لاراء بخصوص مشكلتك
اولا:تاكد من ان البروسيسور الذى حدثت معاه القفلة لايذال سليم
ثانيا:لامكثفات المحيطة بالبروسيسور هى اول من يتلف بسب اى خطاء وعلى فكرة غير الطاقم كله افضل ثمن الواحد 1,25جنيه.
ثالثا:يوجد ترانزيستورات محيطة بالبروسيسور بتديله البور تاكد من انها تعمل عن طريق وضع طرف الافو الموجب على الرجل اللى فى الوسط وتحرك بالطرف السالب بين الرجلين لاحظ اختلاف الفولتية بين كل رجل وعلى فكرة الترانزيستورات لو سليمة بتلاقى درجة حرارتها عادية وترتفع قليلا فى حالة وجود حمل(بروسيسور)
رابعا: تاكد من اى سى البور وان درجة حرارتها عادية بتكون صغيرة الحجم فى الغالب .
خامسا: ممكن يكون نتيجة القفلة حدث شرز كهربى واكسدة لاحد البنات فى سوكت البروسيسور قم بتنضيف السوكت جيدا
ساسا:ممكن يكون حدث تلف فى الشيب mch (memory cotrolar hub( وتلك الشيب يمكن التاكد منها عند فصل الرامات والبروسيسور وكارت الشاشة ومراجعة درجة حرارتها تنخفض بانخفاض الحمل وتكون معقولة ان كان التلف بها لاسف لا يستطيع البعض فكها لانه لا يمتلك الكثير اجهزة تتعامل مع نوعيةbgaمن الايسهات فى الحالة دية لازم تغير البورد وربنا معانا كلنا

[wayak]

لمبة البيان اللى بجانب كارت الشاشة تضىء وهيا لمبة حمراء دليل ان البردة بها كهرباء لكن لاتعمل مطلقا

البورد السولتك لا تعمل باور اذا كانت اللمضة الى بجوار كارت الشاشة مضيءة وهناك جمبر بجوار الكارت يمكنك عكسة عندها سوف تشتغل البوردة باور او تتأكد من ان كارت الشاشة راكب سليم وسوف تنطفى اللمبة

اما العيب الاساسى فهو من الممكن ان يكون اى شىء من البوردة واسلملك ان تذهب بها الى مركز صيانة متخصص