المتكامله HT12A

[عبقرينو1]

محتاج شرح لهذه المتكامله مع توضيح البدائل لها
ودى صور ليها

[عبقرينو1]

مهم جدا ارجو الرد يا اخوتى

[امل ميمو]

اخي الكريم هذا IC encoders يستخدم لحفظ 4 ارقام عن طريق latchوهم الازرارمنD811 وتعمل على تردد 38kHz لارسال الارقام الاربعه عن طريق اليد الانفرا الموصل مع الترانزسستور لارساله على دائرة الاستقبال وهي من نفس النوع بس بدل الحرف A بيكون الحرفEبعد الرقم الخاص بهاوهي عباره عنdecoder والازرار منA0:A7 لتشفير الارقام المرسله وتضبط فيي الاستقبال بنفس الارسال وهي موجوده تباع في مصر ثمن الاثنين24 جنيه مصري فلماذا البديل

[امل ميمو]

وهذه دائرة الاستقبال الخاصه بالارسال وبها فك التشفير ثم الخرج على ريلاي ودائرة الاستقبال وهو ترانزسستور الانفرا ريد المستخدم في دوائر الاستقبال كالتليفزيون والريسيفر موصل على بن14

[عبقرينو1]

تمام جدا مهندس امل
انا قبلتنى الدائرة الخاصه بالارسال والاستقبال الى وضعتها حضرتك
بس الى حطها مقلش ايه فائده ال 8 ازرار الى على الشمال دول
وموضحش طريقه استخدامها علما بان فيه ال8 ازار نفسهم فى الارسال
قولت ربما يكون فائدتهم تمييز ال4 قنوات عن بعضهم
طيب لو فرضنا ده دائرة الاستقبال المفروض ابقي ثابتة ولو انى كل شويه هغير فى ال8 ازار علشان اميز بين ال4 قنوات ايه فائده الريموت اذا طب مانا اشغل وابطل الجهاز طالما هقومله اغير الازرار دى
فلو حضرتك عارف ايه فائدة الازرار دى ياريت توضحلى
ودى دائرة الارسال


والاستقبال موضحه اعلاه

[امل ميمو]

اخي الكريم الثمانية ازرار هي لتشفير الارسال والاستقبال كما وضحت لحضرتك وليس للارقام المرسله بمعنى اني هظبط الازرار من الديب سويتش في دائرة الارسال لازم يكونوا زيهم في الاستقبال ليكون مطابق لنظام التكويد الخاص بالارسال ولذلك هو يتم ضبطهم مثل بعض لكي لو عندك دائرة استقبال وارسال اخرى لايتم فتح اي واحده على الاخرى ويكون لكل واحده منهم نظام تشفير مستقل ارجوا ان اكو وضحت الفكره

[عبقرينو1]

المشاركة الأصلية كتبت بواسطة امل ميمو

اخي الكريم الثمانية ازرار هي لتشفير الارسال والاستقبال كما وضحت لحضرتك وليس للارقام المرسله بمعنى اني هظبط الازرار من الديب سويتش في دائرة الارسال لازم يكونوا زيهم في الاستقبال ليكون مطابق لنظام التكويد الخاص بالارسال ولذلك هو يتم ضبطهم مثل بعض لكي لو عندك دائرة استقبال وارسال اخرى لايتم فتح اي واحده على الاخرى ويكون لكل واحده منهم نظام تشفير مستقل ارجوا ان اكو وضحت الفكره

وضحتها وبزياده كمان يا بشمهنس
الف شكر لك بجد وجزاك الله كل خير

[Tico]

ممكن كذلك نستخدمها في زيادة عدد اجهزة الاستقبال مع مرسل واحد.
كل مستقبل له عنوان معين والمرسل يختار العنوان الذي يريد التحكم فيه.
مثال: ريموت واحد للتلفزيون والفيديو والامبليفر وغير ذلك :في الريموت سويتش صخير يغير العناوين.