السلام عليكم ورحمة الله وبركاته
دي
اول مشاركة ليا في المنتدي الأكثر من رائع ده
اولا اعرفكم بنفسي
الاسم: أحمد السيد فرح
السن: 18سنة
مكان الاقامة: مصر/دمياط/الشيخ ضرغام(منطقة قريبة من رأس البر)
خلصت دبلومة 3 سنين
في مدرسة دمياط الثانوية الميكانكية العسكرية
قسم(
الحاسبات)
ومستني المجموع علشان الكلية وربنا يستر ههههههههه
انا وصلت للمنتدي الجميل ده من جوجل
وانا بدور علي حل لمشكلتي
ولقيت مواضيع رائعة وشروحات مميزة
وأكثر شئ عجبني فيه
أمانتكم حيث اذا كان هنا موضوع منقول
بيكون مكتوب في آخر الموضوع منقول وده شئ جميل جدا
يدل علي انكم ناس محترمة جدا
فياليت تقبلوني عضو معاكم
:::::::::::::::::::::::::::::::::::::::::::::
نخش في الموضوع
بسم الله الرحمن الرحيم
انا يا شباب
عايز اتعلم تصليح اللمبات الموفرة
بس فيه شوية مشاكل
مش عارف اكتشف الأعطال مع ان قريت كل مواضيع قياس الوحدات
ببساطة مش عارف استخدم الملت ميتر غير في قياس المقاومة
مش عارف اقيس حاجة تانية وبالذات المحول
مع العلم ان الملت ميتر العندي
DT9205a
DIGITAL MULTIMETER
ولو حد قالي ان انا في قسم حاسبات المفروض باخد تمارين لحام
وتــــــــــعــــــــــرف تقيس المفروض
هقولك هو فعلا بيجيلنا رسمة نظري
واحنا بنحولها عملي وننفزها
بس بيبقي مكتوب
اننا نكتشف الخطا وأصلحه اذا وجد
والحمد لله طول ال 3 سنين عمري ما غلطت في تمرين هذا بفضل الله
علشان كدا يا شباب مش بعرف اقيس او أكتشف الأخطاء
علي فكرة انا
متدرب علي اللحام حلو اوي
ولو سمحتم لو حد يقولي
الأعطال الشائعة
غير العطل بتاع المكثف البين فتيلتين اللمبة المش لاقيه اصلا
انا بادء مشورعي الصغير بلمبات موفرة من الصغيرة
والناس التبعي هتجبلي اللمبات الكبيرة ان شاء الله بعد ما يشوفوا
شغلي في اللمبات الصغيرة
فمحتاج مساعدتكم يا شباب لأن انا حاولت كتير جدا
اكتشف بس مكان الأعطال مش عارف
وهل يوجد اكثر من عطل في الدائرة الواحدة
مستني الرد يا مهندسين
وانا واثق ان باذن الله هتبقوا عارفين الحل
منتظر الرد
والسلام عليكم ورحمة الله وبركاته
لكل البيعرف يصلح اللمبات الموفرة ياريت تدخلم تساعدوني ده اول موضوع ليا
