السلام عليكم . انا عاوز مساعدة .
او استفسار
------
انا طالب فى سنة 3 هندسة قسم اتصالاات الحمد لله
-----
انا فى مشكلة متعقد منها . وعاوز مهندس او اى حد يفهمني
----
انا دخلت القسم دا عشان ميول ناحية الكمبيوتر والالكترونيات فلقيتو قسم مناسب
المشكلة فى اصحابى فى الكلية والناس كلها كمان
-
كل ما حد يعرف انو انا فى اتصالاات يقولى جملة مشهورة قربت انتحر منها
........اية الى دخلك اتصالاات....ما هم مرمين مش لاقين شغل ..
ويضربلى مثل ويقولى.... انا ابن عمي قاعد بيقشر بصل فى البيت
طبعا انا مش ها اشد فى شعري قدامو يروح قايل ها تفتح محل اتصالاات فى الاخر
وطبعا يقولى دي صعبة جدا وعاوزة كورسات كتير وغلية جدا
لو دخلت مدني ولا عمارة كنت ها تشتغل تاني يوم
انا بقعد اهزر معاة شوية
لو طول فى الكلام بقولو .... الشغل دا رزق من عند ربنا
يروح رادد بس خد بلسبب وشوف اية الى ماشي
ويقولى واحد قريبو شغال ب15 الف ويقعد يعد فلوس وناس كتير
---
---
المهم انا عاوز حد يساعدني انا قربت اسيب الكلية بسبب الموضوع دا نفسيا
انا مشكلتي انو انا روحت ورا الحاجة الى انا شايف انو نفسي اتعلمها
ما دورتش على الفلوس الاكتر فين
انا ما حدش صراحة شرحلى الاقسام بس انا معظم اصحابى دخلو مدني الصراحة
انا الحمد لله مؤمن بللة وهوة الى بيرزق .... وعارف انو الناس دول اغلبهم معندهمش معلومات عن
الهندسة والشغل واغلبهم ناس بسطاء
بس انا فى اعتقادي انهم بيقولو الى هما شيفينو يعني مش مصلحتهم يكدبو عليا
وانا كمان حاسس انو انا عايش فى دولة اهم حاجة الشغل والفلوس
الناس بتتصارع على كلية الطب مش عشان حابين الطب والدم والبنج والجراحة
لا اهم حاجة ها يشتغل فى المستشفى ويفتح عيادة ويجيب فلوس
-----
-----
انا عاوز حد يشرحلى كدا ببساطة الدنيا دي ماشية ازاى
عشان اانا دماغي ها تطير وكل ما اروح الكلية احس انو كلام فاضى الى انا بعملو ملوش لازمة
------
------
انا نفسي اقنع الناس دي انو القسم دا احسن الاقسام سواء دراسة او شغل
بخصوص كلية الهندسة : قسم اتصالاات
