[waeltealeb]

اجده يفعل الأمر كذا و الأمر كذا و الأمر كذا زى الفل و تمام التمام ثم اعيد الكره و اطلب منه يفعل الأمر كذا و الأمر كذا ، واجده يفعل و ينفذ الأمر و لا شىء ثم فجأه يتوقف عن تنفيذ اى امر ..... الله يخرب بيته ،، شغل مجانين و الله و مافيش حاجه نافعه معاه الا لما تديله على قفاه ( تفصل الكهرباء و تعيدها تانى ) يمشى زى الجزمه ..


ايه الأسباب للجنان ده ،، ولو سمحتوا ماحدش يقولى الكود ،، يا ريت تفكروا معايا فى اسباب اخرى غير الكود .. وعلى الأقل نجعل هذا مرجع لكثير من رواد المنتدى فى معرفة اسباب تهنيج البيك اللعين .

[ناصراحمد2]

اقتباس المشاركة الأصلية كتبت بواسطة waeltealeb اجده يفعل الأمر كذا و الأمر كذا و الأمر كذا زى الفل و تمام التمام ثم اعيد الكره و اطلب منه يفعل الأمر كذا و الأمر كذا ، واجده يفعل و ينفذ الأمر و لا شىء ثم فجأه يتوقف عن تنفيذ اى امر ..... الله يخرب بيته ،، شغل مجانين و الله و مافيش حاجه نافعه معاه الا لما تديله على قفاه ( تفصل الكهرباء و تعيدها تانى ) يمشى زى الجزمه .. ايه الأسباب للجنان ده ،، ولو سمحتوا ماحدش يقولى الكود ،، يا ريت تفكروا معايا فى اسباب اخرى غير الكود .. وعلى الأقل نجعل هذا مرجع لكثير من رواد المنتدى فى معرفة اسباب تهنيج البيك اللعين .

هههههههههههههههه

والله ضحكتنى معاك اضحك الله قلبك .

==========================
فى حدود معرفتى بمشروعك فهو مخصص لعمل داخل السيارة .
ولو راجعنا كل المواضيع السابقة لك بسبب هذة المشكلة
نجد ان البك زى الفل مية مية مع بريتوس وبعيد عن السيارة ......
((((ولا يحتاج للضرب على القفا ههههههههههه ))))

خلاص كدة كفاية علية وقول لة متشكرين وجزاك الله كل خير بالنسبة لمشروعك .
وقم بتجربة الاتمل ونفذ مشروعك :
ووقتها سوف يكون الاتى
لو تم العمل بنجاح ودون ضرب يبقى معناة ان المشكلة من البك وبيئة السيارة عندك .
واذا لم يعمل (وانا لا اعتقد هذا ) فسوف يكون هناك احتمالات اخرى نحاول ان نعرفها سويا باذن الله .

[waeltealeb]

اقتباس المشاركة الأصلية كتبت بواسطة ناصراحمد2 هههههههههههههههه والله ضحكتنى معاك اضحك الله قلبك . ========================== فى حدود معرفتى بمشروعك فهو مخصص لعمل داخل السيارة . ولو راجعنا كل المواضيع السابقة لك بسبب هذة المشكلة نجد ان البك زى الفل مية مية مع بريتوس وبعيد عن السيارة ...... ((((ولا يحتاج للضرب على القفا ههههههههههه )))) خلاص كدة كفاية علية وقول لة متشكرين وجزاك الله كل خير بالنسبة لمشروعك . وقم بتجربة الاتمل ونفذ مشروعك : ووقتها سوف يكون الاتى لو تم العمل بنجاح ودون ضرب يبقى معناة ان المشكلة من البك وبيئة السيارة عندك . واذا لم يعمل (وانا لا اعتقد هذا ) فسوف يكون هناك احتمالات اخرى نحاول ان نعرفها سويا باذن الله .

هههههههههههه والله انا بقول الكلام ده من زهقى وقرفى ،،، بص يا سيدى اولا نبعد موضوع بيئة العمل داخل السياره هذه جانبا ، او نأجله شويه ,و ذلك لأننى بجر بالجهاز الأول خارج السياره و اجد نفس التهنيجه ،، يبقى كده التهنيجه موجوده ولو لم تكن هناك سياره من الأساس ....

ثانيا و الله انا فعلا نفسى اشتغل بالأتمل ولكن عندى ملل كبير من انى اسيب كل اللى بدأت فيه من تعلم برمجه و توصيلات و الذى منه و ابدأ من الأول مع الأتميل .. ولكن والله يعلم انى فعلا اتمنى ذلك كى اقطع الشورت فى البسين ( اقصد الشك باليقين ) .... ولكن أقول ممكن يبقى فى امل قريب لما ندى البيك شويه على القفا يمكن ربنا يهديه و يرجع عن اللى فى دماغه .. وانا متمسك بالأمل ده ،، و بأصبر عليه و بأعتبره زى ابنى الطايش و بدعيله ربنا يهديه ...

و بدور معاكوا على الأسباب يمكن انا ما ربيتوش كويس ، علشان كده طلع فاقد.

[funky112233]

بسم الله الرحمن الرحيم

والله يا اخى انا شخصيا عملت اكثر من مشروع على 16f877a

والله يعمل جيد جدا وفوق الممتاز
وفى مشروع يعدى السنة وشغال 10/10

مع انى كمان مبهتمش حتى بتصميم دائرة ولا الكلام دة كلها لو شوفت الدوائر هتلاقيها
كان واحد اول مرة يعمل دائرة
يدوى تماما ولم يفعل معى مثل ما تقول ابدا ولو مرة واحدة

كل ما افعلة هو توصيل الطرف MCLR ب 5 فولت مباشرة
واركب علية الكريستالة حتى من غير مكثفات

ويعمل زى الاكس ههههههههه

فانا اظن ان الخطاء فى الكود وليس من البك
لان انا لاحظت انك لسة فى البدايات خالص زينا
بس المشكلة انك ممكن تفهم معلومة غلط ودة بيبوظ الدنيا خالص

واراهنك ان طول الكود بتاعك طويييييييل جدا

ودة يحط احتمال انك غلط فى الكود او سهيت عن حاجة

من راى تجرب برنامج صغير خالص مثل اضاءة ليد فلاشر

ولو اشتغل كويس
على العربية كمان

يبقى العيب فى الكود بتاعك

[almoflehy]

اخي الكريم waeltealeb
لقد واجهت مشكلة مثل التي واجهتها ولكن مع pic16f84a
والمشكلة كانت ان البيك كان يهنج اذا ما زاد الحمل على التغذية
فقد كنت موصل 4 ريلاي على نفس تغذية البيك
وعند تشغيل 3 من الريلاي لا يحدث اي شيء ولكن عند تشغيل الريلاي الرابعة يهنج البيك
وعند اطفاء احدى الريلاي يعود الى العمل مرة اخرى
ولذلك قمت بفصل تغذية البيك عن بقية الدائرة والريلاي
ولذلك انصحك ان تجرب بأن تفصل تغذية البيك نهائيا عن الدائرة وتجعلها مستقلة
ويفضل ان تقوم بتغذية البيك ببطارية 9 فولت بعد تمريرها بمنظم 5 فولت
وان شاء الله تنحل المشكلة

[waeltealeb]

اقتباس المشاركة الأصلية كتبت بواسطة almoflehy اخي الكريم waeltealeb لقد واجهت مشكلة مثل التي واجهتها ولكن مع pic16f84a والمشكلة كانت ان البيك كان يهنج اذا ما زاد الحمل على التغذية فقد كنت موصل 4 ريلاي على نفس تغذية البيك وعند تشغيل 3 من الريلاي لا يحدث اي شيء ولكن عند تشغيل الريلاي الرابعة يهنج البيك وعند اطفاء احدى الريلاي يعود الى العمل مرة اخرى ولذلك قمت بفصل تغذية البيك عن بقية الدائرة والريلاي ولذلك انصحك ان تجرب بأن تفصل تغذية البيك نهائيا عن الدائرة وتجعلها مستقلة ويفضل ان تقوم بتغذية البيك ببطارية 9 فولت بعد تمريرها بمنظم 5 فولت وان شاء الله تنحل المشكلة

كلام حضرتك صحيح مليون فى المائه ،، وانا فعلا مراعى هذه النقطه و تم فصل تغذيه الريليهات عن تغذيه البيك ...... فالبيك له تغذيخ منفصله تماما ، يوجد منظم جهد 7805 منفصل خاص به فقط .

[waeltealeb]

اقتباس المشاركة الأصلية كتبت بواسطة funky112233 بسم الله الرحمن الرحيم والله يا اخى انا شخصيا عملت اكثر من مشروع على 16f877a والله يعمل جيد جدا وفوق الممتاز وفى مشروع يعدى السنة وشغال 10/10 مع انى كمان مبهتمش حتى بتصميم دائرة ولا الكلام دة كلها لو شوفت الدوائر هتلاقيها كان واحد اول مرة يعمل دائرة يدوى تماما ولم يفعل معى مثل ما تقول ابدا ولو مرة واحدة كل ما افعلة هو توصيل الطرف MCLR ب 5 فولت مباشرة واركب علية الكريستالة حتى من غير مكثفات ويعمل زى الاكس ههههههههه فانا اظن ان الخطاء فى الكود وليس من البك لان انا لاحظت انك لسة فى البدايات خالص زينا بس المشكلة انك ممكن تفهم معلومة غلط ودة بيبوظ الدنيا خالص واراهنك ان طول الكود بتاعك طويييييييل جدا ودة يحط احتمال انك غلط فى الكود او سهيت عن حاجة من راى تجرب برنامج صغير خالص مثل اضاءة ليد فلاشر ولو اشتغل كويس على العربية كمان يبقى العيب فى الكود بتاعك

فعلا انا فى بدايات البرمجه بلغة الميكروسى ،، ولكنى فى تصميم و تركيب الدوائر الحمد لله لى باع اكثر من 20 سنه ... و يمكن ان يكون الكود به خطأ هذا وارد ....... ولكنى اتعجب انه يعمل كما هو مطلوب منه ثم فجأه يتوقف و لا يستقبل اى امر بشكل سليم ....

طيب انا ممكن ارفع الكود ، ولكنه طويل الى حد ما حوالى 350 سطر ،، و به متغيرات كثيره حوالى 8 متغيرات و يلخبط شويه ،، لو عايزنى ارفع الكود ارفعه ،، بس ممكن تقولى ازاى ؟ لأنى حاولت قبل كده لقيت الصوره بتظهر مش مظبوطه للكود .

[ibn al islam]

الاقرب ان المشكل عندك فى كثرة المتغيرات بحيث تمتلأ ذاكرة الرام

حاول ان تحول المتغيرات الغير ضروية الى ثوابت

فكما تعلم انه عند فصل الكهراباء و اعادة توصيله تفقد الرام كل البيانات