[midooo777]

مشكلة فى تلاجة منزلية الكترو ستار

المشكلة ان التلاجة كانت شغالة كويس جدا بس المشكلة كان فى عيب فى الترموستات و مش كانت بتفصل خالص فكنت بريحها يوميا و تشتغل عادى خالص وتبريدها مية مية و كويس جدا
دلوقتى جبت فنى و جابلى ترموستات جديدة وركبهالى
جت اشتغلت تمام التمام بس مكنتش بتفصل خالص برضو نفس الحالة
جبته تانى قاللى ان ناحية الحساس بتاع الترموستات اللوحة مش ساقعة فخللى الغاز يمشى وكده و ملاها غاز شوية لحد ما الحتة عند اللوحة دى سقعت و الحساس بتاع الترموستات حس درجة الحرار و اشتغلت لمدة يومين كويس جدا وبتفصل وبتشتغل مية مية
لحد ما حصل مشكلة بقى
لقيتها فصلت خالص وبقى صوت الموتور ضعيف و مبقتش تسقع نهائى
قولت يبقى عاوزة تريح ريحتها يوم بحاله وفتحتها تانى
لقيت صوت الموتور عالى جداااااا مع وجود تكتكة كده ضعيفة
و بدا يسقع الفريزر فعلا و لوحة التلاجة لكن صوته برضو عالى جدا بعد شوية لقيت الفريزر مش بقى يسقع و لقيته بقى مندى شوية كده و نزل مية و ما زال صوت الموتور عالى جدا لحد ما فصل
خليته فى الفيشة شوية واشتغل وعمل نفس الحوار
روحت فاصلها خالص
فدلوقتى عاوز اعرف قبل مجيب الفنى تانى
هل المشكلة ممكن يكون من الفريون ان الفريون اتسرب او ناقص فعشان كده عملت الحوار ده و خلت صوت الموتور عالى اوى بالشكل ده ولا ايه بالظبط؟
منتظر الرد بسرعة ارجوكم

[السيد الدعكى]

السلام عليكم العطل الحالى انة يحدث سدد نتيجة وجود رطوبة بدائرة التبريد تطردالشحنة ويتم تغير الفلتر وتفرغ الدائرة تفريغ جيد وتشحن مرة اخرى --

[midooo777]

أنا قولت اشغلها فترة كده و دلوقتى داخلة على 6 ساعات
ملاحظ ان الموتور بيفصل كل ساعة تقريبا او ساعة الا ربع
بعد كده بيريح لمدة نص ساعة بعد كده بيشتغل تانى
فى بداية تشغيله بيسقع جامد و الفريزر بيتلج
لكن بعد شوية السقوعة مش بتكون قوية خالص لحد ما بيفصل
هل ممكن ده يكون بسبب نقص فى الفريون بيعمل كده ولا ايه؟
علما انى كنت مخلى الترموستات على واحد وبرضو نفس الكلام و عملتها على 3 وبرضو نفس الكلام
منتظر الرد يا جماعة

[السيد الدعكى]

صديقى العزيز اللى بيفصل عندك الاوفر لود وليس الترموستات وبكدة موش بتفرق واحدمن ثلاثة والعطل كماسبق واخرتك سدد وطمنى

[midooo777]

اقتباس المشاركة الأصلية كتبت بواسطة السيد الدعكى صديقى العزيز اللى بيفصل عندك الاوفر لود وليس الترموستات وبكدة موش بتفرق واحدمن ثلاثة والعطل كماسبق واخرتك سدد وطمنى

أنا قريت فى دليل الاعطال وشوفت الحالة دى بتاعتى هى حالة الموتور عندى فعلا انه مش بيكمل دورته

العطل الرابع عشر : الضاغط short cycles 1- فرق الفصل والتشغيل للثرموستات قليل جدا - اعادة ضبط ال differential 2- مفتاح الحمل الزائد overload يفصل - فحص المفتاح وتغييره. 3-مفتاح الضغط العالى يفصل - فحص مفتاح الضغط العالى واعادة معايرته. 4- الشحنة ناقصة. - افحص الشحنة. 5- الشحنة زائدة - افحص الشحنة. 6- صمام ال TEV يسرب فريون اثناء التوقف - افحص عمل الصمام. 7-بلف الطرد يسرب - افحص عمل البلف. 8- تسرب بالبلف المغناطيسى بخط السائل - افحص عمل البلف المغناطيسى .

فممكن يبقى شحن زائد للفريون مثلا؟ ولا هو اكيد سدد ؟
انا عاوز بس لما اجيب فنى يصلحهالى ابقى فاهم فى ايه بالظبط عشان مش يغير حاجات او يعمل حاجة مش محتاجة تتغير عشان انت فاهم فى بعض الفنيين بيبوظو مش بيصلحو

[احمد محى]

السلام عليكم ورحمت الله وبركاته خلى الفنى يقيس امبير الماتور الاول ويقيس الفولت ويشوف المبخر بيشمع كله ولا لاء