[mohammed2006_eg]

السلام عليكم ورحمة الله وبركاته

عندي باور كول اند ماستر محترم 400 وات للاسف صاحبه غير الفولت من 230 الى 115 فضرب منها

المهم انا فتحته لقيت الفيوز ضارب طبعا ولما جربت فيوز تاني ضرب تاني

المهم في دايود صغير ان قيسته بيدي قيمة 1781 ومن الاتجاه التاني بيدي قيمة 468 مش عارف كده مظبوط ولا لا وهل لازم اقيسه برا الديرة لاني بقيس وهو راكب

وفي قطعة تاني مش عارف اي هي الصراحةاو اسمها ايه بالظبط رمزها على البوردة RT1

ودي صورتها ودي على وضع الجرس بتزمر علطول وعندي احساس انده غلط يعني




وازا اقدر اقيس المحولات اللي موجودة لان في واحد قابب كده اسس انه ضرب برضه

وشكرا جدا

[mohammed2006_eg]

ايه ياجماعة ماحدش يحن عليا بمعلومة

[محمود زكريا]

اقتباس المشاركة الأصلية كتبت بواسطة mohammed2006_eg ايه ياجماعة ماحدش يحن عليا بمعلومة

السؤال دا اتسال يوم الجمعة!! والجمعة اجازة يا هندسة !!

اقتباس المشاركة الأصلية كتبت بواسطة mohammed2006_eg السلام عليكم ورحمة الله وبركاته عندي باور كول اند ماستر محترم 400 وات للاسف صاحبه غير الفولت من 230 الى 115 فضرب منها المهم انا فتحته لقيت الفيوز ضارب طبعا ولما جربت فيوز تاني ضرب تاني المهم في دايود صغير ان قيسته بيدي قيمة 1781 ومن الاتجاه التاني بيدي قيمة 468 مش عارف كده مظبوط ولا لا وهل لازم اقيسه برا الديرة لاني بقيس وهو راكب وفي قطعة تاني مش عارف اي هي الصراحةاو اسمها ايه بالظبط رمزها على البوردة RT1 ودي صورتها ودي على وضع الجرس بتزمر علطول وعندي احساس انده غلط يعني وازا اقدر اقيس المحولات اللي موجودة لان في واحد قابب كده اسس انه ضرب برضه وشكرا جدا

RT1 دى مقاومة حرارية حضرتك ممكن تجرب من غيرها بس تبقى تركب غيرها لو اشتغل

المحول هتقيس الملف الابتدائى الاول والثانوى وراه على الجرس لو شغال هيصفر ولكن دا للتاكد بس ان الملفات مش مقطوعة من جوة لكن ما يمنتعش لو فى اى تلامس بين اى لفتين قفلة يعنى وكدة يبقى اترمى لا قدر الله

دول اللى انت شاكك فيهم

لازم تكمل قياس الموحدات حتى على البوردة برفع طرف من الاطراف
والمقاومات بنفس الطريقة
وكمان ترانزستورات الباور ودول اغلبهم فى الجزء الابتدائى

[POWERMAN3D]

راجع الموضوع التالى :

http://www.qariya.com/vb/showthread.php?t=35373

[mohammed2006_eg]

طبعا مش عارف اشكرك ازاي وبصراحة بتوع الصيانة بيتعبوا جدا انا طلع عيني علشان اقعد اقيس كل حاجة براو طبعا انا قست الي انا شاكك فيه ولقيت مقاومة مش بتدي قرايه خالص هغيرها وهجرب من غير الفايرستور وربنا يسهل

بالنسبة للترانس انا خرجته برا وصفر لكن مش على كل الرجول وهو ناحية تلاته وناحية خمسة لو في طريقة مثلى لقياسه يريت التوضيح وبالنسبة للترانزيستور هل لازم اقيسه برا البورده برضه احسن ده هيتعبني جدا وشكرا جدا على مساعدتك وردك

[محمود زكريا]

اقتباس المشاركة الأصلية كتبت بواسطة mohammed2006_eg بالنسبة للترانس انا خرجته برا وصفر لكن مش على كل الرجول وهو ناحية تلاته وناحية خمسة لو في طريقة مثلى لقياسه يريت التوضيح وبالنسبة للترانزيستور هل لازم اقيسه برا البورده برضه احسن ده هيتعبني جدا وشكرا جدا على مساعدتك وردك

الطريقة المثلى ليها جهاز خاص مش عارف اذا كان بيتباع فى مصر ولا لا !!

الترانزستور لازم برة , دا الاصح .

تمنياتى بالتوفيق

[محمود ماهر]

اخى العزيز قم بقياس دايرة التوحيد اكيد وجود ديود تالف ثم قم بتغير الفيوز