[fayrouz]

بحمد الله اشتريت جهاز توشيبا TLPX2500XC2500 ومرفق صورته هو يابانى وفيه مدخل أوديو وفيديو ومنه فيه جهاز أوفر هيد عبارة عن كاميرا وكشاف يتم تسليطهم على أى ورقة أو كتاب يطلع صورته على الشاشة أو الحائط . انا من مصر لكنى الآن أعيش فى الدمام بالسعودية أعمل مدرساً للغة الانجليزية بإحدى المدارس هنا . وفنى الكترونيات. اشتريت الجهاز من سوق الحراج ولم أجربه . قال لى البائع انه شغال . وخدته وانا ورزقى فيه . اشتريته بـ 500 ريال . وبعد ما جيت السكن جربته لقيته فعلاً شغال . لكن يطفئ بعد نصف دقيقة تلقائيا مع وجود صفارة انذار وإضاءة لمبة Temp ويرسم مروحة على الشاشة التى تخرج . لكنك لا تلحق أن تقرأ فى القائمة شئ لأنه يادوب تيجى تقوم اللمبة يروح طافى . دخلت ونزلت الـ Service Manual وقالوا ان العطل ده بتسببه إحدى المراوح أو عطل فى البوردة الرئيسية أو سنسور حرارة تالف . فكيت الجهاز كله بالحتة ماعدا مجموعة العدسات . وكان كل شئ طبيعي جدا ماعدا انه هناك كريستالة تشبه الأيسي الصغير وقعت وانا أفك الجهاز لها أربعة أرجل لكنها طويلة بعض الشئ . أخدت رقمها وعملت بحث وعرفت انها كريستالة من الداتا شيت بتاعتها. فكيت كل البرد وفحصتها وبعد جهد مضنى وتدقيق لقيتها مخلوعة من البوردة الرئيسية لأنها والجهاز متقفل بتكون تحت السماعة مباشرة وتقريبا حد ضغط على المساعة من ظهر الجهاز فخلع الكريستالة من مكانها . وطبعاً طالعة البتراكات . أو النقط اللى المفروض تتلحم عليهم . دققت وعرفت كل رجل مفروض تروح لفين . وعملت كبارى ولحمت بالكاوية . وجربت .... اشتغل الجهاز عشرة على عشرة والحمد لله . والمفاجأة كانت عندما دخلت على القائمة وذهبت إلى عداد اللمبة لقيتها عاملة 0h يعنى ولا ساعة اشتغل الجهاز . والحمد لله على كل حال . والجهاز بصراحة تحفة فى ألوانه وإضاءته ويستحق الشراء لكنى لا أعرف ثمنه الأصلى بعد .

[url=http://upload.qariya.info/images/qariya_com_82dc57e812.jpg][img]


[url=http://upload.qariya.info/images/qariya_com_187190a2ff.jpg][img]