الحمد لله رب العالمين وبعد . أنا مدرس لغة انجليزية وفنى الكترونيات وهكذا . كنت اعمل بمصر ولما أتيت إلى السعودية سمعت عن السبورة الذكية . ورأيت فى المدرسة التى أعمل بها أكثر من واحدة . ونستخدمها بالفعل ولكن كنت أريد أن أصنع واحدة تكون لى حتى اذا رجعت الى مصر استخدمتها . لكن تكلفة السبورة الذكية هنا اسمع انها حوالى 25 ألف ريال والله أعلم لأنى شخصيا أشك فى هذا الرقم . وهناك الآن فى مصر من يبيعها فقط بسبعة آلاف جنيه . لكن ومع كل هذا فالسعر لم يعجبنى ففكرتها سهلة جدا . بروجكتور وشاشة تستجيب لقلم تاتش مثل فكرة الكمبيوترات التابلت Tablet pc وهى فكرة بسيطة ولكن تنفيذها على حجم كبير صعب . لكن بالبحث وجدت فكرة سهلة جدا لعمل بديل للسبورة الذكية . قرأت عنها جيدا واشتريت المكونات ونفذتها وطلعت النتائج جميلة جدا وأنا الآن استخدمها فى فصولى بالمدرسة لأن الفكرة سهلة الحمل أكثر من السبورة الذكية التى تحتاج إلى فصل مخصوص وتثبيت بالجدران . الفكرة هى برنامج على الكمبيوتر يربط بين ريموت وي Wii remote وهى لعبة مثل البلاى ستيشن لمن لا يعرفها لكنها متقدمة بعض الشئ . وانا اشتريت الريموت من محلات الألعاب هنا فى الدمام بـ 80 ريال سعودى . وهو أكيد موجود فى مصر يباع . الفكرة ان البرنامج ده بيربط بين ريموت الوي هذا وقلم تمسكه فى يدك يرسل إضاءة تحت حمراء Infra Red .
1- نحتاج إلى لابتوب يكون فيه بلوتوث . وإن لم يكن فاشترى بلوتوث يو إس بي مثل الفلاشة لكن صغيرة للابتوبات القديمة التى ليس فيها بلوتوث .
2- ريموت Wii أو اثنين . فيمكن العمل بواحد والأفضل العمل بريموتين .
3- قلم انفرا . لكن هذا سنعمله على إيدينا وهو سهل جدا .
4- بروجكتور . أى نوع .
5- البرنامج على الكمبيوتر . اسمه smoothboard 2 .
1- رقم واحد خلاص هتشترى البلوتوث وتسطبه.
2- الريموت خلاص اشتريته . اضغط على زرارى 1 و 2 معاً لمدة طويلة واعمل بحث بالبلوتوث اللى فى اللابتوب حتى يرى اللابتوب الريموت ويتعرف عليه أوتوماتيك .
3- القلم سنتكلم عنه .
4- شغل البروجكتور .
5- البرنامج هتنزله من اللينك . هتلاقى البرنامج وفولدر اسمه التفعيل . سطب البرنامج . و خذ محتوياته فولد التفعيل copy وروح على الـ c هتلاقى فولدر اسمه Boon jin افتحه واعمل لصق لمحتويات فولدر التفعيل إليه . سيسألك أستبدل الملفات الموجودة بالجديدة قل له موافق .
6- افتح البرنامج .
سيقرأ الريموت أو الريموتين أوتوماتيكيا .وستجد مكان لمؤشر يعلمك كم شحنة البطارية فى الريموت .
7- ضع ريموت الوي على مسافة مناسبة من البروجكتور واللابتوب والشاشة الظاهرة على الحائط .
فائدة الريموت هنا أنه فيه كاميرا ترى الأشعة تحت الحمراء التى يصدرها القلم .على مكان ما على الشاشة التى على الحائط.
فضعه على مسافة بحيث يرى منها كل الشاشة . واضغط على حرف A فى الريموت سيعطيك شاشة بيضاء لمعايرة القلم مع أماكن السبورة . يعطيك دائرة فيها علامة + ضع طرف القلم على علامة + واضغط على الزرار الذى فى القلم .ستنتقل الدائرة الى الناحية الأخرى افعل ما فعلته فى المرة الأولى وهكذا حتى تغطي الأربعة جوانب . وبعد عمل هذا مع الأربعة جوانب ستختفى الشاشة البيضاء وتبدأ فى العمل بالقلم كأنه قلم تاتش للكمبيوتر .
طيب اذا لقيت دائرة منهم مش بتستجيب للقلم . اذهب الى الريموت حركه للخلف أو يمين أو يسار أو فوق أو تحت حتى تشعر أنه يرى كل أبعاد وزوايا الشاشة . وكرر حتى تنجح .
بعد المعايرة . ستجد فى البرنامج تحت مؤشر البطارية شاشة أخرى تخبرك بالمساحة التى يغطيها الريموت بالفعل .لكن هذه تظهر بعد المعايرة . وحينها تعرف حدود ما يرى الريموت وتغير من موضعه للأفضل لو كان فى جزء لم يغطيه الريموت .
نأتى الآن إلى القلم :
القلم بسيط عبارة عن ليد انفرا وده يا إما تشتريه من محل الكترونيات وتقول للبائع محتاج سنسور ريموت . أو تاخده من أى ريموت تالف أو عطلان . وبعدين توصل لأطراف الليد ده سلكين واحد موجب والتانى سالب لبطارية قلم حجم AAA عشان تعرف تدخلهم فى قلم سبورة بيضاء White board marker عادى .
طب اعرف ازاى الموجب من السالب أو ان السنسور شغال . مهو مش بينور . أقولك افتح كاميرا الموبايل أو كاميرا اللابتوب أو كاميرا النت العادية ووجه الليد ناحيتها وانت بتوصل ستجد أنه يضئ . ولو لم يضئ يبقى اعكس أطراف السلك مع موجب وسالب البطارية . لحد ما ينور .
حدد الأطراف وبعدين اقطع أى سلك منهم من نصفه.
واشترى زرار press أو ساعات بيسموه microsoft switch مثل هنا فى السعودية . قعدت ساعة افهم البياع انى عايز مفتاح بريس وإنفرا ليد . وكان باكستانى . يلا الله المستعان . وبعدين وصل السلك اللى قطعناه ده . طرف بسنة من المفتاح من هنا وطرفه التانى بالسنة من المفتاح التانية . ولو المفتاح أربعة أرجل اعرف أنهى رجل تقفل مع التانية باستخدام الأفوميتر على وضع الصفارة والضغط على المفتاح وتركه . أو وصل الأسلاك بالبطارية وخلى الليد قدام الكاميرا لحد ما تلاقى النتيجية المطلوبة . تضغط ينور . ترفع إيدك يطفي. وبعدين دخل كل ده فى قلم سبورة عادى وافتح فتحة للزرار .وخليه تحت صابعك من ناحية طرف القلم شوية . ودخل البطارية . وجرب كده وبعدين ابقى اقعد عدل وظبط فيه وطور فيه بعدين وانت وخيالك بقة . وعيش يا باشا .
الموضوع سهل . بس حبيت اكتبه بالتفصيل الممل عشان اوفر عليكم التعب والمحاولات الكتير . فلا تعتقد أن كتر الكلام والخطوات والتفاصيل ممل . أو ان الموضوع صعب . الموضوع سهل جدا فى تنفيذه بإذن الله . وأى استفسار انا موجود . ممكن أغيب بس أسبوع عشان رايح أحج . بإذن الله وراجع على طول ومتابع كل يوم . بإذن الله بعد العودة . تقبل الله منا ومن كل المسلمين الحاجين هذا العام ومن حجوا من قبلنا جميعاً ومن سيحجون من بعدنا بإذن الله . والله المستعان . الموضوع منقول عن منتديات أجنبية وعربية للإفادة والتسهيل على الإخوة .
موقع هام جدا للشرح :
http://suefrantz.com/2009/05/07/the-...native-for-40/
http://www.subborah.com/
لتحميل برنامج smoothboard وتفعيله
http://www.4shared.com/rar/kPlcCO24/Smoothboard-__.html
باسوورد فك الضغط " الحمد لله " كما هى بالعربية .
اصنع بنفسك سبورة ذكية
salahlhouideg ( شكر العضو على هذه المشاركة )
