عندى مشكلة فى المشاية الكهربائية ممكن تساعدونى

[سـها]

سلام عليكم

انا اشتريت مشاية كهربا لسة جديدة وفى مشكلة حصلت قولت اسئلكم عشان انا حاسة ان المنتدى هنا اعضائه متمكنين وهلاقى الحل هنا ان شاء الله
المشكلة انى بقالى فترة راكن المشاية مكنتش بمشى عليها طول فترة الدراسة ولما اخدنا اجازة الترم دلوقتى جيت اشغلها تانى وامشى عليها لاقتها مبتمشيش وانا عليها على فكرة هى لسة جديدة انا شاريها الصيف اللى فات قبل المدارس السنادى ما تبدأ ومشيت عليها شوية فى الاجازة ولما بدأت الدراسة ركنتها ودلوقتى رجعتلها تانى بحكم اننا فى اجازة الترم

يعنى لما اشغلها تمشى لوحدها ولما اقف عليها واجى امشى تقف ومتمشيش ولما افضل احاول احاول امشيها الموتور يفصل ويقف...يعنى تمشى وهى لوحدها لكن اول ما اقف عليها تقف

انا مش فاهم ايه اللى حصلها مع انى حطتلها سبراى قولت يمكن محتاجة سبراى ولا حاجة بعد الركنة وسبتها تمشى مع نفسها شوية وكل يوم اشغلها مع نفسها وحطتلها سبراى وبرده اول ما اقف عليها عشان امشى تقف برده ؟؟ وبقالى اسبوعين دلوقتى على الحال دابحاول معاها تمشى ومش شغالة برده

هو فى ايه ؟؟وممكن المشكلة تكون فى ايه ؟؟

ممكن تمشو معايا واحدة واحدة لحد ما نحل المشكلة دى مع بعض والمشاية ترجع تشتغل تانى عشان حرام اشترى مشاية بـ 3.5 الاف وفى الاخر اشتغلت عليها شهرين تقريبا وبعدين وقفت ومش شغالة ومش مستفاد منها حاجة...هتقلولى اروح للشركة اللى جبتها منها المشكلة انى انا عايش فى الصعيد وانا اشرتها من شركة فى مصر يعنى مش سهل ابدا روح واجى فقولت اتابع معاكم يمكن نلاقى الحل مع بعض هنا بدل البهدلة فى السفر وغالبا مش هقدر اسافر اصلا عشان شغلى مقدرش اسيبه فهعمل ايه يعنى فحاولو انتو تساعدونى جزاكم الله خيرا

اكيد فى حل للمشكلة دى يا ترى ايه ممكن يكون سبب العطل دا؟؟؟

[tutouhi adel]

الكرسي المتحرك يلزمه الكثير من العناية
فحص شهر او شهرين كحد اقصى وفحص مختص كل عام

تاكد من البطارية اخي او اتصل بالجهة التي مدتك بالكرسي

[Ahmed Alazhary]

السبب على ما اعتقد هو اما ضعف الموتور الخاص بالمشايه ـ أو ضعف بعض القطع الاليكترونيه داخلها
انا لن افتى فى هذا الموضوع لكن ارجو ان تجدى
المختص الذى يساعدك هنا باذن الله
شكرا

[سـها]

شكرا........