مشكلة فى المزربورد

[ash95]

الأخوة الأعزاء كل عام وانتم بخير أرجو التكرم بمشاركتى فى هذه المشكلة
عندى مزربورد Giga bite ga8ie2004 عندما أفتح الجهاز تعطى الرسالة الآتية :
scanning BIOS image in hard drive
ثم تبدأ فى عمل نقط حوالى ساعة ثم لا شىء قمت بفصل الهارد على أمل أن تعمل من الCD لأنى أعتقد أن العيب فى البايوس ولكن أعطت نفس الرسالة ولم تدخل على ال CD او الفلوبى مع العلم بأن البايوس لحام
أرجو مشاركتى بأى فكرة فى هذة المشكلة
ولكم جزيل الشكر وفى انتظار مشاركاتكم وأفكاركم

[مصطفى بحرى]

بسم الله والصلاه والسلام على رسول الله

اخى هل حاولت الدخول على اعدادات المذربورد قبل الاقلاع
بالضغط على مفتاح delete قبل الاقلاع
اجعل القيم الاساسيه للمذربورد ثم save ثم exit
انا لااعلم ولكن حاول والله الموفق

:xlve:

[hariedy]

ادخل على البايوس وابحث عن خاصيتى
system bios cacheable
و
vedio bios cacheable
و قم بتعطيل كل الخواص الموجودة فى bios setup
power mangement
وقم بتعطيل كل هذه الخواص وانتظر الرد .

[ash95]

الأخوة الأعزاء أولا شكرا على ردكم
ولكن المشكلة أن الأعدادات لا تعمل أى أن الجهاز لا يستجيب للأمر Delete
وفى انتظار أفكار جديدة

[hariedy]

من المحتمل وجود عطل فى سوكيت الماوس والكيبورد
ومن الممكن الاستعانة بكيبورد يتم توصيله بفتحات اليو اس بى ، وان لم تعمل تلك الفتحة ايضا ف استعين بكارتة يو اس بى
توصل بفتحات البى سى اى . واول شىء تقوم بعمله هو ان تحاول تنزيل البايوس من جديد ( تشحنه ) وذلك حتى تتاكد
من ان العطل ياتى من الشيب الفرعى بالمازر بورد ich وذلك لانها المسؤلة عن الاتصال بفتحات ide والماوس والكيبورد
واى مشكلة فيها يظهر الاعطال فى اتصال الماوس والكيبورد وطبعا مع مشاكل فى قراءة الهارد او عدم قراءته اصلا .
وان شاء الله مش هيكون فيها مشكلة
بس اشترى كارتة يو اس بي وعلى فكرة هى رخيصة جدا لو انت من مصر بحوالى 15 جنيه .

[ash95]

شكرا للأخ هريدى وأنا هاجرب وأرد عليك ولكنى لا أظن ان العيب بسبب عطل الماوس والكيبورد ونجرب
وعموما ألف شكر على الأهتمام وعلى فكرة أنا من طنطا وكل عام وانت بخير

[sameh lila]

بسم الله الرحمن الرحيم
مشكلتك سببها فايروس قام بمسح مجموعه من التعليمات داخل البايوس و ما تراه من محاولة البحث هي حلاوة روح من شريحة البايوس و التي تسمي منطقة البوت بلوك و التي تبحث عن نفس بيانات البايوس علي فلوبي لتقوم بنسخها مرة اخري علي الشريحه حتي يعمل الجهاز و اليك الطريقه
أولاً قم بفصل الهارد ديسك و السي دي روم و اي كروت اضافية مثل الموديم او التي في او كارت الشبكة اذا كان خارجي
ثانيا قم بتنزيل الملف الخاص بالفلاش من الموقع الخاص بالمازر بورد و اياك ان تقوم بتغيير الاسم من باب التسهيل علي نفسك لان البوت بلوك يبحث عن هذا الاسم
قم بعمل ديسك بدء التحميل عن طريق الامر سيستم من الدوس او عن طريق اختيار الامر فورمات باللضغط علي الزر الايمن بالماوس و انت علي رمز الفلوبي و اختيار فورمات ثم وضع علامة علي مربع انشاء قرص بدء التحميل
طبعا و القرص بداخل مشغل الاقراص و ملاحظة ان كل هذا علي جهاز آخر غير المعطوب
ثم قم بادخال القرص الذي صنعته و بعد نسخ ملق الفلاشه عليه و عدم وضعها في اي مجلدات و انما علي الروت الرئيسي بداخل الفلوبي الخاص بالجهاز المعطوب ثم تشغيله و ستسمع صوت الفلوبي و هو يقرا ثم سيطلب منك الجهاز اعادة التشغيل و ............... يااااااااااه المشكله اتحلت
و شكرا
لو ما اتحلت يبقي هتلجأ للحل الصعب
و هو انك هتحاول تفك لحام شريحه البايوز عن طريق هوت اير بس لازم تكون بتعرف علشان ماتحرقهاش ولا تحرق المازر بورد و بعدين هتدور علي اي حد من اصحابك عنده نفس المازر بورد و ابقي قابلني لو لقيت - ماعلينا لو لقيت هتفتح جهازة لغاية ماتوصل لمحث الدوس و تخلع الشريحه الخاصه بية عن طريق فك لحامها برضه و الجهاز شغال ( ماتخافش مش هيجري حاجه للجهاز انك تفكها و هوه شغال لانه بيبقي مالهاش لازمه بعد التحميل ) و تركب القديمة بتاعتك مكانها و بعدين تشغل البرنامج اللي انتا نزلته من الموقع يدوي عن طريق تشغيل ملف التحميل الخاص بالفلاش و غالبا مابينزل مع ملف الفلاشه نفسه و بعدين تكمل الخطوات لغاية مايطلب منك اعادة تشغيل الجهاز و كده تبقي برضه المشكله اتحلت
ملحوظه بعد ماتحل المشكله مش عايزك تاخدك الشهامة و تحاول تفك لحام شريجتك اللي هتبقي راكبه في مازر بورد صاحبك علشان ترجع الامور للاول تاني - ليه يعني ما انتي هيبقي معاك بتاعت صاحبك و شغاله لازم يعني الشهامه دي ماجهازة هوه كمان هيبقي شغال تمام يعد ماتشحن بتاعتك اللي كانت عطلانه
و بعدين احنا ماصدقنا انك فكيت بتاعتك و بتاعته و ركبت بتاعتك عندة و عدي الموضوع علي خير ولا لازم تحاول تاني و بوردة صاحبك تبوظ و تبقي انتا بتصلح بتاعتك علشان تديهاله
يارب اكون افدتك
و اسف طولت عليك
م - سامح ليله

[مصطفى بحرى]

بسم الله والصلاه والسلام على رسول الله

اخى سامح كلام جميل صادر من رجل على درجه كبيره من العلم
اكرمك الله وذادك من علمه ليعم الخير والفائده
ولكن اسمح لى صعب صعب على اى واحد عادى
من راى ياخذ الجهاز لاى مركز صيانه ويقول الكلام اللى قلته افضل
حتى لا يصبحوا جهازين بدل واحد

:xlve: :xlve:

زادك الله علما واكرمك