[Hossam99]

السلام عليكم ,
نظرا لكثره قطع الكهرباء وسرعه تلف اليوبى اس ups عرفت انه يوجد ناس كتير يستخدموا بطاريه السياره كبديل
انا سألت على جهاز ال Inverter الذى يحول من 12 فولت الى 220 فولت ووجدته فى حدود 350 ج " 500 وات"
ولكن ما اريده هو

- ان اجهزه الكمبيوتر لا تفصل فى حال انقطاع الكهرباء
- يتم شحن البطاريه تلقائى " هل هذا سيتطلب بطاريه بخاصيه معينه "


ولى عده اسأله ايضا

- كيفيه شراء البطارية مقارنه للاجهزه التى سيتم توصليها ؟ يعنى احسب ازاى قوة البطارية المراده ؟؟؟
- كيفيه حساب قوة ال Inverter المراد شراءه
- كيفيه حساب الزمن الذى ستعطى فيه البطاريه طاقه للأجهزه " يعنى لو عايز الجهاز يفضل ساعتين هاحتاج ايه ؟ ولو عايزه يفضل شغال لمده 10 ساعات هازود ايه ؟

جزاكم الله خيرا مقدما
شكرا
اخوكم حسام من مصر

[shadytronic]

أخس حسام يوجد انفيرتر به شاحن داخلي وان لم تجد عليك بشراء شاحن منفصل والافضل أن يكون 20 أمبير full automatic.. بالنسبة للانفيرتر 500 وات بيشغل لمض الموفر مع امكانية شحن اللاب واستخدامه وعلي حسب استخدامك للانارة وللتشغيل تحسب ساعات التشغيل...
ان أردت ساعات زيادة عليك بشراء بطارية كبيرة وإن أردت تشغيل أكثر عليك بشراء إنفيرتر أكبر وأي استفسار أنا جاهز

[Hossam99]

شكرا لك مهندس شادى على ردك

1- هل الشاحن المنفصل يركب على اى نوع انفرتر ؟
2- ما هى المعادلة لحساب كام امبير كاف ومطلوب ل 100 واط فى الساعه ؟
3- هى بطاريه العربيه بتتشحن عادى ؟؟ السائله ولا الجافه ؟ ما هو عمرها الافتراضى
3- حضرتك تعرف حد فى مصر عنده هذه الاجزاء سألت فى النخيلى ومفيش


شكرا مرة اخرى لك

[shadytronic]

العفو أخي
1- الشاحن المنفصل يشحن علي أي نوع انفيرتر لانه لا علاقه له بالانفيرتر وهو يشحن البطارية..
2-بالنسبة لطريقة زمن التشغيل التقريبي يساوي سعة البطارية تقسيم مجموع الأحمال يعني لو بطاريتك 200 أمبير وعندك أحمال 400 وات حتضرب (12*200)/400 ويساوي 2400 وات لكل ساعة تقريبا/400ويساوي 6 ساعات تقريبا.... طبعا ممكن تخفف الأحمال حتي تأخد ساعات إضافية..
ولحساب قيمة الشحن ومدته من الشاحن الوقت التقريبي للشحن يساوي أمبير البطارية/أمبير الشاجن يعني فرضا بطاريتك 200 أمبير وشاحن البطارية 20 أمبير فان الوقت اللازم للشحن يساوي 200/20 ويساوي 10 ساعات تقريبا
3- أي بطارية عربية بتشحن ولو عاوز الأفضل فالجافة أفضل ولو عاوز شيء نظيف بس سعرها غالي شوية ممكن تجيب بطارية جل 200 أمبير ألماني وهي مخصوص للانفيرتر وال ups وممكن تاخد معها ضمان 5 سنين..
4- للاسف لا أعرف مكان بيعهم داخل مصر ولكن ممكن تسأل وأكيد حتلاقي ولو مش حابب تدفع كتير ممكن تستخدم أي نوع بطارية سائل مصري أو أي شركة وأنا عن نفسي جربت adler وهي ممتازة ألماني تجميع مصري...
أرجو أن اكون وفيت وأفدتك... مشكور

[Ahmed Elbhiry]

اقتباس المشاركة الأصلية كتبت بواسطة shadytronic العفو أخي 1- الشاحن المنفصل يشحن علي أي نوع انفيرتر لانه لا علاقه له بالانفيرتر وهو يشحن البطارية.. 2-بالنسبة لطريقة زمن التشغيل التقريبي يساوي سعة البطارية تقسيم مجموع الأحمال يعني لو بطاريتك 200 أمبير وعندك أحمال 400 وات حتضرب (12*200)/400 ويساوي 2400 وات لكل ساعة تقريبا/400ويساوي 6 ساعات تقريبا.... طبعا ممكن تخفف الأحمال حتي تأخد ساعات إضافية.. ولحساب قيمة الشحن ومدته من الشاحن الوقت التقريبي للشحن يساوي أمبير البطارية/أمبير الشاجن يعني فرضا بطاريتك 200 أمبير وشاحن البطارية 20 أمبير فان الوقت اللازم للشحن يساوي 200/20 ويساوي 10 ساعات تقريبا 3- أي بطارية عربية بتشحن ولو عاوز الأفضل فالجافة أفضل ولو عاوز شيء نظيف بس سعرها غالي شوية ممكن تجيب بطارية جل 200 أمبير ألماني وهي مخصوص للانفيرتر وال ups وممكن تاخد معها ضمان 5 سنين.. 4- للاسف لا أعرف مكان بيعهم داخل مصر ولكن ممكن تسأل وأكيد حتلاقي ولو مش حابب تدفع كتير ممكن تستخدم أي نوع بطارية سائل مصري أو أي شركة وأنا عن نفسي جربت adler وهي ممتازة ألماني تجميع مصري... أرجو أن اكون وفيت وأفدتك... مشكور

احسنت بارك الله فيك