[gold_killer]

السلام عليكم ورحمة الله وبركاته

انا جالى جهاز يا شباب اول ما بيتفتح بيقولى missing operating system بفتح برنامج Fdisk وبعرض بيانات الهارد ما بيقراهوش كله وعند التقسيم بيرجع من اول 0 % كل شويه كان الهارده فيه بادات يعنى
مع العلم ان الهارد جربته على جهاز تانى شغال تمام جدا وما فيهوش ادنى مشكله
غيرت كابل الداتا نفس المشكله
سالت واحد صاحبى قالى البورده عايزه تشحن
ارجو الخبره والنصيحه من حضراتكم ولكم جزيل الشكر

[hariedy]

اوبريشن سيستم من معناها تعنى نظام التشغيل فمن الممكن يكون الويندوز محتاج اعادة تصطيب
او ان هناك مشكلة فى قراءة الهارد على المازر بورد

[اشرف]

هل جربت قرص صلب اخر علي ذات الجهاز للتأكد من صلاحية القرص الاصلي ؟

قد تحدث مثل هذه المشكلة ايضا عندما يكون هتالك عطل في Fat ...

اشرف

[gold_killer]

السلام عليكم ورحمة الله وبركاته

اولا الف شكر ليكم يا رجاله على سرعة الرد والاهتمام

هو الجهاز فعلا كنت بحسبه عايز ويندوز فبنزلّه ويندوز فبيعدى اول مرحله بس اللى هى المرحله اللى بختار فيها البارتيشين وبتبقى شاشه زرقا اول ما الجهاز بيعمل ريستارت بيكتبلى missing operating system تانى فرمت الهارد وعيدت التسطيب حوالى 10 مرات ونفس المشكله قائمه

فجربت اسطب ويندوز على نفس الهارد على جهاز تانى شغال 100 100

مع العلم ان الجهاز المازر بورد نوعها gigabyte Dual Bios Gx 200 والبروسيسور 600 والكاش 512

والهارد اللى بجرب عليه maxtor 40 ده كده يا شباب يبقى البورده عايزه تشحن

واحب اضيف حاجه انا بصيت كده على البورده لاقيت فيها حوالى 12 مكثف قيمته 330 micro منفوخين من فوق

ممكن يكون المكثفات تعمل العيب ده ؟؟

وشكرا جدا ليكم يا رجاله على تعبكوا معانا

[hariedy]

كده العيب فى تظبيط الجنابر وخلى الهارد على الكابل البريمرى ماستر وحط فيه جنبر على وضع الماستر . والسيدى روم فى الكابل الثانوى على وضع الماستر ايضا .
ولا علاقة لانتفاخ المكثفات بمشكلتك
وبعدين البردة لو كانت عيزة تتشحن ما كنتش قرت الهارد 40 جيجا زى ما هو فى المرحلة الاولى من التصطيب
كانت قرته اقل من مساحته الاصلية او لم تقراءه اصلا
الشحن هو لترقية البايوس وتحديثه لاستيعاب هرد وير اعلى ولزيادة كفائة البوردة بصفة عامة
ننتظر الرد منك وبالتوفيق ان شاء الله

[gold_killer]

السلام عليكم مره اخرى

انا اسف على التاخير

حضرتك بتقول العيب فى تظبيط الجنابر

طب ممكن حضرتك تفهمنى هى لو الجنابر مش متظبطه الجهاز ما يشتغلش من الاول

مع العلم اللى انا بحطه على جهاز تانى من غير ما العب فى الجنابر خالص بيشتغل عشره على عشره

اسف للاطاله بس ارجو من حضرتك الشرح

[amirosagan]

ات شاء الله انا عندى الاجابة الشافية وهى
العيب ليس الهارد او المازر العيب فى الرامات خصوصا وانت بتنزل xp او ماينيوم
غير الرامة وانت هاتعرف ان شاء الله او حاول تنزل 98 ممكن يقبل الرامة وممكن لا

[hariedy]

ات شاء الله انا عندى الاجابة الشافية وهى العيب ليس الهارد او المازر العيب فى الرامات خصوصا وانت بتنزل xp او ماينيوم غير الرامة وانت هاتعرف ان شاء الله او حاول تنزل 98 ممكن يقبل الرامة وممكن لا

المشكلة بعيدة كل البعد عن الرامات .
وبالنسبة لصاحب المشكلة من الجائز جدا ان الهارد يكون مقرواء على المازر بورد ويتقرا ويتفرمت كمان فى اول مرحلة من التسطيب بس تانى مرة الجاز يشتغل يعنى بعد الريستارت المازر بورد بسبب انها مش متظبطة مع الهارد مش بتبوت منه على طول وتكمل تسطيب
على فكرة المشكلة دى موجودة ومعروفة فى الاجهزة الكومباك و الدل و اغلب الاوريجنال