[بوعبده]

السلام عليكم

اخوانى الخبراء اعلم اننا نثقل عليكم .
لاكن يبدو انكم تدفعون لنا ضريبة العلم.
وفقكم الله وزادكم علما

اعذرونى اخوانى انا بحاول اسال بالصور علشان اسهل على نفسى وعليكم وعلى من بعدى

السؤال الاول

ما اسم هذا المكون وما وظيفته على المازربورد حيث انى اجد على كل مازربود واحد او اثنين منه ؟

السؤال الثانى


هذه صورة من موقع يبدو انه يونانى وانا للاسف بفك الخط بالعافيه
اخوانى فى الصوره هما ربطوا كل مكثف بترانزستور بملف .
فهل هذه قاعده عامه تعمل بها كل البورد يعنى لازم علشان الدايره تكون كامله يكون مكثف وترانزستور وملف ؟

السؤال الثالث شكلى كده هانضرب انهاره




هنا اربع ملفات وثماني ترانزستورات هل هما مرتبطين ببعض فى العمل وهل هذه الترانزستورات نطلق عليها اسم موسفت ام ريجوليتور؟

اعذرونى اخوانى عايز اتعلم

[hariedy]

الصور مش ظاهرة من فضلك ارفعها فى المرفقات

[بوعبده]

شكرا لك اخى هريدى تم دمج الصور كامرفقات
هذه الصوره الاولى


الصوره الثانيه


الصوره الثالثه

[hariedy]

الصورة الاولى ترانزيستور خمسة فولت وبيكون موجود دائما فى البورد الى فيها سوند مدمج مع البوردة
وديما بيكون بجوار شريحة الصوت وهتلاقى مكتوب على الشريحة موديل كارت الصوت المدمج
وهو مسؤال عن اخراج الصوت يعنى هو الى مسؤال عن امداد سوكيت الصوت ولما بيكون تالف
ده بيظهر لما الصوت بيكون متعرف كويس جدا بس مفيش صوت خارج خالص

الصورة التانيةهى صورة لملفات coil ودى وظيفتها مستوى التغذية المطلوبة من البور صبلاى ضد الانخفاض
نفس دور الريلاى بالظبط مع الفارق ان الترانزيستورات الى فى البوردة هى الى بتتحكم فى دوره

الصورة التالتة هى لترانزيستورات البور ( الموسفيتات ) ودى دورها هى حماية البروسيسور وتنظيم التيار الخارج من البور صبلاى والمسؤلين عن تغذيتهم تلفهم يسبب انقطاع التغذية بالتالى عدم ظهور داتا على المونيتور

[م/احمد محمود]

good اللة ينوار عليك يابشمهندس صلاح شرح جميل جدا اللة يفتح عليك ويزيدك علمانت وابوعبدة وعلطول لللامام اخوك ابو على شركة يو اس بى الهرم

[abde]

والله استفدنا معك اخي شكرا على طرح الموضوع

[elwaleed]

الصورة الاولى ترانزيستور خمسة فولت وبيكون موجود دائما فى البورد الى فيها سوند مدمج مع البوردة وديما بيكون بجوار شريحة الصوت وهتلاقى مكتوب على الشريحة موديل كارت الصوت المدمج وهو مسؤال عن اخراج الصوت يعنى هو الى مسؤال عن امداد سوكيت الصوت ولما بيكون تالف ده بيظهر لما الصوت بيكون متعرف كويس جدا بس مفيش صوت خارج خالص الصورة التانيةهى صورة لملفات coil ودى وظيفتها مستوى التغذية المطلوبة من البور صبلاى ضد الانخفاض نفس دور الريلاى بالظبط مع الفارق ان الترانزيستورات الى فى البوردة هى الى بتتحكم فى دوره الصورة التالتة هى لترانزيستورات البور ( الموسفيتات ) ودى دورها هى حماية البروسيسور وتنظيم التيار الخارج من البور صبلاى والمسؤلين عن تغذيتهم تلفهم يسبب انقطاع التغذية بالتالى عدم ظهور داتا على المونيتور

السلام عليكم

مع خالص تقديرى الشديد للاخhariedy
وبعد إذنه
سوف اوضح بعض الامور
بالنسبة للصورة الاولى فهى لRegulator يقوم بإمداد شريحة الصوت بمصدر ال5 فولت كما اوضحت انت... ولكن ليست مسؤلة عن إخراج الصوت أو امداد سوكيت الصوت واحيانا عند تلف شريحة الصوت تتسبب فى سخونته او تلفه ..اما خرج الصوت فيكون من شريحة الصوت مباشرة عن طريق مكثفات سرفيس مونت ثم الى سوكيت الصوت..
اما الصورة الثانية والثالثة فهى لدائرة تغذية البوسيسور
وهى مقسمة كما فى الصورة الى ثلاث مراحل كل مرحلة عبارة عن 2 موسفيت المشار اليهم بالدائرة الزرقاء
وبعدهم يكون الخرج على ال coilالمشار اليه بالدائرة الحمراء
وبعد الcoilيتم التوصيل بمكثف او إثنين حسب نوع البوردة
ثم بعد ذلك الى البروسيسور..
ارجوا ان اكون قد وفقت فى الرد
والسلام عليكم

[hariedy]

مع خالص احترامى للاخ ( الوليد )
هو الريجليتور ده محطوط على اى خط ؟
طيب الريجليتور ده وظيفته تغذية الشيب ؟ ولا تغذية السوكيت بخارج الصوت ؟
هيكون الرد انه مش لتغزية الشيب ، وده لان الشيب مش ديما بيكون معاه ريجليتور زى ده فى كل بوردة .
وكمان لو قطعته خالص الصوت برده هيتعرف وكل شىء طبيعى وجرب على ضمنتى .
فى بوردات مفيهاش الريجليتور ده اصلا ، وبس فى حالة وجوده او عدم وجوده انا لا اتفق معك ان الشيب هو المسئول
عن عملية تنظيم الفولت الى خارج واقوى دليل لو عندك كارتة صوت افصل الرجل الاخيرة من الريجليتور ده برده
ولو سمعت صوت يبقى وجهة نظرك صحيحة ، لو كان مفيش الريجليتور ده فى تصميم البورده اصلا ليس من الجائز تركعملية تنظيم الفولت الخارج للشيب . لماذا لان لو نظرت لوظيفة اى عنصر دوره هو تنظيم الفولتات
ستجد ان عملية تنظيم الفولت ينتج عنها درجة حرارة عالية من الممكن فى حالة صحة وجهة نظرك انها تتسبب فى تلف
الشيباية لخروج current مصاحب لعملية تنظيم الفولت . وايضا ذلك للحفاظ على وحدة اخراج الصوت من التلف ( دائرة السماعات او الصب ووفر ) . فعلا عملية تنظيم جهد صغير ذى الخمسة فولت مش هتولد درجة حرارة عالية بس هى مرحلة امان اكتر لوحدات الاخراج ومننساش برده ان الريجليتور ده امان من الجهة الاخرة للشيب لانه بيمنع ارتداد اى فولت او قفلة من السماعات . اما فى حالة عدم وجود ذلك المنظم فستجد ان هذه البورده عامل الامان عامة فيها ضعيف سواء فى قسم تنظيم جهد البروسيسور او فى المكثفات الموزعة بالمازر بورد للحفاظ على الاستقرار العام فى الاداء وبتلاقيهم مكانهم موجود بس مش موجودين واى مشكلة فى السماعات او مجرد قفلة بسيطة او تسريب من وحدة اخراج الصوت هتتسبب فى تلف شيب الصوت .
والله تعالى اعلم .