[mufawzy]

بالخطأ وضعت بودرة الدفلوبر في خرطوشة التونر... بعدين فرغتها ومليتها تونر، لكن الماكينة بتظهر علامة نفاد التونر، وبعد إخراج الخرطوشو وتركيبها تاني بتحمل التونر وبعد تصوير ورقة واحدة بتعطي إشارة نفاد التونر تاني....
العملية بتتكرر بعد كل ورقة.

أفيدوني أفادكم الله.

وهل من الممكن أغير يونت التونر على بعضها؟؟!! وتمنها كام وفين في المنصورة؟؟

[فهد المنصور]

ماهي بيانات وماركة الماكينة ؟؟!

[محمد أبو رغد]

المشكلة ان هوبر الحبر لما حطيت فيه الديفولبر سد مكان نزل الحبر فك الهوبر ونظفه كويس بالبلاور وركب وأخبرنا بالنتيجة

[عريبى محمود]

اقتباس المشاركة الأصلية كتبت بواسطة محمد أبو رغد المشكلة ان هوبر الحبر لما حطيت فيه الديفولبر سد مكان نزل الحبر فك الهوبر ونظفه كويس بالبلاور وركب وأخبرنا بالنتيجة

السلام عليكم ورحمة الله وبركاته
---------------------------------
اخى الكريم
هذا ما حدث بالفعل هناك سدد بشفاط الحبر كما قال المهندس ابو رغد
يتم استخدام بلاور هواء شديد فى تنظيفه وبخاصة فى مكان نزول الحبر
ويمكن ايضا سحب شفاط الحبر مؤقتا ووضع الحبر فى تنك الدفلبر يدويا حتى يتم
حل مشكلة الشفاط (يتم ملء مقدار معلقة شوربة فقط من الحبر )

[ashefsamy]

اخى العزيز رجاء توضيح بيانات الالة كاملة الماركة والموديل وشرح العطل مفسر بالصور قدر الامكان حتى نصل معك الى اقرب نقطة للاصلاح

[mufawzy]

الماكينة نشوتك dsm 735
..........
طبقت كلام المهندس عريبي وبالفعل العلامة اختفت لمدة 40 ورقة ثم ظهرت مرة أخرى

[mufawzy]

أنا فكيت يوت التونر ونفضتها بالبلاور كويس جدا
لكن أنا معرفش فين الشفاط أصلا
معلش استحملوني

بعد ما ركبتها اشتغلت شوية وبعدين طلعلي علامة التونر وخطأ 322، وبعد عمل ريستارت الخطأ راح لكن علامة التونر مازالت موجودة!!!
هل ليها حل ؟؟؟ ولا لازم أغير حاجة؟؟؟

[محمد أبو رغد]

طيب جرب هات خرطوشة حبر أصلى هيظبط معاك ان شاء الله المشكلة دى قابلتى ولما جربت الخرطوشة الأصلية ظبطت معايا والحمد لله وعلى فكرة فرق التكلفة مش كتير يعنى الكيس بـ 50 جنيه كان بيعمل معايا 10-12 الف نسخة والخرطوشة بـ 125 بتعمل معايا من 18- 20 ألف نسخة بس فرق فى جودة الصورة كبير هتلاحظه بنفسك