[ام احمد الوحيد]

انا ساكنه بالدور السادس ومركبه موتور كالبيدا نص حصان فى منور البيت وكان شغال تمام والحمد لله الى ان قام جارى بالدور الاول علوى بتركيب موتور لشقته وبدا الصيف وبدات معاه المشكله كل شويه الموتور عند تشغيله يعمل صوت غريب و مافيش مياه واصله اجيب السباك يقولى واخد هواء بفك الوصله ويركبها تانى يشتغل الموتور يومين تلاته وترجع المشكله تانى

مع العلم استهلاكى له بسيط للغايه ومتركب بدون اتوماتيك ولا بالون وكان شغال كويس ولما السباك بيصلحه برضو بيشتغل كويس والمياه قويه

انا تعبت من الموضوع ده لان كمان المنور داخل شقه ولازم انتظر لما اصحابه يرجعو من الشغل وبداو يزهقو ويعتذرو ويرفضو دخول السباك كتير

انا اخر مرة جبت السباك كانت من 5 ايام واشتغل كويس ولما شغلته تانى فى نفس اليوم رجع عطل تانى ومن يومها والشقه بلا مياه ارجوكم انصحونى اعمل ايه

[الألكتروني78]

اقتباس المشاركة الأصلية كتبت بواسطة ام احمد الوحيد انا ساكنه بالدور السادس ومركبه موتور كالبيدا نص حصان فى منور البيت وكان شغال تمام والحمد لله الى ان قام جارى بالدور الاول علوى بتركيب موتور لشقته وبدا الصيف وبدات معاه المشكله كل شويه الموتور عند تشغيله يعمل صوت غريب و مافيش مياه واصله اجيب السباك يقولى واخد هواء بفك الوصله ويركبها تانى يشتغل الموتور يومين تلاته وترجع المشكله تانى مع العلم استهلاكى له بسيط للغايه ومتركب بدون اتوماتيك ولا بالون وكان شغال كويس ولما السباك بيصلحه برضو بيشتغل كويس والمياه قويه انا تعبت من الموضوع ده لان كمان المنور داخل شقه ولازم انتظر لما اصحابه يرجعو من الشغل وبداو يزهقو ويعتذرو ويرفضو دخول السباك كتير انا اخر مرة جبت السباك كانت من 5 ايام واشتغل كويس ولما شغلته تانى فى نفس اليوم رجع عطل تانى ومن يومها والشقه بلا مياه ارجوكم انصحونى اعمل ايه

المشكلة واضحة جدا عندما ربط الموطور في الطابق الاول
اصبح يشكل ممر لسحب الهواء أأكد مرة ثانية ممر لسحب
الهواء ارجو التركيز معي في هذه النقطة
اذا اشتغل الموطور الارضي فسيتحسن الموطور العلوي بسبب عدم سحب الهواء من الموطور السفلي وبالتالي يجب ان يكون مصدر الموطور العلوي قبل مصدر الموطور السفلي ...والله اعلم

[ام احمد الوحيد]

اقتباس المشاركة الأصلية كتبت بواسطة الألكتروني78 المشكلة واضحة جدا عندما ربط الموطور في الطابق الاول اصبح يشكل ممر لسحب الهواء أأكد مرة ثانية ممر لسحب الهواء ارجو التركيز معي في هذه النقطة اذا اشتغل الموطور الارضي فسيتحسن الموطور العلوي بسبب عدم سحب الهواء من الموطور السفلي وبالتالي يجب ان يكون مصدر الموطور العلوي قبل مصدر الموطور السفلي ...والله اعلم

للاسف جارى اللى ركب موتور مركبه عند مدخل المياه للبيت يعنى بجانب العداد ياريت لو فيه اى حل تانى وجازاك الله كل الخير

[ام احمد الوحيد]

سبحان الله وبحمده سبحان الله العظيم

[الإســناوى]

الحل تركيب مواسير خاصة بك من عند العداد حتى الشقة وتركيب بلف عدم رجوع عند أول المواسير بجوار المدخل والعداد الرئيسى
والحل التانى تركيب الموتور بأسفل المنزل عند العداد الرئيسى وهذا هو أفضل الحلول من الناحية الفنية
علشان الموتور بيسحب هواء من خط الجار إللى ركب موتور

[ام احمد الوحيد]

بارك الله فيك اخى الفاضل انا فعلا لى ماسورة لشقتى فقط والجار له ماسورة من مدخل العداد لشقته وللاسف هو مركب الموتور بعد العداد على طول
ياريت لو فيه حل اخر ولو ركبت موتور داخل شقتى انا فى الدور السادس اجيبه كام حصان عشان يوصل المياه وجزاك الله كل الخير على ردك

[ام احمد الوحيد]

اقتباس المشاركة الأصلية كتبت بواسطة الإســناوى الحل تركيب مواسير خاصة بك من عند العداد حتى الشقة وتركيب بلف عدم رجوع عند أول المواسير بجوار المدخل والعداد الرئيسى والحل التانى تركيب الموتور بأسفل المنزل عند العداد الرئيسى وهذا هو أفضل الحلول من الناحية الفنية علشان الموتور بيسحب هواء من خط الجار إللى ركب موتور

بارك الله فيك اخى الفاضل انا فعلا لى ماسورة لشقتى فقط والجار له ماسورة من مدخل العداد لشقته وللاسف هو مركب الموتور بعد العداد على طول
ياريت لو فيه حل اخر ولو ركبت موتور داخل شقتى انا فى الدور السادس اجيبه كام حصان عشان يوصل المياه وجزاك الله كل الخير على ردك

[زكى بدر]

السلام عليكم اخت ام احمد

ما فهمته من مشكلتك .. انك تمتلكين موتور عادي ( نصف حصان ) وقمت بتركيبه في اسفل منور العماره و انت تسكنين في الدور السادس .
2- قام احد جيرانك يسكن في الدور الأول بتركيب موتور في نفس المنور , اي علي خط المياه الخاص به بعد العداد , وبهذا يكون في مكان مجاور للموتور الخاص بك .
3- تفسيري ان العماره تعاني من ضعف شديد في امداد المياه , و الدليل علي ذلك ان الجار وهو في الطابق الأرضي قام بتركيب موتور و هو قريب جدا من مصدر المياه , و علي هذا فيتم بحث المشكله في البدايه , بوجود احتمالين يسببان ضعف المياه للعماره اولهما ان تكون مشكله عامه قي الحي او المدينه التي فيها تسكنين , و هذا بالطبع يمكن معرفته بسؤال العمارات المجاوره... الاحتمال الآخر وجود رواسب كثيره متراكمه منذ القدم في خط المياه الرئيسي للعماره تعوق سريان المياه , وفي هذه الحاله يتم التوجه بطلب تسليك لمجلس المدينه او الوحده المحليه ..
4- في حاله الاحتمال الأول ( مشكله عامه ) , و نتيجه تركيب الجار موتور خاص به , و اعتقد انه من نوع ( تحضير ذاتي ) و قدرته تبدأ من 3/4 حصان , و يقوم هذا النوع من الطلمبات بسحب او ( مص ) المياه في حاله عدم وصولها تلقائيا لمروحه سحب الموتور في مدي ما بين 6 الي 15 متر حسب قدره الموتور بالحصان ... وبهذا ونظرا لأنك تمتلكين موتور عادي ( نصف حصان ) و لا تمتلكين بالونه ولا بلف عدم الرجوع و نتيجه ضعف المياه الشديد بالعماره , و عند تشغيل موتور الجار يقوم بخلخله الهواء و بالتالي يسحب المياه من المواسير المجاوره و يبعد مصدر المياه عن مروحه السحب الخاصه بموتورك والذي لن يستطيع ( مص المياه ) لأن تصميمه لا يسمح بذلك فيصدر منه صوت ( حشرجه ) نتيجه وجود هواء بالمواسير .
5- حل المشكله ... يتم تركيب ( سكس بلف ) من النوع الجيد , و نري النتيجه ,, واذا استمر الوضع كما هو ,, يتم استبدال الموتور بنوع التحضير الذاتي قدره واحد حصان و يتم تركيبه في نفس مكان الموتور القديم .. ولا انصح في مثل حالتك بتركيبه داخل الشقه كما ذكرتي وهذا بسبب بعد المسافه ( حوالي تتجاوز 20 متر ) و بالتالي سيؤثر علي الأداء جدا في ظل وجود ضعف شديد بالمياه اصلا ... ويكون اختيار نوع الموتور من الأنواع الايطاليه مثل كالبيدا او dab او saer...الخ والبعد عن الأنواع الصيني ... و متابعين مع حضرتك .