سؤال فى المتكامله 4017

[mourad3d]

المتكامله تقوم بعمل عداد عشرى ولكن حينما قمت بتنفيذ الدائرة عمليا وجدت مشكلة

المشكلة عند ايصال الكهرباء فى اول لحظه يبدا العد عشوائى مره يبدا من اتنين او يبدا من ثلاثه هكذا
والمفروض انى المتكاملة تبدا العد من واحد فى كل مره عند بدايه توصيلها
اريد انها تبدا العد من واحد

ملحوظه هذه المشكلة لا تظهر فى برامج السموليشن بس بتظهر فى تنفيذها العملى
وكمان انا غيرت كذا متكاملة ولقيت فيها نفس المشكلة يعنى العيب طلع مش فى المتكاملة اللى بستخدمها حد عنده حل للمشكلة ده

وهل ممكن اعمل وضع افتراضى للمتكاملة اول ما تشتغل تكون عليه يعنى مثلا لو عاوز يبدا العد من سبعه
مع العلم ادخال النبضات يدوى وفى مشكلة كمان انى مع ادخال النبضات يدوى ساعات النبضات بتبقى سريعه فتقوم بالقفذ على عدد فمثلا يكون على واحد عند ادخال نبضه يقوم بعمل قفذ ويصبح ثلاثه وساعات تشتغل طبيعى واحد اتنين ثلاثه

تخطيط الدائرة نفس اللى فى الصورة بس انا غليت المكثف ووصلت البرس مباشر مع مقاومة 10 كيلو مع مصدر الجهد لادخال النبضه

[Tico]

المتكامله تقوم بعمل عداد عشرى ولكن حينما قمت بتنفيذ الدائرة عمليا وجدت مشكلة
المشكلة عند ايصال الكهرباء فى اول لحظه يبدا العد عشوائى مره يبدا من اتنين او يبدا من ثلاثه هكذا
والمفروض انى المتكاملة تبدا العد من واحد فى كل مره عند بدايه توصيلها
اريد انها تبدا العد من واحد

لتتخلص من هذه المشكلة لازم تعمل ريسيت للعداد عند أول تشغيل ..
هذه طريقة شغالة مجربة:
إضافة مكثف ومقاومة لمدخل التصفير رجل 15.

http://upload.qariya.info/images/qar...75e788da1f.png

وهل ممكن اعمل وضع افتراضى للمتكاملة اول ما تشتغل تكون عليه يعنى مثلا لو عاوز يبدا العد من سبعه

غير ممكن بدون إضافة متكاملات وعناصر أخرى ..
ممكن مع بعض العدادات مثل 4510 أو 4029
+ الديكودر 4028

مع العلم ادخال النبضات يدوى وفى مشكلة كمان انى مع ادخال النبضات يدوى ساعات النبضات بتبقى سريعه فتقوم بالقفذ على عدد فمثلا يكون على واحد عند ادخال نبضه يقوم بعمل قفذ ويصبح ثلاثه وساعات تشتغل طبيعى واحد اتنين ثلاثه
تخطيط الدائرة نفس اللى فى الصورة بس انا غليت المكثف ووصلت البرس مباشر مع مقاومة 10 كيلو مع مصدر الجهد لادخال النبضه

المكثف الذي ألغيته يحل لك المشكلة وممكن تزيد في قيمته حتى 10 ميكرو عند الضرورة.

[mourad3d]

مشكور وبارك الله فيك واجابه وافيه وان شاء الله فى ميزان حساناتك فى رمضان
بس رجاء توضيح لى فكرة عمل المكثف وصله مع الطرف الموجب والمقاومة مع الطرف السالب وعليه دايو
اعلم ان مقاومة يمر فيها تيار يدخل على مكثف يقوم بشحنه فى زمن معين ولكن العكس ماذا يحدث مع وجود الدايود

[Tico]

أخي بداية الافضل ان توصل مدخل الساعة (رجل 14) بنفس طريقة الدائرة الاصلية لانها طريقة تمتص ارتدادات المفتاح المحتملة.
ثانيا بالنسبة لتصفير 4017 من الرجل 15 فهو يتم بنبضة موجبة .
وكما تفضلت بذكره هذه النبضة الموجبة يوفرها المكثف بمساعدة المقاومة بطريقة شحن المكثفات المعروفة.
أما الديود فلا تدخل في عملية إنتاج تلك النبضة ..
هي فقط لتفريغ المكثف من شحنته عند فصل الدائرة .
وبذلك يكون المكثف مستعدا لأداء مهمته عند وصل الدائرة بالمصدر من جديد..

[mourad3d]

انا جرب الموضوع وكله تمام بس فى مشكلة تانيه ظهرت انا اساسا عامل رسيت مع العدد اربعه لما وصلت دائرة الرسيت المكثف والمقاومة والدايو اللى قولت عليهم مع طرف الرسيت لما تجى تدخل نبضات يعد واحد اتنين ثلاثه اربعه خمسه سته وهكذا بس انا عاوزه عند العد اربعه يعمل رسيت اصبح فى نبضات زيادة انا مش عاوزها لازم تفضل تضغط على الفاضى لحد ما توصل للآول

[mourad3d]

معليش هتعبك معايا هو فى شىء فى سؤالى انا مش وضحته ليك انا عاوز افهم الفرق بين انك توصل مكثف ومقاومة على التوالى المكثف مع الطرف الموجب والمقاومة مع الطرف السالب زى ما انت عامل كده فى دراتنا والعكس انك توصل مقاومة ومكثف المقاومة فى الطرف الموجب والمكثف فى الطرف السالب ( يمكن ده عرفها شحن المكثف فى فترة زمنيه معينه وبعد الشحن يفصل التيار المستمر ) بس العكس بقى يعمل ايه

[mourad3d]

انا فصلت الدايو ولقيت انى تاثيره معدوم فى حالة توصيله وعدم توصيله وهوا يفرغ المكثف ازاى وهوا بعيد عنده مش تضحك على سؤالى بس فعلا انا لسه بتعلم فى المجال ده واحب الم بى أهم التفصيل فيه

[Tico]

المشاركة الأصلية كتبت بواسطة mourad3d

انا جرب الموضوع وكله تمام بس فى مشكلة تانيه ظهرت انا اساسا عامل رسيت مع العدد اربعه لما وصلت دائرة الرسيت المكثف والمقاومة والدايو اللى قولت عليهم مع طرف الرسيت لما تجى تدخل نبضات يعد واحد اتنين ثلاثه اربعه خمسه سته وهكذا بس انا عاوزه عند العد اربعه يعمل رسيت اصبح فى نبضات زيادة انا مش عاوزها لازم تفضل تضغط على الفاضى لحد ما توصل للآول

الحل بسيط باستخدام ديود:
لو تحب أربع نبضات توصل الديود من المخرج الخامس إلى مدخل الريسيت (رجل 15)
لو 7 نبضات مثلا توصل الديود من المخرج 8 إلى مدخل الريسيت (رجل 15)
اتجاه الديود يكون من المخرج الى الريسيت طبعا.
دور الديود هنا هو حماية المخرج من أثر نبضة المكثف.

المشاركة الأصلية كتبت بواسطة mourad3d

معليش هتعبك معايا هو فى شىء فى سؤالى انا مش وضحته ليك انا عاوز افهم الفرق بين انك توصل مكثف ومقاومة على التوالى المكثف مع الطرف الموجب والمقاومة مع الطرف السالب زى ما انت عامل كده فى دراتنا والعكس انك توصل مقاومة ومكثف المقاومة فى الطرف الموجب والمكثف فى الطرف السالب ( يمكن ده عرفها شحن المكثف فى فترة زمنيه معينه وبعد الشحن يفصل التيار المستمر ) بس العكس بقى يعمل ايه

لو العكس سيكون الناتج نبضة سالبة .
بعض العدادات تعمل بهذه الطريقة .. ولذلك من الضروري ان تطلع على Data sheet للعداد حتى تعرف إذا كان الريسيت يعمل بنبضة موجبة أو بنبضة سالبة .
نبضة سالبة = من 0 الى الموجب.

المشاركة الأصلية كتبت بواسطة mourad3d

انا فصلت الدايو ولقيت انى تاثيره معدوم فى حالة توصيله وعدم توصيله وهوا يفرغ المكثف ازاى وهوا بعيد عنده مش تضحك على سؤالى بس فعلا انا لسه بتعلم فى المجال ده واحب الم بى أهم التفصيل فيه

هذا بحسب الدوائر:
بعض الدوائر يكون فيها عناصر توفر طريق سريع لتفريغ المكثف .
وبعضها لا ..
وحيث إني لا أعرف طبيعة دائرتك بالضبط ، اقترحت عليك إضافة الديود وهي طريقة معمول بها ومجربة.
أما كيف يتم التفريغ بالديود فهذه بسيطة وراجعة الى قوانين الدارة الكهربائية .. فكر فيها قليلا وستجد الحل ان شاء الله..