[بوعبده]

السلام عليكم




اخوانى انا عندى حوالى 10 بورد فيهم شرايح بايوس نفس الموجوده فى الصوره (( طبعا فى الشكل فقط)) انما المواصفات والارقام مختلفه

ممكن حد خبير يدينا المفيد فى تبديل او تغير الشريحه

[hariedy]

طبعا لا لازم تكون من نفس النوع macronix-amd-atmel-award-intel-ami-phoenix
او لما بتكون الاصلية والبديل من نفس النوع لازم بنفس الارقام لان من رقم لاخر بيختلف الملف طبعا الموجود عليها
والاهم ان لكل رجل من ارجلها وظيفة تختلف بحسب نوع الشيب الموجود على البوردة وكمان حسب الملف الموجود على الشريحة بالتحديد حتى فى حالة تطابق الرقم تماما مش ممكن نبدل كده ، اختلاف الشيب بيحدد اى الاطراف من اطراف الشريحة بتخرج داتا وايها بيدخل بور والارضى واطراف الاى تى ايه .
والله اعلم .

[Salah Elsayed]

طبعا لا لازم تكون من نفس النوع macronix-amd-atmel-award-intel-ami-phoenix او لما بتكون الاصلية والبديل من نفس النوع لازم بنفس الارقام لان من رقم لاخر بيختلف الملف طبعا الموجود عليها والاهم ان لكل رجل من ارجلها وظيفة تختلف بحسب نوع الشيب الموجود على البوردة وكمان حسب الملف الموجود على الشريحة بالتحديد حتى فى حالة تطابق الرقم تماما مش ممكن نبدل كده ، اختلاف الشيب بيحدد اى الاطراف من اطراف الشريحة بتخرج داتا وايها بيدخل بور والارضى واطراف الاى تى ايه . والله اعلم .

السلام عليكم ورحمة الله وبركاتة

الموضوع مهم جدا ويحتاج الى شرح طويل وتفسير

اولا لايمكنك تغير اى شريحة بايوس من اى بوردة لاخرى بدون شحنها بالملف الخاص بالبوردة الجديدة

اما بالنسبة الى موضوع الاتفاق والاختلاف والارقام التى تصلح كبديل فهذا موضوع شائك وكبير ويحتاج الى شخص على علم كبير بدوائر الشحن وليس بعملية الهوت فلاش

طبعا احنا هنا بنتكلم عن فلاشات المازر بورد

اولا فى نوعين من الفلاشات
نوع يسمى PLCC32 ونوع يسمى FWH/LPC
ولا يصح ان نقارن على اساس phoenix او ami او award اطلاقا
لان الشركات الثلاثة لا تصنع شرائح من الاساس
ولكنها شركات برمجة HEX وليست هاردوير على الاطلاق
( كارت التيستر بيحدد الكود والكاتلوج الخاص به يوجد به معانى للشركات الثلاثة المشهورة وغيرها بالطبع )
يعنى C1 على التيستر تساوى D3 ايضا على التيستر
لكن الفرق هنا ان C1 برمجة phoenix و D3 برمجة ami
والاثنين عطل رامات ...........
اذن لا نستيطع ان نقارن بدائل الفلاشات على اساس البرمجة ولكن على اساس مسارارات البيانات فى الفلاشة وهنا يأتى فرق الهارد وير والذى سوف اتحدث عنه
وكما قلت قبل ذلك ان هنا نوعين PLCC32 و FWH/LPC
لايمكننا ان نختار بديل من هذا الى هذا
لاختلاف مواصفات التغذية والارضى ومسارات البيانات
اولا ال Plcc32 يعتمد على كهرباء 5 فولت فى الشحن او 15 فولت او 21 فولت او 25 فولت كما هو الحال فى الفلاشات القديمة جدا
والاخر يعتمد على 3.3 او 12.5 فولت فى بعض الانواع
ملحوظة الفلاشة الطويل هو هو plcc32 ومن الممكن ان تجد تحت سوكت الفلاشة الطويل مربع يمكنك تركيب به فلاشة مبرعة الشكل واذا احسنت الاختيار للفلاشة وشحنتها بملف البوردة سوف تعمل البوردة بالفلاشة المربع المنتشر حاليا
والعكس ايضا صحيح
مع امكانية تحديد مساحة الفلاشة مع حجم الملف الخاص بالبوردة
لا داعى للاطالة فقط سوف اكتب بعض البدائل
اولا
كل الفلاشات التى تسمى plcc32 والفلاشات المربعة تعمل كبدائل بطريقة سليمة 100%
طيب لازم نختار على اساس حجم الفلاشة اذا كانت 2ميجا او 4 ميجا ( الكلام هنا خاص بالماذر )
مثال Winbond W49F002U مساحتها 2 ميجا والملف الخاص بالبوردة حجمة 256 كيلوا بايت
والبدائل له SST49SF020A او AT49F002 او AT49F002T او AMIC 29F002
او W29F002 او W29C020 او A29002 او MX29F002 او SYNCMOS F29C51002T
وهذة الفلاشات على سبيل العرض وليس الحصر ....
وطبعا لما يكون الرقم فى الفلاشة 4 معناه 4 ميجا ومساحة ملف البوردة بيكون 512 كيلوا
طبعا فى ملاحظة مهمه ان العامل المشترك فى كل الفلاشات هو رقم 2 وهو دليل على مساحة الفلاشة
اى من تلك الفلاشات تصلح كبدائل صحيحة مع ملاحظة انهم كلهم من شركات مختلفة نجد winbond و SST ATMEL AMIC كلهم شركات تصنع الفلاشات وليس السوفت
هنا البدائل كما نقول

بالنسبة للنوع الاخر والى فيه شغل كبير واختلافات اكبر ليس لان عدد فلاش كبير لا عدد الفلاشات التى تصنع لهذ النوع قليل
وايضا انه مقسم الى نوعين FIRMWARE HUB و LPC
رغم ان مخطاتهم شبة متطابقة لكنهم لا يمكن استخدامهم كبدائل صريحة مثل ال PLCC32
كل الفلاشات التى تسمى Firmware وهم كالتالى
intel 82802AB ,82802AC ( ملاحظة هذة الفلاشة الوحيدة التى تنتهى ب 2 ومساحتها 4 ميجا وملف مساحتة 512 كيلو بايت انتل بقى ومحدش يقدر يفتح بقه )
ATMEL AT49LW040
SST 49LF002A
SST 49LF003A
SST 49LF004A
Pmc pm49FL002
pm49FL004

الفلاشات التى تسمى LPC كالتالى
WINBOND W49V002FA
W39V040FA
SST 49LF020A
SST 49LF030A
SST 49LF040A

طبعا هنا فى خلاف كبير جدا فى الاتنين رغن اتفاقهم على الفولت وخروج مسارات البيانات
حتى انهم بيتشحنوا على دايرتى على نفس الادبتور لكن الاختلاف اتى من ال ITE كما قال الاخ مصطفى
بالنسبة لعملية البديل هنا طبعا المجموعة الاولانية بدائل لبعض مباشرا طبعا مع ملاحظة المساحة

المجموعة الى تحت ليسوا بدائل لبعض اطلاقا
لكن ال W49 , W39 بدائل للمجموعة الاولى الا اذا كان ايسى السكرتير كما نقول من نوع ال WINBOND لن يقبل فى معظم الاحوال ان يستقبل من المجموعة الاولى الا اذا ذكر فى ملاحظات ملف التحديث فى البوردة تقبلة للفلاشات الاخرى


اتمنى ان اكون شرحت ولو البسيط فى هذا الموضوع الشائك
ولا انصح احد بالتجربة الا اذا كانت لدية مبرمجة شحن بايوس ويريد ان يجرب....

تحياتى للجميع وعذا على الاطاله

[hariedy]

مع شديد تقديرى واحترامى .
كلامك يا استاذنا صلاح انه
( لا نستيطع ان نقارن بدائل الفلاشات على اساس البرمجة ولكن على اساس مسارارات البيانات فى الفلاشة وهنا يأتى فرق الهارد وي) .
لا اعتقد فى مطابقته فنيا الا من باب المصادفات !
اذن ما الحاجة من الترقيم والموديلات وتخصيص الاب ديت لكل موديل ، والا كانت الشركة تعمم الاب ديت لكل البورد المتشابهة او تحدد اب ديت او بالتحديد بيوس معين لفئة معينة من البورد ؟
ولك منى مثال :
فى بوردة لم تنتشر فى مصر لسعرها لغاية دلوقت اسوس علبتها لبنى اللون فى منها ثلاثة موديلات متشابهة
فى عدة عوامل ومتطابقة البيوس من حيث الرقم تماما وكمان الشركة المبرمجة phoenix
والثلاثة موديلات بنفس الامكانيات ونوع الشيب و ( وير ليس لان ) :
ASUS P5B = 0509
ASUS P5B Deluxe = 0614
ASUS P5B Deluxe WiFi-AP = 0614
لكن بص كده الاف بى اس لكل واحدة كام وكمان كلهم 965 مع ذلك مجرد تبديل شرائح البيوس كفيل بايقاف البوردة ؟ طيب ليه ما الشريحة بتاعت البيوس واحد وبالارقام ؟ والشيب واحد بردوه ،
وطبعا مخارج البور والداتا واحد ، وعلى فكرة ارقام اسى ite واحد هوة كمان .
يبقى المبرر المنطقى ان الشريحة عليها ملف معين مصمم لبورده من موديل معين لكن الصدف ممكن
تقول غير كده لكننا لا يمكن ان ناخذ الصدف كقوانين .
واللى حاول يقرا فينا فى برمجة البيكات pic يعرف ان لكل شريحة مصنعة من شركة ما يعلم انها مصنعة ومحمية (محروقة ) من الشركة المصنعة ولا حتى نستطيع اقتباس الملف اللى عليها
فكيف اذن كل شيب بيوس يكون بهذه السهولة يعمل على اى هردوير الا بمقاييس معينة
حتى ان تعريف مجرد بعض الكروت لايعمل على الاخرى من نفس النوع ( ac 97 )
وكل شريحة مصممة للكشف على هرد وير معين عند الاقلاع وليس بها ملف لكل الهارد وير . فليس الشيب وحده هو الذى يحدد باص البروسيسور لكى تعمل المازر بورد وليس كل اى تى ايه وليس كل نوع رام بانواعها ولا حتى الشيب طبعا
ولكل سوفت على شريحة البيوس يختلف من واحد لاخرى من حيث قرائتها لفتحات
الرامات واذا ما كان هناك فتحة agp او يكتفى بالفيجا المدمجة وعدد فتحات pci
وهل هى من نوع بى سى اى اكسبريس ولا العادى . فان كانت الشريحة مركبة على بوردة من نفس نوع الرامات فرضا ولكن كانت عدد الفتحات 2 ولكننا وضعناها فى بوردة 3 فتحات هل ان صادفت واشتغلت البوردة هل يضمن لى احد قرائة الرامه
الثالثة او بالقياس ايضا على الفيجا ان كانت مدمجة او كارت منفصل .
اتمنى ان اجد من يحرص على تصحيح معلوماتى ان كانت خاطىء وجل من لا يسهوا .
والله تعالى اعلم .

[Salah Elsayed]

السلام عليكم ورحمة الله

اخى الكريم مصطفى
كلامك قعلا صحيح
ولكنى هنا اتكلم عن بدائل الفلاشاااااات
بمعنى انت بتشحن بوردة ما ولاقيت الفلاشة بتاعته تالفة ومعندكش نفس النوع
الفلاشة نفسها وليس الملف الموجود عليها
يعنى عشان تشحن البوردة ga-8I845p-rz فكيت الفلاشة بتاعتها سواء بتشحنها بدائرة شحن او بتشحنها بطريقة الهوت فلاش وانت بتشحن لاقيت الفلاشة نفسها تالفة ودورت عندك فى الفلاشات الى فى البورد التقطيع
الفلاشة فى الاساس بتكون SSt49LF002A
وبحثت عندك فى الفلاشات بطبيعة الحال وملقتش عندك الرقم دة هتعمل اية
يبقى البديل على اساس كلامى انك تجيب PMC PM49FL002A
او حتى W49v002a
وتشحنها بقى بملف البوردة الجيجا ga-8I845p-rz
سواء هوت فلاش او دائرة شحن

ودى ثالث جملة فى ردى على الموضوع اتمنى انك تكون متسرعتش فى الرد وتكون قريت كويس
__________
اولا لايمكنك تغير اى شريحة بايوس من اى بوردة لاخرى بدون شحنها بالملف الخاص بالبوردة الجديدة
__________

تحياتى لك

هنا الى بقصده واعتقد انى وضحت الكلام دة

[ozza]

بسم الله الرحمن الرحيم
السلام عليكم ورحمة الله وبركاته
تحية طيبة وغالية الي الاخوة الكرام
الاخ الكريم صلاح السيد
الاخ الكريم هريدي
انا معجب جدا باسلوب النقاش الهادئ الذي يبني ولا يهدم ولا يتحيز الى رأي ولا يتعصب الي فئة
واضم صوتي أيضا الى صوت الاخ صلاح السيد
فمن البديهي بغض النظر الي السوفت وير أن الشركات المصنعة للشيبات تصنع شرائح متطابقة في كل الوظائف
وهذا ينطبق أيضا على جميع انواع اشباه الموصلات .
فالفرق الوحيد الذي يمكن ان نعرفه فى هذا السياق يمكن ان يكون في اسم الشركة المصنعة المطبوع على الشييب
والبرودكت كود وايضا هو خاص بالشركة المصنعة وتوجد مواصفات قياسية من حيث عدد المخارج والمداخل وموقعها على الشريحة وقيم الجهود المقررة والمطبقة على الشرائح والذاكرة المتاحة للبرمجة تكتب عادة على الشريحة ويدل عليها رقم معين يستدل منه على مواصفات هذه الشرائح.
ولكن يمكن لنا ان نغير في شريحة برقم ونستخدم شريحة اخرى بدلا منها ولكن هذه الطريقة يلزمها دراسة عميقة
وتدقيق عالي جدا قبل القيام بهذه العملية

[hariedy]

انا اسف فعلا يا اخ صلاح انا فعلا قرائتى سريعة جدا وعادة تتسبب لى فى مثل ما حدث .
وانا سعيد جدا بانى اجد من يملك حب العلم والمزيد من التعلم بشرط حسن الاسلوب وادب الكلام , وانتم اهل الادب فعلا .
واكرر اسفى بشدة .

[بوعبده]

السلام عليكم ورحمة الله وبركاته

اشكر المهندس مصطفى على حسن رده وعلمه

واشكر المهندس صلاح السيد على حسن علمه ورده

اخى صلاح السيد كفيت ووفيت

اخى صلاح انا انوى ان افتح مركز تدريب كمبيوتر يعنى دورات صيبانه سوفت وهارد ويعلم الله ان هدفى ليس ربحى ولكنه علمى بحت فهل اجد فى منتدانا من يعيننى على القيام بذالك وله جزيل الشكر

منتظر ردكم اخوانى