أولا : بعد ما تحط الفيشة .. في زرار مكتوب عليه on/off
والزرار ده لتشغيل الغسالة .. وهيعمل صوت لما تدوس عليه .. ماشي
ثانياً : عند البكرة اللي بتلف دي .. وكل ما تلفيها بتدي صوت وتنور عند كل برنامج
*في برنامج مثلاً للملابس البيضاء وده مرسوم عليه تشيرت ومكتوب عليه normal
*وواحد تاني للملابس المتسخة وده برده مرسوم عليه تشيرت بس لونه اسود ومكتوب عليه intensive
*وواحد آخر للملابس الملونة .. وده عامل ذي باليتة الالوان ومكتوب عليه coloured
*وآخر للاصواف ومكتوب عليه wool
*وآخر للملابس الخفيفة والرقيقة ومكنوب عليه delicate " وده للتنبيه الغسالة بتقف فيه في نهاية 5 دقايق من الوقت .. علشان بتبقي محتاجة مسحوق في درج الغسالة مرة تانية .. وبعديت تضغط start تاني"
*وآخر للملابس الصناعية والالياف ومكتوب عليه synthetic " وده للتنبيه الغسالة بتقف فيه في نهاية 11 دقايق من الوقت .. علشان بتبقي محتاجة مسحوق في درج الغسالة مرة تانية .. وبعديت تضغط start تاني"
*وآخر للغسل الخفيف .. يعني الهدوم اللي ممكن تكون عرقانة بس واسمه quick/29 min
*وآخر زررارين في البكرة واحد للعصر فقط هو اسمه spin
*والتاني للشطف بس اسمه rinse
** وهتلاحظ علي درج المسحوق كل رمز وعلامة مكتوب جمبها الكلمة بالانجليش ذي ما ذكرت .. وده معني كل كلمة
واللي عليك تظبط البكرة علي البرنامج اللي تحبيه ويناسبك
ثالثاً : بعد ما تظبط البرنامج .. تظبط الحمولة اللي انت حطاها بالغسالة
وده من خلال زرار مكتوب عليه Load
وكل ما تتكي عليه هيعملك شرط في شاشة الغسالة
اول شرطة معناها 2 كيلو
وشرطتين معناها 4 كيلو
وثلاثة معناها 5 كيلو
ولو الحمولة بتاعتك 6 كيلو .. هنا في زرار تاني مكتوب عليه 6KG Wash
رابعاً : في زرار للحرارة مكتوب عليه temp
فيه بتظبط درجة الحراره عند الدرجة المناسبة من 30 حتي 90 درجة تقريباً
خامساً : زرار السرعة speed وهي من 400-1000 دورة
سادساً : زرار الغسل المبدئي prewash وده لغسل الملابس بالماء فقط قبل المسحوق
سابعاً : زرار الشطف الاضافي Extra rinse وده لزيادة شطف الهدوم مرة اخري بعد غسيلها
ثامناً : زرار المكواه .. عشان الهدوم ماتتكسرش Easy ironing
وفي النهاية بتضغط علي كلمة Start الموجوده في البكرة اللي بتلف .. بعد ما تكون افلت الباب كويس جداً
وبكده الغسالة تكون اشتغلت
وهو بيكتب ليك وقت البرنامج في الشاشة .. حسب البرنامج والحمولة بتاعتك
وفي نهاية الغسلة بيجي علي الشاشة كلمة end مصحوبة بالموسيقي
وماتنس تراجع الكاتالوج اللي بيجي معاها
وبالتوفيق
وأتمنى أكون أفدتك ... تحياتي ،
ارجو زيارتي على موقعي وانشاء الله اكون افدتك
http://*************.lamuntada.com/
برنامج غسالة اوتوماتك ويت ويل
