شئ غريب فى جهاز شحن بطاريات

[KHALED15486]

مبدئياً الفكرة كانت ازاى اخلى جهاز ال UPS يشتغل فترة كبيرة ومع البحث اكتشفت ان تزويد ال UPS بالبطاريات هخلية بشتغل فترة اكبر لكن دائرة الشاحن فى ال UPS ممكن تبوظ بسبب زيادة البطاريات (زيادة الامبير) فدورت على بديل ومن كام يوم كنت فى التحرير (مصر) سألت فى المحلات على حاجة تشحن البطارية خارج ال UPS وفى محل منهم قالى موجود جهاز بيشحن وبيشتغل محول فى نفس الوقت ل (6/9/12/18 فولت) اشتريت الجهاز وبعد ما مشيت قرأت اللى مكتوب على العلبة لاقيت مكتوب عليه
the rotary selector for choice of 4 voltages(6v/9v/12v/18v) with any currents not more than 3000mA
مكنتش عارف هل السطر دة يقصد ان الاستخدام ميكونش اعلى من 3 امبير للاستخدامة كمحول ولا لاستخدامة كشاحن ؟ رجعت سألت الراجل اللى فى المحل قالى تشغلة لحد 3 امبير اذا كنت بتستخدمة محول وكشحن ممكن يشحن بطاريات 10 امبير , بصراحة مقتنعتش بكلامة وحسيت ان بيقول كلام تجارى (كلام بياعين) بس لاقيتة كمحول ممكن يفيدنى فى استخدامات تانية وسؤالى الاول هل الجهاز دة يقدر يشحن بطارية 7 امبير 12فولت ولا مينفعش اشحن بطاريات اعلى من 3 امبير؟
صور للجهاز اللى اشتريتة :











المفاجئة الغريبة اوى انى الحمدلله قبل ما استخدمة جبت الافوميتر وحبيت اعرف هو بيطلع كم فولت فى كل حالة (شحن او محول) لاقيت ان فى حالة المحول ال 18فولت بتطلع فى متوسط 26 فولت وفى حالة الشحن ال 18فولت بتطلع فى متوسط ال 18فولت ؟؟؟؟؟ هل دة مشكلة فى التوصيلات داخل الجهاز ولاانا اللى فاهم غلط ؟؟ ولو المشكلة فى التوصيلات افكة وابدل اماكن اللمبات فى الواجهة وامكان المفتاح علشان العملية تبقى للشحن 18 ل 26 والمحول 18 ل 18 ؟


والصور هتوضح اكتر
فى الصورة التالية المفروض انى مشغل الجهاز على وضع الشحن (معلوماتى الشخصية ان اغلب الاجهزة الالكترونية ترمز للشحن باللون الاحمر ولكن فى الجهاز اللون الاخضر O.o )


فى الصورةالتالية الجهاز فى وضع المحول ورغم ذلك فالاشارة الحمراء هى اشارة المحول O.o


مما سبق اعتقد ان المشكلة خطأ فى تقفيل الجهاز , لكن انا بسأل هل انا فاهم حاج غلط قبل البدأ فى فك الجهاز وتغير اماكن اللمبات وعدل اتجاه المفتاح ؟؟

[dmostafa]

السلام عليكم

الجهاز على حالتة وكما تصف فى وضع سليم

بخصوص عملية شحنة لبطارية 12 فولت 7 امبير نعم يستطيع وذلك فى خلال ساعتين ونصف تقريبا

[KHALED15486]

المشاركة الأصلية كتبت بواسطة dmostafa

السلام عليكم

الجهاز على حالتة وكما تصف فى وضع سليم

بخصوص عملية شحنة لبطارية 12 فولت 7 امبير نعم يستطيع وذلك فى خلال ساعتين ونصف تقريبا

شكراُ لمتابعتك

بس ازاى يكون يكون فى وضع سليم ؟
لو حضرتك تقصد الخرج فى كل حالة , فعلاًً الخرج سليم لكن الخرج بناء على اللى مكتوب علية غلط

مثلا:
الجهاز فى حالة المحول بيخرج ال 18 ل لاكتر من 25 فولت ؟ فى حين انه فى حالة الشحن بيخرج 18 فولت

اعتقد ان المفروض يكون العكس ؟

ان لم اكن اخطأ فشحن البطارية هو من يحتاج لفولت اعلى وليس الاجهزة التى تستخدم المحول

[dmostafa]

لا ما تقيسه على الجهاز هو السليم

فى حالة انه يعمل كمحول لابد ان يكون الخرج اعلى من المكتوب عليه وذلك لان هذا الخرج يكون فى حالة عدم التحميل ولكن اذا حملت الجهاز بحمل مساوى للمكتوب على مفتاح اختيار الفولت ستجد بالقياس ان الخرج مساوى تقريبا لما هو مكتوب

اما فى حالة انه يستخدم كشاحن ففعلا ستجد ان الخرج بالقياس بدون تحميل كما هو مكتوب عليه وذلك لان فى حالة استخدامة كشاحن يتم اخذ خرج المحول وعمل توحيد للفولت بدون استخدام مكثف للتنعيم

[KHALED15486]

المشاركة الأصلية كتبت بواسطة dmostafa

فى حالة انه يعمل كمحول لابد ان يكون الخرج اعلى من المكتوب عليه وذلك لان هذا الخرج يكون فى حالة عدم التحميل ولكن اذا حملت الجهاز بحمل مساوى للمكتوب على مفتاح اختيار الفولت ستجد بالقياس ان الخرج مساوى تقريبا لما هو مكتوب

لم ارى فى حياتى محول يخرج قيمة اعلى من المكتوبة بدرجة عالية كما تقول (الا اذا كانت زيادة نسبية 0.5~1.0 فولت مثلا وليست كما هو الحال الان {18 فولت = 26 فولت})
جربت قياس محولات مختلفة عندى تستخدم لتشغيل شاشة LCD و الروتر ومحولات اخرى تنتج خرج DC كلها تخرج نفس الخرج المكتوب على المحول فى حال ان كان هناك حمل او لا


ومع ذلك جربت اللى حضرتك قولتو , بس تجنباً للخسائر اللى ممكن تحصل ,استخدمت مروحة كمبيوتر تعمل على 12 فولت وجربتها على الجهاز فى وضع 12 فولت كمحول وكان الجهد اثناء تشغيل المروحة 17.7فولت مما ادى لارتفاع شديد فى حرارة المروحة وسرعتها عن الطبيعى
وكررت التجربة مرة اخرى فى حال وضع الجهاز كشاحن 12فولت على نفس المروحة المروحة عملت بشكل جيد وكان القياس ثابت كما هو مكتوب 12فولت

وجبت نفس الوضع لتشغيل لمبة LED كبيرة كانت فى احد الاجهزة القديمة تعمل على 12 فولت جربتها الاول فى وضع الشاحن اشتغلت عادى وجربتها فى وضع المحول احترقت .

وجربت مرة اخرى على 9 فولت لتشغيل رواتر فى وضع الشاحن , وتم عمل الروتر بشكل جيد وكان الضغط ثابت 9 فولت

من الواضح ان المشكلة ان المفتاح واللمبات تشير الى عكس العمليات.

[Omarold77]

السلام عليكم و رحمة الله وبركاته

أخي الكريم هذا النوع الصيني من الشواحن غالبا ما يكون غير دقيق و لو فتحت الشاحن لرأيت بعينك ما أقصد , كان الأحرى بك أن تشتري شاحن مخصص لشحن البطاريات و من نوعية جيدة , غالبا تفتقر هذه الشواحن لدائرة تنظيم الفولت و التيار , و بما أنك اشتريتها و أنتهى الأمر أنصحك بعمل دائرة تنظيم شحن و تستخدمها مع هذا الشاحن عسى أن تعوض خسارتك .
وفي هذا الرابط تجد دائرة رائعة للأستاذ الفاضل فكر وعلم تستطيع أستخدامها
http://www.qariya.com/vb/showthread.php?t=116587
تقبل تقديري و أحترامي

[KHALED15486]

المشاركة الأصلية كتبت بواسطة Omarold77

السلام عليكم و رحمة الله وبركاته

أخي الكريم هذا النوع الصيني من الشواحن غالبا ما يكون غير دقيق و لو فتحت الشاحن لرأيت بعينك ما أقصد , كان الأحرى بك أن تشتري شاحن مخصص لشحن البطاريات و من نوعية جيدة , غالبا تفتقر هذه الشواحن لدائرة تنظيم الفولت و التيار , و بما أنك اشتريتها و أنتهى الأمر أنصحك بعمل دائرة تنظيم شحن و تستخدمها مع هذا الشاحن عسى أن تعوض خسارتك .
وفي هذا الرابط تجد دائرة رائعة للأستاذ الفاضل فكر وعلم تستطيع أستخدامها
http://www.qariya.com/vb/showthread.php?t=116587
تقبل تقديري و أحترامي

شكراً لمتابعتك
هو فعلاً انا فتحت الشاحن وعارف ان الصينى ومكوناتة بسيطة ولا تعتمد على الدقة ولكن لما سألت على المنتجات عالية الجودة زى اللى فى النخلى مثلا وجدت اسعارها خرافية بالنسبة للهدف اللى انا عايزة(مجرد فكرة شحن البطارية اضافية خارجية للحفاظ على جهاز الUPS من شحن عدد من البطاريات معاً)

وشكراً على رابط الدائرة , بس انا مش عايز تكلفة اضافة فى النهاية الفكرة بالكامل مجرد تجربة (فضول ) , وخاصة انى مش هقدر انفذها لان فيها بعض الرموز مش فاهمها

كل ما اريدة من هذا الموضوع حالياً هو هل معلوماتى صحيحة بان العملية معكوسة فى هذا الجهاز اللى اشتريتة بسبب غلط فى التقفيل ولا انا اللى غلط ؟


وحالياً مسحت كلمة Charger وAdapter من على واجهة الجهاز وعكستهم وفتحت الجهاز وقلبت المفتاح خليتة يشاور على Charger بدل Adapter والعكس
علشان لما يكون على Adapter يطلع الخرج 12 فولت مثلا = 12
ولما يكون شاحن يخرج 12فولت مثلا =17 او الخرج الاعلى من المكتوب على الجهاز عامة .


يعنى انا على حسب معلوماتى الفنية :
ان لما يكون مثلا 12فولت بتخرج 12 فولت فكدة يبقى محول
وان لما يكون مثلا 12فولت بتخرج 14 او 17 مثلا فكدة يبقى شاحن
هل كمعلومات مبدئية انا صح ولا غلط ؟

[dmostafa]

أخى لقد جاوبتك وطلبت منى التفسير وفسرت لك لماذا يحدث هذا واكرر التفسير مرة اخرى بطريقة اخرى

تقول 12 فولت بيخرجوا سليم فى حالة الشاحن ويرتفعوا الى 17 فولت فى حالة المحول .. اقول لك اليس المحول الداخلى واحد ؟ فكيف على نفس الوضع يكون 12 فى حالة و 17 فى حالة اخرى ؟ كان من المنطقى ان يكون الخرج واحد على نفس الوضع سواء فى وضع الشاحن او وضع المحول

لو اشتريت محول عادى من السوق خرجة 12 فولت متردد وقمت بقياسهم ستجدهم فعلا 12 فولت دون زيادة ولكن عند استخدام هذا المحول لتشغيل دائرة الكترونية لابد من توحيد الجهد 12 الخارج منه بواسطة دائرة توحيد موجة كاملة لو قمت بقياس الخرج بعد دائرة التوحيد بدون حمل ستجده حوالى 17 فولت وهذة الزيادة لها تفسير علمى مبنى على معادلات رياضية مشروحة بمواضيع عديدة بالقرية