[egypt_tiger]

السلام عليكم ورحمة الله

طلب من مهندسينا الكبار اخوكم مبتدء جدا وعايز خبراتكم الكبيرة في مشروع مش عارف انفذه ازاي

عايز اوصل مجموعه ليدات في مربع متر في مثر وهيكون مغطي بالفبر بمعني ادق فبر او زجاج لانه هيكون ارضيه بي انا محتاج اليدات تعمل اشكال والون مختلفه بانتظام لاني هعمل اكثر من مربع جنب بعض بالظبط شكل مسرح الافراح المضئ اللي في الفيديو دا

عايز اعرف ايه الادوات المطلوبه او لو فيه دايرة جاهزه تتحكم في هذا العدد الكبير من الليدات
ومعلش عتقل عليكم اكتر ومنين اجيبها وتقريبا في حدود كام

اتمنى الرد من مهندسنا الكبار وشكرا

[egypt_tiger]

هو الموضوع صعب قوي للدرجة دي ؟

انا متاكد ان عندنا مهندسين كبار والموضوع دا سهل جدا بالنسبه ليهم

حتي لو الشرح صعب ممكن الي يقدر ينفذ المشروع يقولي هيتكلف كام

[مصطفى جمعه]

المشروع مش صعب ولا حاجه هو فى غايه السهوله
ولكن اولا انت هتستخدم ليدات عاديه ولا هتستعمل ( لمبه )
وكم سيكون عددها تقريبا ؟؟
وهل لديك خبره فى المايكروكنترولر ؟؟؟
وانت منين بالظبط علشان اقدر اقولك على المكان اللى هتلاقى فيه ما تريد باذن الله

[egypt_tiger]

اقتباس المشاركة الأصلية كتبت بواسطة مصطفى جمعه المشروع مش صعب ولا حاجه هو فى غايه السهوله ولكن اولا انت هتستخدم ليدات عاديه ولا هتستعمل ( لمبه ) وكم سيكون عددها تقريبا ؟؟ وهل لديك خبره فى المايكروكنترولر ؟؟؟ وانت منين بالظبط علشان اقدر اقولك على المكان اللى هتلاقى فيه ما تريد باذن الله

شكرا مهندسي الكبير
بالنسبة للسؤال الاول اذا كانت ليدات او لمبات مش هتفرق كتير معايا انا عايز اضائة كويسه وفي نفس الوقت السعر الاوفر بس كمان انا محتاجها اكثر من لون يعني كل مربع يعمل مثلا اربع او خمس الوان ورا بعض وعلي ما اعتقد ان الليدات هي اللي فيها الامكانيه دي

السؤال الثاني للاسف لا انا شغال في صيانة المازر بورد والكمبيوتر وعندي المبرمجه شحن البيوس
وانا من الشرقية
منتظر رد حضرتك

[مصطفى جمعه]

اذا فهى الليدات وفيه فعلا ليدات تستطيع ان تضئ اكثر من لون وتصل ل 5 الوان
المشكله كلها هتكون فى الدائره اللى هتقدر تقوم بتشغيل الليدات
انا بقول مشكله لان ليس لديك خبره فى مجال المايكرو لهذا امامك حل من ال 2
الاول ان تقوم انت بصنعها ولا يوجد اى مشكله سنحاول ان نساعدك بشرح تفصيلى ونخبرك اين تجد المكونات وطريقه تركيبها وخبرتك فى مجال صيانه الكمبيوتر والمازربورد هتساعدك كتير جداا نظرا لمعرفتك بالقطع الالكترونيه واللحام وما شابه
الطريقه الثانيه ان تقوم بشراء الدائره جاهزه وفى تلك الحاله بامكانى ان اخبرك اين يمكن ان تشتريها
اختار اللى يناسبك وانا تحت امرك

[egypt_tiger]

اقتباس المشاركة الأصلية كتبت بواسطة مصطفى جمعه اذا فهى الليدات وفيه فعلا ليدات تستطيع ان تضئ اكثر من لون وتصل ل 5 الوان المشكله كلها هتكون فى الدائره اللى هتقدر تقوم بتشغيل الليدات انا بقول مشكله لان ليس لديك خبره فى مجال المايكرو لهذا امامك حل من ال 2 الاول ان تقوم انت بصنعها ولا يوجد اى مشكله سنحاول ان نساعدك بشرح تفصيلى ونخبرك اين تجد المكونات وطريقه تركيبها وخبرتك فى مجال صيانه الكمبيوتر والمازربورد هتساعدك كتير جداا نظرا لمعرفتك بالقطع الالكترونيه واللحام وما شابه الطريقه الثانيه ان تقوم بشراء الدائره جاهزه وفى تلك الحاله بامكانى ان اخبرك اين يمكن ان تشتريها اختار اللى يناسبك وانا تحت امرك

والله انا مش عارف اشكرك ازاي يا اسثاذ مصطفي بس دا عهدي دائما بمنتدي القرية الالكترونية ان كل مهندسيه ناس افاضل ومحترمين

بالنسبة للدائرة معلش هتعبك ممكن تقولي منين اشتريها وتقريبا تمنها كام ؟ وازاي انفذها ومكوناتها ايه ومنين بالظبط حتي لو مقدرتش انفذها او لقيت ان شراها جاهز اوفر يبقي استفدت حاجه مكنتش اعرفها

وللمرة المليون شكرا جدا علي تعبك ومجهودك معايا

[مصطفى جمعه]

لا شكر على واجب .........
بخصوص مكونات الدائره فهتكون اولا مجموعه ليدات على حسب عدد الليدات اللى هتحتاج تستخدمها وهتشوف محتاج الليدات كام لون فيه 1 لون حتى 6 لون
ملحوظه كل ما تقلل عدد الالوان فى الليد هيكون افضل للمراحل الاخرى
اذا المكونات مره اخرى .
الليدات
مقاومات
مكثف
بيك 16f877a
قطعه نحاس متر فى متر ( لها بديل اذا لم تريد وضع نحاس اسفل الارضيه )
ده كده تقريبا معظم المكونات المطلوبه او اهم المكونات حاليا
بخصوص اماكن شراءها متوفره وبكثره فى القاهره فى باب اللوق
واذا وجد عندك اى محل الكترونيات يبقى هتلاقى فيه القطع ده
بخصوص شراء الدائره هرسل لك رساله على الخاص فيها رقم شركه ماتريكس للالكترونيات هتتصل بيهم وتقولهم انك من طرف مصطفى جمعه وهيقدروا يساعدوك بخصوص سعر الدائره وانا اتوقع ان سعرها مش هيكون غالى وخصوصا ان الشركه لسه جديده وعامله عروض كويسه جداا

[عبدالفتاح حبيب]

اريد البرنامج الخاص بهذا المشروع الخاص بكل البورتات الخاصة بالبك رقم 16f877aالخاصة بالفيديو المعروض