[wahmed_73]

عندى مشكلة فى 4 اجهزة مازربورد msi 865 وراكب عليها كارت شاشة خارجى msi 128 5200
والرامات 512 بروسيسور 3G/2M CACH- LGA وبشتغلوا فى سيبر ولما بيشغلوا الالعاب الكبيرة الجهاز بيرستت وجربت اغير الرامات وكروت الشاشة ومفيش فايدة - غيرت الباور سبلاى اشتغلت الاجهزة كويس لمدة ايام وترجع تانى المشكلة وغيرت الباور تانى واتكرر نفس السيناريو - ونزلت نسخ ويندوز مختلفة ونسخ العاب اصلية ومفيش فايدة - وبالمناسبة الاجهزة جديدة مش قديمة قوى . انا حاسس ان المشكلة دى حصلت مع ناس كتير بسبب البروسيسور الـ LGA افيدونا لان حالى واقف ومش عارف اشتغل

[hariedy]

مشكلتك فى البور صبلاى ان شاء الله ، لكن من سواء حظك انك كنت بتشترى البور صبلاى البديل من الانواع الرديئة المنتشرة فى الاسواق اللى هى يادوب بتشتغل كام ساعة فى اليوم ، لكن انت متنساش انك محل
والطبيعى انك بتشغل الجهاز على الاقل 12 ساعة متواصلة .
اشترى بور صبلاى من انواع افضل ( اوميجا ) فهو الافضل لطبيعة عملك وسعره حوالى 65 جنيه مصرى
ولا تنسى ان الاتربة لانك محل تعيق من دوران مروحة البور صبلاى مما يؤثر على التبريد الخاص به
وطبعا ده ليه التاثير الاكبر على عمره الافتراضى .
والله اعلم

[amged]

بسم الله
السلام عليكم ورحمه الله وبركاته
جزاك الله خيرا اخى الفاضل مصطفى لم تدع موضوع الا وسبقت بالرد عليه زادك الله من علمه
احب ان اضيف الى استاذى الفاضل ان هذه المشكله حدث مع احد اصدقائى وكان العيب بسبب الفنات
حاول اخى العزيز التاكد من الفان طبعا بعد التاكد من صحه البور
والله اعلى واعلم

[waelcrazynet]

قم بشراء بور صبلاى جيد خاصة ان الانواع الموجودة بالسوق رديئة الى حد ما وتاكد من ان الهارد ليس بة بادسيكتور او فيروس يجعل الجهاز يقوم بعملية الريستارت كذلك تاكد من التبريد الخاص بالبروسيسور فارتفاع درجة حرارة البروسيسور وعدم تبريدة بالدرجة الكافية احد العوامل الرئيسية فى تهنيج الجهاز وعمل restart

[مهندس منعم]

بسم الله
حول تجيب بور صبلاى مستعمل تجرب علية بدل ما تشترى
اخوك منعم

[mohammedhagag]

تبريد بروسيسور + بور سبلاى جيد = حل المشكلة