انا اعمل فى صيانة دوائر الصوت اضطررت لتعلم ذلك نظرا لانى مهندس صوت و ده شئ مكمل لعملى
انا الحمد لله الى حد كبير باصلح 80% من دوائر الصوت الى بتجيلى
لكن احيانا بتقف معى بعض العيوب
لى طلبين و عدة اسئلة
الطلب هو :
محاولة لفهم دايرة الصوت و مراحل الصوت من اول ما بيدخل الى الخروج بس بشرح مبسط يراعى ان فيه مبتدئين هيستفادو و محتاجين الموضوع
الاسئلة
السؤال الأول:
هناك دوائر صوت بتعتمد على اي سيهات متكاملة و دى غالبا بتكون خاصة بالصبووفر بتاع اجهزة الكمبيوتر يعنى الحجات البسيطة الى ما عليهاش حمل كبير يعنى دوائر الصوت الصغيرة الخارج 10 او 20 او 50 وات
هل من الممكن بناء دايرة صوت قوية فوق 100 وات و تستحمل شغل المساجد من مثل هذه الدوائر ؟؟
السؤال الثانى:
اما دوائر الصوت الكبيرة فوق 100 وات و انت طالع فاحيانا بتبقى على كرتة صوت مدمج معها 4 ترانزيستور باور 2SC5200 زى الى فى الصورة
و احيان اخرى دوائر الصوت الى بتستحمل ضغط عالى معانا فى المساجد مثلا فى مصر بتبقى انتاج هندى و دى دايرتها مختلفة شوية بيبقى فيه دايرة باور و ميكسر 4 مدخل و كرتة صوت بتاخد من الميكسر و بتبقى مربوطة فى المرحلة التالية بمحول بيطلع عدة اطراف لخرج 4 اوم و 8 و 16 اوم و بعد هذا الملف بيبقى مربوط معاه ترانزيستورات باور 2N3055 غالبا زى ده
عاوز افهم ايه الفرق بين الفكرتين دول الدوائر الى بتستخدم ملفات قبل ترانزيستور باور و الدوائر الى بتستخدم الترانزيستور باور بدون ملفات تحويل
السؤال الثالث:
محتاج ابنى دايرة صوت قوية و تستحمل يعنى تعدى 150 وات و ما تكونش معقدة علشان احيان كتير بيبقى عندى مكبر صوت دايرتة رايحة فى داهية و كتير من مكوناتها محروقة و مش معروف قيمها عاوز استفيد من دايرة الباور و الميكس و البودى بتاع المكنة و اركب عليها مكبر صوت مناسب احل بيه المشكلة
حد هيقولى ادخل قسم جوائر الصوت فى القرية انا غربلت كل ما يتعلق بالصوت و محتاج مساعدتكم
سؤال اخير:
هل يمكن استخدام دايرة باور سبلاى كمبيوتر كدايرة باور لمكبر صوت و ليه دايما مكبرات الصوت الكبيرة بتعتمد على محول ثم قنطرة توحيد و مش بتعتمد على فكرة الباور سبلاى زى الى فى الكمبيوتر و غيره؟
محاولة لفهم دوائر الصوت .. هل من مساعد؟
