هذه اولى تجاربى فى صناعة اول بوردة لى و لى عدة ملاحظات اعتقد انها ستختصر الطريق على المبتدئين
الملاحظة الاولى
ما يبدو لك مستحيلا و صعبا و غير ممكن المنال ستكتشف بعد التجربة كم كنت ساذجا انك لم تخطو هذه الخطوة من زمن
الملاحظة الثانية
انصح كل مبتدئ ان يبدأ اولا فى احتراف طباعة البوردات pcb و لا يبدأ كما بدات بالبوردات الجاهزة التخريم
ابدأ باحتراف و امتلاك ادوات طباعة البوردة اولا اختصارا للوقت و الجهد و المال لان احتراف طباعة البوردات اسهل مما تتخيل كما انه اسهل بكثيييييييير من محاولة تنفيذ مشروعك على بوردة جاهزة التخريم خاصة لو كانت بوردة مليئة بالمكونات كما انه يفتح امامك افاق جديدة و يوسع من دوائر اخيارك لمشاريعك و يهبك الثقة مع الجودة
الملاحظة الثالثة
سهولة خطوات طباعة البوردة بشكل حقيقي مع التجربة الفعلية فقط انت تحتاج الى التالى
1- الى رسم و ما اكثر المواقع التى تقدم هذه الخدمة منها قريتنا العزيزة صاحبة الفضل على الكثيرين
2- بوردة مصمطة بدون تخريم تباع هنا فى مصر بمقاسات مختلفة تبدا بـ 3 جنيها عند محلات بيع الاليكترونيات
3- طباعة الرسم على ورق كلك طباعة على طابعة ليزر على ورق كلك او ورق ما بيشربش حبر الطباعة
4- نقل حبر الطباعة من ورق الكلك على البوردة بطريقة التسخين بمكواة الملابس بتنظف البوردة جيدا و لا تلمس سطحها باصابعك و بعدها بتحط الرسم على البوردة مع تثبيت ورق الرسم بشكل جيد علشان ما يتحركش اثناء التسخين و بتكوى الورقة بلمدة 5 دقائق تقريبا كانك بتكوى بنطلون
5- اترك البوردة لتبرد تماما ثم ضع البوردة فى ماء لمدة كافية علشان الورق يبوش و ابدا فى ازالة الورق باصابع اليد فقط و بشكل غير عنيف و اهتم بازالة الورق من الاماكن التى تريد ان تزيل النحاس منها يعنى الاماكن الخالية من الحبر
6- اشترى قلم دوكو ثمنة فى مصر 5 جنية اسود يفضل يكون سنه رفيع لترقيع الاماكن الخفيفة الحبر او المسارات المتقطعة او ممكن بقلم كوريكتور بـ3 جنيه لكن قلم الدوكو افضل لان الكوريكتور بيفرش فى البوردة
7- وضع البوردة مادة ازالة النحاس (كلوريد الحديدوز) بتتباع عند بتوع الاليكترونيات انا اشتريت اللتر بـ15 جنيه لونها مائل برتقالى و دى مركزة انا لاحظت ملاحظة مهمة ان وقت ازالة النحاس الغير مرغوب فيه مرهون بتركيز المادة لو لونها مائل للبرتقالى مثلا و حطيت كمية صغيرة هتشيل نص النحاس الى فى البوردة لكن لو وضعت مثلا 150 ملى او 200 ملى بما يعادل كوب شاى او كوب عصير ى 5 او 10 دقايق هيزيل النحاس الغير مرغوب فيه
هناك طرق موجودة فى القرية لتحضسر هذه المادة تقدرو ترجعولها
8- مرحلة تخريم البوردة هناك شنيور متخصص فى تخريم البوردة و رخيص مش الى يجب ان تمتلكه او لو عندك شنيور او حتى هيلتى او اى اله ثقب ساقو م بوضع طريقتى المبتكرة لتخريم البوردة عن طريق هيلتى الى هو الشنيور الكبير و هى طريقة فعالة جدا و محتاج ايضا بونطة 1 و 2 و 3 مم حدادى
انا بخرم معظم الدايرة ببونطة 2م لكن بعض الاماكن بتحتاج 1م و البعض الاخر 3م لكن فى الغالب باستخدم 2م لانها ماسكة نفسها عن 1م لانها بتتكسر بسرعة خاصة مع الشنيور الكبير مش بتستحمل
الملحوظة الرابعة
طريقة مبتكرة مصرية 100% مش عارف حد قبلى ذكرها و لا لا لتخريم اى بوردة بالشنيور العادى او حتى الشنيور الكبير الهيلتى
الطريقة انى ربطت الشنيور بحبل من الكتان فى اعلى سرير اولادى الى بدورين ربط الشنيور فى المولل بتاعة السرير العلوى و ظبطت الارتفاع بحيث يكون سن البونطة على البوردة و ده تقدر تظبطى بانك تظبط مقاس البونطة داخل الشنيور نفسه بعد ربط الحبل بحيث يبقى على اول البوردة انا دورت على سوستة اركبها هيكون الوضع اسهل
بدات اخرم فى بوردة تجريبية الاول لقيت الموضوع سهل جدا اكنك اشتريت مثقاب زى الى عند الجماعة الحدادين و بتوع الالويمتال و الخراطين الصورة هتوضح الطريقة
طيب الى ما عندوش سرير يقدر يجى اعلى باب اى غرفة و يدق مسمار كبير يستحمل وزن الشنيور او اى حتة مرتفعة مثلا الجانش بتاع النجفة مثلا و يحط ترابيزة تحت الشنيور و يشتغل
الصورة توضح الطريقة البسيطة لتحويل الشنيور العادى او الكبير الى آلة ثقب البوردات
و دى اول بوردتين اعملهم بكل سهولة
تجربتى الاولى لطباعة اول بوردة pcb و ملاحظات هامة للمبتدئين
