[amer edward]

تحياتى يا جماعة
انا من زمان بحب مجال الالكترونيات والميكرونترولر والروبوتات
وكان عندى مشكلة بتعجزنى كل ما احاول ادخل المجال ده بقوة ... مشكلتى هى المكونات او زى ما بسيميها اهل الاختصاص الكومبونانت
كان الاول عندى مشكلة فى الهياكل بس بقيت اصنعها فى البيت من الخشب الطبى هو مش قد كده بس اهو يمشى الغرض لكن عنى مشكلة فى الحصول على التروس وبعض الاطارات ... الخ
فسؤالى هو منين اجيب التروس البلاستيك والاطارات بانواعها وتكون رخيصة على قد الايد ؟
وبلاش حد يقولى انى اجيبهم من لعب قديمة لان الخيار ده مش متاح ليا لانى مش عارف طريق اللعب القديمة او المكسرة وغير كده ممكن ملقيش فى كل اللعب المكسرة الجزء اللى انا محتاجه
افيدونى يا رجالة وليكم الاجر والثواب
تحياتى

[zamalkawi]

ممكن تشتري من على الإنترنت، حتلاقي كل حاجة، بس ممكن تكون غالية شوية، خصوصا لما تضيف الشحن والجمارك

[amer edward]

ما هو ده المشكلة ... النكلفة العالية

[mar7aba_01]

اقتباس المشاركة الأصلية كتبت بواسطة amer edward ما هو ده المشكلة ... النكلفة العالية

إبحث عن الألات الميكانيكية المستعملة مثل قارئ أشرطة الفيديو القديمة ,

[amer edward]

فكرة حلوة موضوع الفيديو القديم ده ... ممكن يوفرلى التروس والسيور والمواتير ... طيب حد عنده حل للاطارات ... هل فى مكان بيبيعه ويكون سعره معقول

[عريبى محمود]

السلام عليكم ورحمة الله وبركاته
----------------------------------
اخى الكريم
الموضوع ده يتوقف على مكان سكنك
فى كل مدينه يوجد سوق يباع فيه خرده المدينه ويخصص له مكان معين ووقت معين
وفى القاهرة يوجد فيه سوق فى الامام الشافعى عند السيده عائشة سوق معروف جدا جدا سوف تجد فيه كل ما تشتهى الانفس وتلذ الاعين بس انت تلاحق عليه
فى المشاهدة فقط
اما الجديد منه فانه غالى جدا وخاصة الروبوتات عند محل رام وعتد محل الامير
امام وكالة انباء الشرق الاوسط بالقاهرة بباب اللوق بعد ميدان التحرير

[amer edward]

شكرا اخى الكريم عريبى محمود
انت فعلا لفت انتباهى لسوق السيدة عائشة
تحياتى يا عزيزى

[عريبى محمود]

اقتباس المشاركة الأصلية كتبت بواسطة amer edward شكرا اخى الكريم عريبى محمود انت فعلا لفت انتباهى لسوق السيدة عائشة تحياتى يا عزيزى

السلام عليكم ورحمة الله وبركاته
---------------------------------
اخى
بس مش من اول مرة سوف تجد مبتغاك (ما تريده )