[samihanwar]

ألحقونى ؟شعله السخان الغاز بتجيب ميه ؟!!!!!
وبالتالى مش عايز يشتغل وكل ماأنشفها من الميه اللى فيها يشتغل حلو لغايه مالميه تيجي فيها تانى وتسدها
يا ترى أصلحو ازاى والعيب كده من ايه؟
أرجو الرد بأسرع وقت
ولكم جزيل الشكر
هو صحيح نوعو 360 مصانع

[samihanwar]

ولا رد
ليه بس كده

[ahmed nafee]

المياه تتساقط من السربنتينة الموجودة أعلى الشعله
غالباً المياه تتسرب من السربنتينة لسبب ما
1 - ثقب مواسير السربنتينة
2- عدم إحكام ربط مواسير دخول وخروج المياه للسربنتينة

[samihanwar]

شكرا جزيلا للرد
بس أنا متأكد ان الشعله الصغيره هى اللى بتجيب ميه وبتالى بتطع على النار اللى فيها وتطفيها وتلاقى الميه بتنقط من الشعله الصغيره المسؤوله عن عمل السخان
وانا متأكد جدا مفيش اى تسريب فى السخان غير من الشعله الصغيره بتجيب ميه
ايه الحل كده

[ahmed nafee]

إذاً ....إفحص جوان دليل الرداخ ( وهو شىء آخر خلاف جلدة أو كاوتشة الرداخ) ...
هذا الجوان يجب أن يكون محكم حول الإبرة
ويمكن تشحيم الإبرة بقليل من الشحم كحل مؤقت لمنع التسرب حولها ولحين تغيير جوان دليل الرداخ

[samihanwar]

ألف شكر للرد
بس انا السخان عندى س 7 انتاج المصانع الحربيه
ومش عارف بالظبط الدليل ده فين؟
ممكن توضحلى أكتر

[الإســناوى]

اقتباس المشاركة الأصلية كتبت بواسطة samihanwar ألف شكر للرد بس انا السخان عندى س 7 انتاج المصانع الحربيه ومش عارف بالظبط الدليل ده فين؟ ممكن توضحلى أكتر

فك الرداخ( وش الرداخ) .. وأرفع الجوان من مكانه .. راح تلاقى وش صاج خلف جلدة الرداخ اسحبه بالراحة راح تلاقى عمود البيرينج أو الإبرة كما ذكرها الأخ العضو مثبتة فى وش الصاج .. المكان الذى أخرجت منه الإبرة ضع فيه بعض لشحم وقفل تانى
فهذا هو السبيل الوحيد لإلتقاء دائرة الماء مع دائرة الغاز

[samihanwar]

شكرا جزيلا للرد
أنا هجرب اللى قولتولى عليه
وبشكركم جدا للمشاركه
بس فى سؤال :
هو ده السبب الوحيد اللى يخلى الميه تدخل فى الشعله الصغيره؟
أصل فكيتو وشيلت جلده الرداخ وعملت اللى قولتولى عليه بس مجاش فى دماغى خالص ان العيب من الابره؟ أصل هى محكمه ومفيش بوش فيها.
أصل مكان المفتاح اللى بعلى بيه وبوطى بيه السخان فكيتو ولاقيت ان فى فجوه كبيره ناحيه اليمين من الرداخ معديه على المفتاح اللى بتعلي بيه وتوطي السخان فقلت شكلو كده هو ده العيب ؟
فأنا كده مش عارف هو تصميمو كده ولا اتاكل ؟
وأنا أسف جدا للأطاله