اول تصنيع لى pcp مطلوب المساعدة فى الرسم

[ahmedfaash]

السلام عليكم جميعا

احب ابدأ اولا بشكر كل من ساعدونى لشراء الالواح البوردة الخام ولوزام

تصنيع البوردة وانوه بالذكر المهندسين عريبى محمود mourad3d

وخصوصا المهندس عريبى محمود على مساعدته ومساندته لى

واقول لهما ربنا يزيجكم كل خير بما قدمتوه لى مساعدة

---------------------------------------------------------

ابدأ الان بهذه الدائرة الاولى لى وهى دائرة فحص المكثف لمشرفنا المهندس : نعيم

http://www.qariya.com/vb/showthread.php?t=128163&page=8

والان اريد تصنيع pcp لهذه الدائرة

فتوصلت الى هذا الشكل ببرنامج circuit wizard



وهذا رابط الدائرة نفسها

https://www.mediafire.com/?eqinescm8frtrrb

فكيف اقوم بصنع pcp نفسها ؟
---------------------------------------------------------------------------
وايضا اريد حل لمشكلة الورق الذى يستخدم فى الطباعة على البوردة الخام

لان هذا الورق غالى ثمن الورقة 10ج فهل من ورق بديل ام ان الورقة العادية الخاصة بالتصوير مثلا تصلح ؟

[emadhed]

الورق العادى ال؛ 80 جرام يصلح جدا و رائع و عن تجربة لانه سهل فى ازالته
و معظم التجارب الى انا اتفرجت عليها بتستخدمه


اهم شئ الطباعة على طابعة ليزر ذات كفائة و جودة عالية لو تقدر تطبع الدايرة مرتين يعنى بعد ما تطبعها تدخل نفس الورقة تطبعها تانى علشان كثافة الحبر انا باعمل كده و بتدى نتيجة حلوة


خلى بالك المكوى تكون حرارتها متوسطة علشان النحاس ما يففرقعش كتير من اخوانك كاتبين على اعلى درجة حرارة فى المكوى و ده خطأ و عن تجارب مش تجربة

المكوى بتكوى الورقة من 10 دقايق الى ربع ساعه

اول ما تخخلص كوى حطها مباشرة فى مية الحنفية و لمدة كافية علشان تبوش

و انت بتزيل بقايا الورق ما تدعكش البوردة جامد علشان ما تشيلش الحبر

اكمل المسارات المتقطعة بقلم من الى بيكتب على الـ cd افضل من قلم الدوكو و عن تجربة

فرغ المسارات الملتصقع بعضها ببعض بسن برجل ان وجدت

بعد ما تحط البوردة فى المحلول كل 5 دقايق روح رجها


الرابط ده هيفيدك
http://construyasuvideorockola.com/f...mpresos_01.php
ادخل على الرابط بجوجل كروم و اختار ترجمة الى الانجليزية

ده فيديو رائع جدا

اى سؤال انا معاك

[mourad3d]

وعليكم السلام
بارك الله فيك ولا شكر على واجب
انت بعد ما ترسم layout على circuit wizard
هتطبعها على الورق ويكون حبرها تقيل كما قيل لك فى المشاركة السابقة
هتجيب سلك مواعين وتدعك بها البورده جيدا حتى تلمع معاك زى الدهب
ضع الرسمه على البورده وبدرجة حرارة معقوله اكوى البورده من عشر لربع ساعة وانا رائى افضل من الكوى انك تضغط جامد بالمكاواه على البورده وممكن فيما بعد تعمل مكبس يضغط بالمكاواه على البورده حتى يتم طباعة الرسمه كامله تماما
اترك البورده تبرد تماما قبل وضعها فى الماء حتى لا تسبب فى فرقعه المسارات
اتركها فى الماء حتى يبوش ويفك الورق بشكل سلس وسهل وممكن فيما بعد تستخدم الورق الجلوسى او اى نوع ورق يكون سطحه ناعم

بعد نزع الورق تمام تاكد من المسارات على البورده وهات قلم دكوا ورسم المسارات الغير اوالناقصه واضحه بالقلم


ثم ضع البورده فى الحمض وتباعها كل ربع ساعة حتى تقوم بفصل المسارات

[ahmedfaash]

شكرا لكما كثيرا
المهندس عماد والمهندس مراد

ولكن الذى اريده الان هوه lay out الذى يكون على الورقة نفسها
وهل اقوم بقلب الرسم الناتج من البرنامج عند الطباعة
اى تكون المسارات معكوسة

ام اقوم بطباعة ال lay out كما هو خارج من البرنامج ؟

وبالنسبة لعملية بوش الورقة المهندس عماد يقول وهى ساخنة
والمهندس مراد يقول بعد ما تبرد

ايهما احسن ؟

[mourad3d]

التجربه خير برهان انت تحتاج لمزيد من التجارب للوصول لافضل النتائج

[m_khaldoun]

أخي الكريم .. شاهد هذا الفيديو العربي .. واتمنى انك تستفيد منو كما استفدت انا والحمدلله .. :

الجزء الأول :


الجزء الثاني: