مشكله طباعه فى الدائره ارجو المساعده

[m.galal]

السلام عليكم

قمت برسم دائره PcB على برنامج ايرس وطبعتها ع ورق جلوسى 180 جرام
ووضعتها ع البورده بعد الصنفره بالسلك والتنظيف وقمت بكاوى الورقه وبعد الانتهاء وضعتها ف ماء لمده 10 دقائق وبعد ذالك قمت بنزع الورقه برفق ولاكن النتيجه كانت كما ف الصوره بالاسفل فما الخطأ فى عمليه الطباعه ؟؟



حتى بعد فرك الورقه باليد وبالفرشاه يتبقى ورق مبين المسارات رقيق جدا لا يزال حتى بالفرشاه
المشكله كيف نزع الورق بين المسارات يظهر كانه ورق ولاكن رقيق جدا جدا وعند ازالته بحرف الموس ينزع ورق المسارات ويطلع معه الحبر كما فى المسارات اسفل الصوره

مع العلم المكواه درجه حرارتها عاليا جدا لان ضابط الحراره لا يعمل بها وتعطى درجه حراره كبيره وعاليه :b1 (436):
والنحاس يظهر بشكل الوان طيف كانه محرق حرق خفيف
هل السبب من درجه حراره المكواه ولا من مده الكوى بها

[ahmedfaash]

سلام عليكم

حضرتك اولا طباعتك للبوردة دى تعتبر اكتر من جيدة

اسباب عدم خروج الورقة كتيير

اولا الورقة انا عن نسى بستخدم ورق طابعة الكمبيوتر العادى 80 جرام

وثانيا بكوى بس درجة الحرارة مش زى ما انتا عملت على اقصى حاجة يعنى قبل الاخير بشوية كانك بتكوى لبس شتوى تقيل

وثالثا بضغط بالمكوى على الاطراف عشان تلزق كويس

ورابعا بعد 10 دقايق او 15 دقيقة من الكوى بسيب البوردة تبرد وبعد كده احطها فى ميه عادية واسيب الورقة تبوش براحتها واا ايدى برضو فى المية معاها بشيل الحتت اللى باشت وكده

وخامسا وده الاهم طبعا فيه حتت بتبقى زى ما انتا عامل فى الصورة مش بموس بشيلها بالابرة وكمان بكون حريص جدا وانا بشيلها

لو فيه خطوط مش مطبوعة كويس ساعتها برسمها بقلم الدوكو

واتمنى اكون افدتك

[عبدالله حجازى]

المشاركة الأصلية كتبت بواسطة m.galal

السلام عليكم

قمت برسم دائره pcb على برنامج ايرس وطبعتها ع ورق جلوسى 180 جرام
ووضعتها ع البورده بعد الصنفره بالسلك والتنظيف وقمت بكاوى الورقه وبعد الانتهاء وضعتها ف ماء لمده 10 دقائق وبعد ذالك قمت بنزع الورقه برفق ولاكن النتيجه كانت كما ف الصوره بالاسفل فما الخطأ فى عمليه الطباعه ؟؟



حتى بعد فرك الورقه باليد وبالفرشاه يتبقى ورق مبين المسارات رقيق جدا لا يزال حتى بالفرشاه
المشكله كيف نزع الورق بين المسارات يظهر كانه ورق ولاكن رقيق جدا جدا وعند ازالته بحرف الموس ينزع ورق المسارات ويطلع معه الحبر كما فى المسارات اسفل الصوره

مع العلم المكواه درجه حرارتها عاليا جدا لان ضابط الحراره لا يعمل بها وتعطى درجه حراره كبيره وعاليه :b1 (436):
والنحاس يظهر بشكل الوان طيف كانه محرق حرق خفيف
هل السبب من درجه حراره المكواه ولا من مده الكوى بها

السلام عليكم ورحمة الله


اخى الكريم ...افضل ورق تقوم بيه بالمهمة دى .. هو .. ورق اسمه كوشيه

وده ورق تحس انة عامل زى ورق المجلات ..

وطبعاا زى ما انت عارف اطبع الدائرة على ورقة كوشية .. وخلى بالك اعكس الرسمة قبل الطباعة .. وكمان قبل الطباعة خش على اعدادات الطابة وخلي جودة الطباعة 1200 .. يعنى خليها .. هاى كولتى .. وبعد ما تطبع الدائرة على الورقه ... هتجيب القطعه النحاس وسنفرها جيدااا بقطعة سلك المواعين السلك الالمونيوم العادى اللى الستات بتنظف بيه الاطباق .. نظف البوردة جيداا .. وحاول متمسكش البورد من وجهها عشان متعملش بصمة اصابعك عليها .. لان بصمة الصابع بتعمل عازل ... وبعد كدة هتسبت رسمه الدائرة الالكترونيه على قطعة النحاس وحاول تسبتها بالاصق ... ويفضل تظبط المكواة على درجة الحرارة اللى قبل الاخيرة .. يعنى تكون درجه الحراره على 5 .. وضع البورده على الارض .. ويفضل على السيراميك .. ودوس بالمكواة جيداا ومشط كل مكان فى الورقه جيداا وانت ضاغط على المكواة كويس .. مشط البورده بالمكواة حوالى 3 دقائق .. وبعد كدة هتلاحظ أن الرسمة بدأت تظهر على الورقه .. بكدة تكون ضمنت أن الرسمه اتطبعة بطريقة صحيحة .. بعد ما تخلص عملية التنشيط هتجيب قطعة قماش واضغط على البورده جيداا وهى لسه سخنه عشان تضمن أن الورقه لا صقة كويس ..
وبعدين ضع البورد فى المياة لمدة 10 دقائق ويفضل أن تكون المياة سا خنة .. وبعد مرور ال 10 دقائق .. حاول تختبر الورقه وتشيلها برفق .. والاماكن اللى مطلعتش معاك افركها تحت مياة الحنفيه .. وبكدة يكون أن شاء الله كلة تمام

تحياتى لك

عبدالله حجازى

ملحوظة لازم تكون الطابعة ليزر

[m.galal]

مشكور لاهتمامكم هشوف مكوى درجه حرارتها اقل واجرب
بالنسبه للورق انا جربت الكلك والجلوسى وكانت افضل نتائج ورق الجلوسى هجرب الكوشيه مع انى لسه شارى روزمه جلوسى