دائرة لشحن جميع البطاريات من 1 امبير الى 100 امبير

[عبدالله حجازى]

[CENTER]السلام عليكم ورحمة الله

اقدم لكم مجهود وتعب وصهرالليالى لكى احصل على النتائج والتجارب المرضيه

مع توفيق الله وبحمدة توصلت الى دائرة قمت بتصميمها وتنفيزها على ارض الواقع .. والحمد لله أن الدائرة مصممه كلياا بالمجهود الشخصى والتجارب الشاقه حتى توصلت لافضل النتائج المرضيه فضل الله ..


مواصفات الدائرة ..


هى دائرة تقوم بعملية شحن البطاريه بطريقه اتوماتيكى وفصل اتوماتيكى عند اكتمال شحن البطاريه دون أى تدخل منك ..

ميزة الدائرة انها من الممكن ان تظبط فطرة شحن البطاريه وكميه الفولت المراد تخزينه فى البطاريه ..

بمعنى لو عندك بطاريه 12 فولت 70 امبير وتريد ان تحافظ على البطاريه من مشاكل الشحن الذائد ...
الدائرة موجود فى تصميمها مقاومه متغيره .. وهذة المقاومة من خلا لها تقدر تحدد امتى البطاريه تشحن وامتى تفصل شحن ...

مثال المقاومة المتغيرة فى هذة البطاريه مظبوطه على عمليه شحن معينه .. وهى على بطاريه 12 فولت 70 امبير .. قيمة ظبط المقاومه المتغيرة هى 720 اوم وفى هذة الحاله لو البطاريه الفولت الموجود فيها اقل من 11.8 فولت هتعمل الدائرة فوراا وتبدأ فى شحن البطاريه .. وعند وصول فولت البطارية الى 12.9 فولت تفصل الدائرة عملية الشحن اتوماتيكى .. وتتكرر هذة العمليه بطرية اتوماتيكيه عند انخفاض فولت ابطاريه أو اكتمال فولت البطارية ...

مثال و جدول لظبط عمليه الشحن ....

1 _ المقاومة المتغيرة مظبوطه على 720 أوم فى هذة الحالة تشحن البطاريه لو الفولت الموجود بداخلها اقل من 11.8 فولت .. وتفصل عملية الشحن عند وصول فولت البطاريه الى 12.9 فولت ..

2 _ المقاومة مظبوطه على 850 اوم تبدأ شحن عند 11.8 فولت وتفصل عند 13.3 فولت ..

3 __ المقاومة المتغيرة مظبوطه على 950 اوم .. تبدأ عند 11.8 وتفصل شحن عند 13.6 فولت . . وهكذا ااااااااااااااالخ

ملحوظه يوجد فى الدائرة لمبتين بيان .. لمبه .. حمرة .. والثانية .. خضراء.. فايدة هذة اللمبات هى معرفة حالة الشحن .. اكتمل أو بيشحن ..

الليد الاحمر يعنى الدائرة بتشحن البطاريه .. والليد الاخضر عندما يضيق يعنى اكتمل الشحن وتم فصل التيار الكهربائى عن البطاريه ...


ملحوظة لضبط مثالى لعمليه الشحن والفصل الاتوماتيكى فى الدائرة ..

يجب أن تشحن البطاريه شحن كامل .. وتوصل دائرة الشحن مع البطاريه وتبدأ فى تحريك المقاومة المتغيرة عكس عقارب الساعة أو مع اتجاه الساعة هتلاحظ عند موضع معين للمقاومه يضيق الليد الاخضر أو الاحمر ...

طيب هنمل اية عشان نظيط الشحن المناسب للبطاريه .. كما قلت اشحن البطاريه على اخرها وركب دائرة الشحن مع البطارية وحرك المقاومة التغيرة حتى يضيق الليد الخضر وبكدة تكون ظبط الدائرة على فصل الشحن اتو ماتيكى على حالة البطاريه الممتلئة ...

ملحوظه لظبط مناسب جداا لفصل عملية الشحن حرك المقاومة ببطق شديد جداا لأن هذة العمليه يتوقف عليها زمن فصل الشحن عن البطاريه كل ما هتكون دقيق فى ظبط المقاومه كل ما هتحصل على نتائج مرضيه ..



بعد تمام عمليه تركيب الدائرة وظبط مدة الشحن .. حاول انك تقوم باستخدام البطاريه حتى ينخفق الفولت بتاع البطاريه وتابع الدائرة وهى تقوم بعملها .. وكما وضحت اللمبه الحمرة تعنى .. جارى الشحن .. واللمبة الخضرائ .. عندما تضيق مع اللمبه الحمرة أو تضيق لوحدا تعنى أن عمليت الشحن اكتملت وتم فصل التيار الكهربائى عن البطاريه



ارجو أن اكون وفقت فى توصيل المعلومة بطريقه واضحة وسهلة

وأرجو ان تنال اعجابكم بالدائرة فهى من تصميمى ووحى خيالى وليست موجودة على شبكة الانتر نت



تحياتى للجميع اخوكم

عبدالله حجازى



صورة الدائرة

_____________________

[عبدالله حجازى]

مكونات الدائرة

1 _ محول 220 فولت _ 10 امبير _ أو 5 امبير _ أو 3 امبير .. ملحوظه كلما ذاد الامبير ذادت سرعة شحن البطارية

2 _ راليه 12 فولت 7 طرف _ 2 مسار

3 _ مقاومة متغيرة 50 كيلو أو 25 أو 10 أو 5 أو 1

4 _ 1 ليد احمر و 1 ليد اخضر

5 _ زنر دايود 12.2 فولت

6 _ 4 موحد سيلكونى 6 امبير

7 _ مكثف كميائى 2200 ميكرو 25 فولت

8 _ مكثف سيراميكى 1 ميكرو 25 فولت

9 _ ترنزوستور C 8050 __ أو أى نوع يكون NPN ترنزوستور

[عبدالله حجازى]

السلام عليكم ورحمة الله

هنكمل وهنعمل بعض الاضفات على الدائره

هنضيف فى الدائرة مفتاح لختيار عملية الشحن تكون يدوى أو اتوماتيك

وهنضيف دائرة صوت انزار عند نزول فولت البطاريه لجهد معين

وهنضيف دائرة تعرف مستوى شحن البطاريه


وهيكون هناك تعديلات كثيره على هذا المشروع حتى يصبح عمل متكامل وجميل


قريبااا جدااا هنعدل على الدائرة


أرجو أن يتم تنفيز الدائرة ومستنى التعليقات

[lmouhib]

ماشاء الله متابعين معك اخي الكريم

[عريبى محمود]

السلام عليكم ورحمة الله وبركاته
---------------------------------------
اخى الكريم
لى سؤال لو سمحت اذا كان الشاحن مضبوط على 13.5 فولت كحد اعلى للشحن
ووصل جهد البطارية عند الشحن الى 13.5 وقام الشاحن بفصل البطارية بعد ان وصل الى الجهد المضبوط تماما وبعد فترة بسيطة وصل جهد البطارية الى 13.4 فولت سؤالى هل عند وصول جهد البطارية الى 13.4 فولت ماذا يحدث للشاحن؟

نسيت اقولك جهد جميل تشكر عليه جعله الله فى ميزان حساناتك

[alectron]

مشكور كتير ىاأخي الكريم عندي سؤال اذا بتريد لو سمحت إذا لم تتوفر الريلية هل ممكن استبدالها بنوع إخر واذا ممكن حدد أطراف الريلية الموجودة في دارتك مع طريقة عملها

[عبدالله حجازى]

المشاركة الأصلية كتبت بواسطة lmouhib

ماشاء الله متابعين معك اخي الكريم

مشكورر جداا اخى الكريم على الكلام الجميل دة

[عبدالله حجازى]

المشاركة الأصلية كتبت بواسطة عريبى محمود

السلام عليكم ورحمة الله وبركاته
---------------------------------------
اخى الكريم
لى سؤال لو سمحت اذا كان الشاحن مضبوط على 13.5 فولت كحد اعلى للشحن
ووصل جهد البطارية عند الشحن الى 13.5 وقام الشاحن بفصل البطارية بعد ان وصل الى الجهد المضبوط تماما وبعد فترة بسيطة وصل جهد البطارية الى 13.4 فولت سؤالى هل عند وصول جهد البطارية الى 13.4 فولت ماذا يحدث للشاحن؟

نسيت اقولك جهد جميل تشكر عليه جعله الله فى ميزان حساناتك

السلام عليكم ورحمة الله

شكراا جداا على الكلام الجميل ده وارجو الله أن اكون عند حسن ظنكم بى ...


أخى الكريم كلامك صحيح 100 % لو أنت ضابط الشحن على 13.5 عند وصول جهد البطاريه الى 13.5 يتم فصل الشحن بطريقة اتوماتيكية ...

وعند استخدام البطاريه ونزول شحن البطارية الى 12.8.. تبدأ عملية الشحن ايضاا بطريقة اتوماتيكيه .... وعند وصول جهد البطاريه مرة أخرى الى 13.5 .. تتم فصل عملية الشحن .. ويستمر العمل على هذا الحال ..

تحياتى ليك أخى الكرم ..