[amr shaapan]

مشكلتى مع ماذر بورد جيجا بايت من نوع rz قاطعه باور
ولم اجد اى شئ تالف فى دائرة الباور ولما اعمل كوبرى على اطرف الباور سبلاى بتشتغل البورده دليل على كده ان الموسفت سليم لانه لو فى تلف بهم البورده ما تشتغلش اكيد
احترت فين العيب برجاء التفاعل معى

[hariedy]

طالما هى قاطعة بور يبقى لازم هتجد فيها عنصر معين به شورط
تأكد من الترانزيستورات والدايودات الموجودة جنب سوكيت البور
بالاضافة لترانزيستورات تغذية البروسيسور وغالبا هتجد المشكلة
فيهم ده لان الموديل ده مشهور بأعطال بتسببها الترانزيستورات
دول سواء قطع داتا او بور .
وحاول الاستناد لطريقتك بأنك تجبرها تشتغل بور ثم تحاول ان
تعثر على عنصر ما ترتفع درجة حرارته بصورة ملحوظة او انك
تجد احد الترانزيستورات او الدايودات ظاهر عليه اثار قفلة على
شكله الخارجى .
منتظرين الرد .
والله اعلم .

[بوعبده]

اعمل كوبرى على اطرف الباور سبلاى بتشتغل البورده 

السلام عليكم

رجاء من اخى عمرو شعبان واخى مصطفى ان يشرحوا لى طريقة عمل هذا الكوبرى

لانى حاولت اعمله وللاسف ماعرفتش

موش عارف اعمل الكوبرى وانا مركب سوكيت ال 20 بن ولا من غير ما يتركب

رجاء الشرح المبسط لان اخوكم على قده اوى

[hariedy]

بص هتلاقى فى كابل البور صبلاى العشرين سلكة سلكة واحدة
لونها اخضر ps-on مع اى طرف لونه اسود حتى لو كان من الاطرف
اللى بتتوصل مع الهارد و السيدى رووم.
والله اعلم

[amr shaapan]

اشكركم على الرد
وبالنسبه للكوبرى كما ذكر اخى هاريدى
الاخضر مع اى طرف اخر اسود

بالنسبة للبوره انا قمت بعمل كوبرى وتبين ان موسفت البور بيسخن جام اوى فقمت بتغيرة مع ان القياس بتاعه خارج الدائرة سليم جدا وركبت اخر مش نفس الرقم وبرضه المشكله قائمة حتى الان

[ozza]

بسم الله الرحمن الرحيم
اسمحولي اتدخل معاكم
بالنسبة لمشكلة ترانزستور الباور ممكن يتغير بأي ترانزستور بس له شروط
اولا يكون نفس الخرج ثانيا يكون نفس الامبير ثالثا يكون نفس التركيب الداخلي npn او pnp
والله اعلى واعلم
اما بالنسبة للكوبري
على سوكيت الباور يوضع الجفت بين الطرفين الاخضر واي طرف اسود والسوكت يكون راكب مكانه في البوردة
كانها هتشتغل طبيعي دا في حالة عدم قيام البوردة من الباور سويتش في الفرونت بانل
ثالثا وده المهم ملاحظة حالة البروسسور اثناء اجبار البوردة على التشغيل من حيث درجة الحرارة أو القيام بوظائفه اي خلل في هذه الاختبارات نقوم بفصل الكوبري فورا لان هذا الوضع غير سليم بالمرة ولكنه حالة للاختبار فقط وليس للتشغيل الدائم .
ارجو ان اكون افدت وارجو من الاخوة التصحيح أو تأكيد المعلومات
منتظرين الرد

[hariedy]

بسم الله الرحمن الرحيم اسمحولي اتدخل معاكم بالنسبة لمشكلة ترانزستور الباور ممكن يتغير بأي ترانزستور بس له شروط اولا يكون نفس الخرج ثانيا يكون نفس الامبير ثالثا يكون نفس التركيب الداخلي npn او pnp والله اعلى واعلم اما بالنسبة للكوبري على سوكيت الباور يوضع الجفت بين الطرفين الاخضر واي طرف اسود والسوكت يكون راكب مكانه في البوردة كانها هتشتغل طبيعي دا في حالة عدم قيام البوردة من الباور سويتش في الفرونت بانل ثالثا وده المهم ملاحظة حالة البروسسور اثناء اجبار البوردة على التشغيل من حيث درجة الحرارة أو القيام بوظائفه اي خلل في هذه الاختبارات نقوم بفصل الكوبري فورا لان هذا الوضع غير سليم بالمرة ولكنه حالة للاختبار فقط وليس للتشغيل الدائم . ارجو ان اكون افدت وارجو من الاخوة التصحيح أو تأكيد المعلومات منتظرين الرد

كلامك تمام ، بس عند ارغام البوردة على التشغيل ممكن نعمل الكوبرى
عادى جدا وطبعا يكون مفتاح فصل التيار الكهربى فى متناول اليد بالشكل
الذى يساعد على فصل التيار عند الشعور بالارتفاع درجة حرارة البروسيسور
خوفا من تضرره ، ولكنك هل ستستشعر درجة حرارة العناصر فى البوردة
ام تظل خائفا على البروسيسور ؟؟
الافضل الا تستخدم بروسيسور اصلا وتعوض ذلك بالتأكد او من تغذية البروسيسور
ثم تستخدمه بعد ذلك وانت مطمئن .
فأنت فى تلك المرحلة هنا لست بحاجة الى استخدام بروسيسور لان المشكلة فى البور
وليس الداتا .

[ghost2k_man]

مناقشه رائعه يا جماعه ...