[Adam.Hrd]

السلام عليكم ورحمة الله وبركاته ورمضان كريم
اولا اما طمعان فى اي معلومة من حضرتكم وهقولكم ايه الى انا عملته بالظبط .
طبعا كلنا بنشوف الفيديوهات على اليوتيوب ومن كل دول العالم بيتكلموا عن الطاقة المجانية باستخدام المغناطيس وحركة دوران محرك صغير الحجم وبعد ذلك تضيئ اللمبة بكل سهولة ..
انا شوفت فيديوهات كتيرة من دي وشوفت فيديوهات بتنكر ان ده حقيقي .
قولت اخوض التجربة وبصراحة على قد ماهيا بسيطة بس كلفتني شوية ولكن مش دي المشكلة .
انا جبت اسطوانات فاضية وحطيت على اسطوانة عدد 5 مغناطيس صغير فى الاطراف .
ولصقت الاسطوانة بمحرك صغير اعتقد 9 فولت او اقل . ( بيكون موجود فى الالعاب الصغيرة لدي الاطفال ) وخرجت منه طرفين سيلك ووصلتهم بلمبة . طبعا انا جربت اللمبة على حجر الم ونورت نور بسيط . المهم اتأكدت انها شغالة وتمام .
جبت مغناطيس كبير كان في سماعات كبيرة عندي ( صب ) . طبعا اول مشكلة واجهتني ان بيحصل خلل كل ماقرب المغناطيس الكبير من الاسطوانة . اول مالاسطوانة تلف عند اول مغناطيس بتقف على طول . عشان المغناطيس الى بعده بيعمل مضاد مع المغناطيس الى فى ايدي ف طبعا الاسطوانة مابتكملش 20 درجة فى اللف . قولت اشيل المغناطيس الكبير واجرب الفها بإيدي بشكل قوي . بس للأسف اما لفتها اللمبة بردو مانورتش وفضلت زي ماهيا .
قولت مافيش حل غير المروحة . انى اعمل مروحة بلاستيكية لان شقتي قريبة من البحر ووجه بحري . ف عندي هواء قوي جدا وقولت ده هو الحل . بس بصراحة خوفت ليفشل بردو . عشان كدة انا دخلت هنا وقريت مواضيع كتيرة وحسيت ان فيه ناس مهتمة وبتفيد بعضها . وقولت عشان ماتعبش على الفاضى .
اسالتي بسيطة جدا .....
هل فعلا الفيديوهات دي حقيقية وانا مثلا غلطان فى حاجة ؟
هل الماتور لازم يلف بسرعة عالية عشان يقدر يديني الطاقة المطلوبة ليضئ اللمبة ؟
هل فكرة المروحة افضل من المغناطيس ؟
هل التوصيل الى عملته غلط اصلا ولابد من التصحيح فيه ؟
طبعا ده على اساس ان الموضوع اصلا حقيقي . انا فى ناس اكدتلي انه واقعي وطاقة الرياح فعلا بنشوفها فى العالم بس انا مش عارف فين الغلط .
ارجوكم افيدوني لان عقلي منهك جدا فى التفكير وتعبت على مااجمع الحاجات دي .
اسف جدا على الاطالة ولو حد جربه قبل كدة واشتغل معاه ياريت يعرفني وانا ممكن ارفعله صور الحاجات الى عندي كلها
ولكم جزيل الشكرآ وان شاء الله دائمآ فى خدمة بعضنا البعض
والسلام عليكم ورحمة الله وبركاته

[هلال رشدى]

السلام عليكم ورحمة الله وبركاته اخى ادم لا اخى اووكد لحضرتك ان الطاقة التى تتكلم عليها حقيقة ليست خيال ولكن توجد فديوهات مضللة كثيرا موضوع الطاقة من الرياح واقع لغبار عليه اى مولد مغناطيسى تديره عن طريق الرياح سوف يعطيك كهرباء هذا ليس به اى شك اما عن الطاقة الحرة او المجانيه فانا جربت نوع واحد منها وهو محرك بدنى وهوايضا طاقة مجانيه ااوكد ذللك مرة اخى غير ذللك لم اجرب انا شئ اخر ممكن الاخوة الافاضل يقولو رايهم او تجاربهم اى شى تحتاج عنه اى معلومة فى طاقة الرياح او محرك اومولد بدينى انا تحت امرك

[Adam.Hrd]

عليكم السلام ورحمة الله وبركاته . اولا شكرآ جزيلا على اهتمامك
انا فعلا كنت محتاج طاقة زي الرياح .
طبعا حضرتك عارف الحال فى مصر بقا عامل ازاى بسبب انقطاع الكهرباء
وانا شغلي كله على الانترنت . اما بحثت فى مجال الطاقة المجانية كنت عاوز اوصل لأي حل ولو على قد الكمبيوتر بس . يعنى فى حدود 300 وات . عشان كدة كنت عاوز اعمل الموضوع على شكل مصغر الاول وبعد كدة اكبره . ولكن انا مش عارف اسامي القطع الى هحتاجها . كل الى اعرفه انى هحتاج طبعا الريش وماتور وتقريبا دينامو . والوصلات بقا الى مابينهم . يعنى كل الى محتاجه حد بس يقولى ايه القطع اللازمة الى ممكن تخرجلي الكمية دي . وجزاك الله خيرآ

[هلال رشدى]

http://www.ebay.com/itm/Low-Wind-Per...item19f07e7e26 اشترى هذا المولد عن طريق شركة اسمها ادفعلى واشترى منظم الشحن ايضا من نفس الموقع والباقى سهل وممكن تشترى النظام كامل من موقع اى بى او امزون

[Adam.Hrd]

شكرآ جزيلا على اهتمامك وردودك استاذ هلال .
انا دخلت شوفته .
ولكن انا نفسي اخوض التجربة على شكل مصغر حتي لو الطاقة الى هستقبلها هتكون ضعيفة . واما حضرتك اكدت ان الموضوع سلس ومش صعب كنت حابب اعرف اسامي القطع بشكل كامل . بحيث اشتريها على اشكال مصغرة واخوض التجربة .
وبعد كدة ابتدي اعمل كل حاجة بشكل اكبر . ف كل الى انا محتاجه القطع الى يجب ان تكون متوفرة وتحديدآ نوعها . يعنى كمثال .... الريشة الى هتلف هل يجب ان تكون معدن او لو انها بلاستيك ستفي بالغرض . هل يعتمد على نوعها ولا على سرعتها . بس كدة اسامي القطع فقط وانا احاول اجمعها بشكل او بأخر سواء صغيرة او كبيرة . وشكرآ جزيلا على مجهودك والله يعطيك العافية

[huussyn]

اقتباس المشاركة الأصلية كتبت بواسطة Adam.Hrd شكرآ جزيلا على اهتمامك وردودك استاذ هلال . انا دخلت شوفته . ولكن انا نفسي اخوض التجربة على شكل مصغر حتي لو الطاقة الى هستقبلها هتكون ضعيفة . واما حضرتك اكدت ان الموضوع سلس ومش صعب كنت حابب اعرف اسامي القطع بشكل كامل . بحيث اشتريها على اشكال مصغرة واخوض التجربة . وبعد كدة ابتدي اعمل كل حاجة بشكل اكبر . ف كل الى انا محتاجه القطع الى يجب ان تكون متوفرة وتحديدآ نوعها . يعنى كمثال .... الريشة الى هتلف هل يجب ان تكون معدن او لو انها بلاستيك ستفي بالغرض . هل يعتمد على نوعها ولا على سرعتها . بس كدة اسامي القطع فقط وانا احاول اجمعها بشكل او بأخر سواء صغيرة او كبيرة . وشكرآ جزيلا على مجهودك والله يعطيك العافية

حمل هزا الملف فيه شرح بالصور


http://www.gulfup.com/?KSc54V

[koronbi]

ملف جميل أستاذ huussyn بارك الله فيك

[mjd]

اقتباس المشاركة الأصلية كتبت بواسطة هلال رشدى السلام عليكم ورحمة الله وبركاته اخى ادم لا اخى اووكد لحضرتك ان الطاقة التى تتكلم عليها حقيقة ليست خيال ولكن توجد فديوهات مضللة كثيرا موضوع الطاقة من الرياح واقع لغبار عليه اى مولد مغناطيسى تديره عن طريق الرياح سوف يعطيك كهرباء هذا ليس به اى شك اما عن الطاقة الحرة او المجانيه فانا جربت نوع واحد منها وهو محرك بدنى وهوايضا طاقة مجانيه ااوكد ذللك مرة اخى غير ذللك لم اجرب انا شئ اخر ممكن الاخوة الافاضل يقولو رايهم او تجاربهم اى شى تحتاج عنه اى معلومة فى طاقة الرياح او محرك اومولد بدينى انا تحت امرك

السلام عليكم ...... أخي هلال هل تقصد مولد
JOHN BEDINI

الذي يعتمد على الجازبية الأرضية ؟ ارجو ان تخبيرنا بتجاربك اكثر ........ وفقك الله