[Ahmed Hamam]

السلام عليكم

من زمان معملناش موضوع او سالنا سؤال

رجعنا ومعانا سوال جديد وطلب جديد

انا عايز اعمل روبوت باستخدام pic16f877a او pic16f84a
مين الاحسن وازاى اتعامل مع ال dc motors بيه من حيث الاتجاه والسرعه وانا عارف ان البيك يا بيطلع 5 يا 0 فازاى اتحكم فى السرعه !!

وهل البيك ينفع للروبوتس ولا لا

وازاى اقدر استخدم معاه حساس المسافه التراسونيك -وانا لقيت نوعين منه واحد ب 3 اسلاك والتانى ب 4 ايه الاحسن وايه الفرق بينهم
وفين فى مصر الاقى التروس والجسم تبع الروبوت هو هيبقا سياره وبتمشى حسب قراءات الحساسات بحط فيه التراسونيك و ldr كدا هيكون اكبر حاجه اعملها يا ريت تفيدونى فى حكايه حساس المسافه وازاى اخد القيم منه

والف شكر للمنتدى الكريم والاعضاء المتميزين

والسلام عليكم

[zamalkawi]

السلام عليكم
عاوز تتحكم في المحركات بحلقة مفتوحة ولا حلقة مغلقة؟
حسب فهمي لكلامك انت عاوز تتحكم بحلقة مفتوحة
السؤال التاني عندك كام موتور؟
والسؤال التالت، هل لازم النوعين دول؟ ولا ممكن أنواع تانية؟
ولو لازم النوعين دول، عندك مشكلة ان الروبوت يكون فيه أكتر من مايكروكنترولر ولا لازم يكون مايكروكنترولر واحد؟

[Ahmed Hamam]

اقتباس المشاركة الأصلية كتبت بواسطة zamalkawi السلام عليكم عاوز تتحكم في المحركات بحلقة مفتوحة ولا حلقة مغلقة؟ حسب فهمي لكلامك انت عاوز تتحكم بحلقة مفتوحة السؤال التاني عندك كام موتور؟ والسؤال التالت، هل لازم النوعين دول؟ ولا ممكن أنواع تانية؟ ولو لازم النوعين دول، عندك مشكلة ان الروبوت يكون فيه أكتر من مايكروكنترولر ولا لازم يكون مايكروكنترولر واحد؟

السلام عليكم


بسم الله
انا مبدئيا مش عارف يعنى ايه حلقه مفتوحه او مغلقع فيا ريت حضرتك توضح لانى اول مره اعمل روبوت ذاتى التحكم

بالنسبه لنوع الينسور فانا لسه مشترتش بس لقيت النوعين دول واحد ب 3 اسلاك والثانى ب 4 ومعرفش الفرق بينهم بس هم الاثنين نفس المدى تقريبا 3-4 متر زى مقالولى وفيه نوع تانى مداه اقل منهم


بالنسبه للميكروكنترول فانا مش هتفرق 1 او 2 بس انا برجح يكون 1 ومفيش فارق لو كان كبير يعنى زى 16F877A اظن ده كبير وفيه PINS تكفى على حد علمى

بالنسبه للموتور انا كنت هستخدم موتور بتاع لعبه عاديه (لعب اطفال ) اظن هو 3 فولت او 6 فولت وهم 2 واحد للتحكم للامام والخلف والتانى يمين ويسار وممكن ازيدهم على حسب الاحتياجات من وجهه نظر حضرتك


انا عندى جسم سياره ممكن استخدمه اجرب عليه فيه موتور وكل حاجه متظبطه بس هشيل الدائره الى فيه واوصل التعديلات والدائره الجديده


الاهم فى الموضوع ده البرمجه لان البرمجه الى هيتوقف عليها كل حاجه كلمت واحد صديقى قالى جيب اردوينوا احسن وانا بقولله ميكرو احسن الصراحه تلخبطت مين الاحسن فيهم من حيث سهوله البرمجه علما انى اتقن لغة السى كمبتدئ يعنى مش محترف ولا حاجه

كمان من فين اقدر اشترى التروس والاشياء الى هتلزم للموضوع ده انا حاليا بابحث عن دروس استخدامم الترانسيستورات كمفتاح ومكبر الخ... عسان اقدر اتحكم فى الموتور لانها هتسحب باور اكبر من الى الميكرو يقدر يطلعه


اسف للاطاله

[zamalkawi]

اقتباس المشاركة الأصلية كتبت بواسطة Ahmed Hamam السلام عليكم

وعليكم السلام ورحمة الله وبركاته

اقتباس المشاركة الأصلية كتبت بواسطة Ahmed Hamam انا مبدئيا مش عارف يعنى ايه حلقه مفتوحه او مغلقع فيا ريت حضرتك توضح لانى اول مره اعمل روبوت ذاتى التحكم

الموضوع ببساطة انك في التحكم في الموتور نفسه (مش الروبوت ككل) ما تعتمدش على حساسات تقيس بيها سرعة الموتور أو الموضع بتاعه، يعني مثلا عاوزه يتحرك بسرعة معينة، تديله أمر معين ولو السرعة زادت شوية صغيرين أو نقصت شوية صغيرين مش مشكلة ومش حتأثر كتير ع الأداء، لان في الآخر في الحساسات بتاعة الروبوت نفسه هي اللي حتظبط الليلة
دة اسمه تحكم بالحلقة المفتوحة

أما لو يفرق معاك قوي دقة السرعة، يعني مثلا عاوز لما تقول للموتور اتحرك بسرعة مثلا 800 لفة في الدقيقة يتحرك بالظبط بسرعة 800 لفة في الدقية، ولا يزيدوا ولا يقلوا، يبقى الأفضل انك تقيس سرعة الموتور الفعلية بحيث لو قلت عن 800 لفة في الدقية تزودها ولو زادت عن 800 لفة في الدقيقة تنقصها
دة اسمه تحكم بالحلقة المغلقة، لانك بتقفل حلقة التحكم عن طريق قياس القيمة الفعلية

أظن في التطبيق بتاعك التحكم بالحلقة المفتوحة كافي جدا

اقتباس المشاركة الأصلية كتبت بواسطة Ahmed Hamam بالنسبه لنوع الينسور فانا لسه مشترتش بس لقيت النوعين دول واحد ب 3 اسلاك والثانى ب 4 ومعرفش الفرق بينهم بس هم الاثنين نفس المدى تقريبا 3-4 متر زى مقالولى وفيه نوع تانى مداه اقل منهم

معنديش معلومات عن السنسور. أهم حاجة تعرفها ان لو القياس أنالوج يبقى لازم المايكروكنترولر يكون عنده مداخل أنالوج

اقتباس المشاركة الأصلية كتبت بواسطة Ahmed Hamam بالنسبه للميكروكنترول فانا مش هتفرق 1 او 2 بس انا برجح يكون 1 ومفيش فارق لو كان كبير يعنى زى 16F877A اظن ده كبير وفيه PINS تكفى على حد علمى بالنسبه للموتور انا كنت هستخدم موتور بتاع لعبه عاديه (لعب اطفال ) اظن هو 3 فولت او 6 فولت وهم 2 واحد للتحكم للامام والخلف والتانى يمين ويسار وممكن ازيدهم على حسب الاحتياجات من وجهه نظر حضرتك

هو الفرق الأساسي بين انك تستعمل مايكروكنترولر 1 أو أكتر هو تعقيد النظام وصعوبته
لان الموضوع مش مجرد مايكروكنترولر زيادة حيتبرمج ويتحط، ولكن الاتنين مايكروكنترولر ممكن جدا يحتاجو "يتكلموا" مع بعض، يعني يبعتوا لبعض بيانات وينسقوا شغلهم مع بعض من خلال إشارات
ودة حيعقد النظام من حيث السوفتوير والهاردوير
فأظن ان لو ينفع يبقى مايكروكنترولر واحد يكون أفضل
والمسألة مش مسألة عدد رجول بس، المسألة ان يكون فيه المداخل والمخارج اللي انت عاوزها
فلو حتستعمل موتورين، وحيتحركوا بسرعات مختلفة عن بعض، يبقى المفروض يكون عندك على الأقل 2 مخرج PWM
فلو بصينا على المتحكم 16F877A حنلاقي ان عنده 2 PWM ودة كدة يبقى كافي، لكن لو حتتحكم في كل موتور من ال4 مواتير على حدة (عشان مثلا تتحكم في درجة انحناء المسار وهو بيحود) حيبقى مش كافي

لو عاوز تختار متحكم من مايكروشيب ويكون بمواصفات معينة، استعمل الموقع دة:
http://www.microchip.com/maps/microcontroller.aspx
وحتحدد المواصفات، فتطلعلك قايمة
يعني مثلا في حالتك ممكت تختار مدخلين أنالوج (عشان الحساس)
ولو حتتحكم في 4 مواتير بسرعات مختلفة عن بعض يبقى تختار 4 PWM
وممكن تختار 8 بت فوق عشان ال16 بت وال32 بت بيبقوا أغلى، وعادة العبوة ما بتبقاش PDIP، في أحيان كتير بتبقى تجميع سطحي بعكس ال8 بت اللي كتير منه فيه PDIP، فطبعا الPDIP حيبقى تركيبه أسهل بالنسبة لك

اقتباس المشاركة الأصلية كتبت بواسطة Ahmed Hamam انا حاليا بابحث عن دروس استخدامم الترانسيستورات كمفتاح ومكبر الخ... عسان اقدر اتحكم فى الموتور لانها هتسحب باور اكبر من الى الميكرو يقدر يطلعه

أحسن حل للنقطة دي من وجهة نظري، طالما ناوي تتحكم في سرعة المواتير واتجاهها وغالبا حتستعمل PWM يبقى استعمل القنطرة H واشتري القنطرة دي على شكل متكاملة جاهزة L289، المتكاملة الواحدة بتتحكم بيها في موتورين، يعني لو عندك موتورين حتحتاج واحدة بس ولو عندك 4 مواتير حتحتاج 2 منها، واستعمالها سهل وبسيط (بس حتحتاج تركب عليها شوية دايودات عبيطة) ومتوفرة ورخيصة والأمبير بتاعها أظن انه كافي للتطبيق بتاعك

[Ahmed Hamam]

السلام عليكم

مشكور اخى على الرد والتوضيح
طيب مبدئيا انا بحثت عن دوائر تحكم فلقيت دى للتحكم فى التشغيل والايقاف
http://upload.qariya.info/images/qariya-62bb971169.png

ولكن لما عملتها على بروتس مشتغلتش ودى صوره للى انا عملتها



هو انا عملت حاجه غلط ولا ايه

والسلام عليكم

[Logic]

اقتباس المشاركة الأصلية كتبت بواسطة Ahmed Hamam السلام عليكم مشكور اخى على الرد والتوضيح طيب مبدئيا انا بحثت عن دوائر تحكم فلقيت دى للتحكم فى التشغيل والايقاف http://upload.qariya.info/images/qariya-62bb971169.png ولكن لما عملتها على بروتس مشتغلتش ودى صوره للى انا عملتها هو انا عملت حاجه غلط ولا ايه والسلام عليكم

السلام عليكم
Q3,Q4 مقلوبين .. اعملهم مثل Q1,Q2
كما في الصورة التالية )إضافة لطريقة توصيل لبطارية والتحكم في الاتجاهين):

جرب وسجل ملاحظاتك..
بالنسبة للبرمجة مادامت تتوفر على خلفية بلغة السي ممكن تتابع برمجة المشروع بلغة الميكروسي ولا ضرورة في البداية لبرنامج معقد .. ابدأ بكود عادي تفعل فيه خرجين واحد حركة للأمام و الثاني حركة للخلف داخل حلقة لا نهائية وبين الحركتين أزمنة تأخير.
الخرجين في البيك سيعوضان المفتاح في الصورة السابقة .
بعد ذلك ممكن تعمل كود برمجة دخلين يتحكمان في الخرجين السابقين
المهم تمشي خطوة خطوة.. وكل ذلك بواسطة برنامج الميكروسي و المحاكاة على بروتوس..
ومن باب التوسع في الموضوع تفضل هذه دائرة توضح التحكم في اتجاه محرك تيار مستمر و تعتمد عل اثنين ريلي :

[Ahmed Hamam]

اقتباس المشاركة الأصلية كتبت بواسطة Logic السلام عليكم Q3,Q4 مقلوبين .. اعملهم مثل Q1,Q2 كما في الصورة التالية )إضافة لطريقة توصيل لبطارية والتحكم في الاتجاهين): جرب وسجل ملاحظاتك.. بالنسبة للبرمجة مادامت تتوفر على خلفية بلغة السي ممكن تتابع برمجة المشروع بلغة الميكروسي ولا ضرورة في البداية لبرنامج معقد .. ابدأ بكود عادي تفعل فيه خرجين واحد حركة للأمام و الثاني حركة للخلف داخل حلقة لا نهائية وبين الحركتين أزمنة تأخير. الخرجين في البيك سيعوضان المفتاح في الصورة السابقة . بعد ذلك ممكن تعمل كود برمجة دخلين يتحكمان في الخرجين السابقين المهم تمشي خطوة خطوة.. وكل ذلك بواسطة برنامج الميكروسي و المحاكاة على بروتوس.. ومن باب التوسع في الموضوع تفضل هذه دائرة توضح التحكم في اتجاه محرك تيار مستمر و تعتمد عل اثنين ريلي :

السلام عليكم


مشكور جدا على المساعده من حضرتك الدائره اشتغلت تمام الحمد لله
بس فيه مشكله وهى انى لازم الفولت بتاع البطاريه يبقا عالى عشان الموتور يلف سريع وكدا مش هينفع لان البيك بيطلع 5 فولت بس وانا كنت بجرب ببطاريه 12 فولت





----------------------------------------




-----------------------------------
المفروض مكان البطاريه هيتوصل البيك فايه الحل او ايه المشكله هنا

[Logic]

السلام عليكم
صحيح الجهد الداخل على المحرك لن يتعدى 5 فولت إذا كان التحكم بمتحكم يعمل ب5 فولت .
لذلك يفضل البعض استخدام Q1,Q4 من نوع PNP مثل هذا التوصيل :
1- التحكم بأزرار :
http://im49.gulfup.com/tuSRQR.png
جربه ممكن يعطيك نتائج افضل.
2- التحكم بميكروكونترولر :
http://im49.gulfup.com/qapRFI.png
لكن أفضل قنطرة H هي القنطرة الجاهزة أي متكاملة (IC) مثل L298 وغيرها بحسب عدد و قدرة المحركات المستخدمة
أو قنطرة بريليهات كما ذكرت لك سابقا فهي دوائر جيدة ومضمونة وكمثال:
- يدويا:

- مع بيك: