السلام عليكم
الاخوه الكرام لدى مشكله محتاج مساعده من الاخوة مهندسين الكهرباء لحلها
انا اشتريت جهاز يو بى اس
وايضا جهاز شحن خارجى 30 امبير
بالاضافه لبطارية سيارة 70 امبير جافه
وبعد التوصيل بين البطاريه واليو بى اس اشتغل والحمد لله لاكن المشكله ان الشاحن الداخلى لليو بى اس مش بيقدر يشحن البطاريه ولما قست خرج اليو بى اس وقت الشحن طلع اقل من 3 فولت فاشتريت تونجر شحن خارجى 30 امبير ماركة كويسه وبيشحن البطاريه فى ساعتين ونصف تقريبا
المشكله ان التونجر الخارجى لايحتورى على فصل شحن اوتوماتيكى لما البطاريه بتتملى 100/100 لاكن بعرف من مؤشر امبير الشحن لما يوصل تنازلى من 30 امبير فى بداية الشحن الى صفر امبير فى نهاية الشحن بعد ساعتين ونصف لاكنها مش بيفصل فأنا محتاج جهاز اركبه لتنظيم الشحن يفصل لما البطارية تتملى ومحتاج ايضا افصل شاحن اليو بى اس او اركب حاجه زى زينر دايود يخلى الكهربا ماتعديش علشان لما بوصل كل حاجه وبخلى الشاحن بيشحن وهو متوصل باليو بى اس كمان بالحظ ان لمبة الشحن الخضرا فى اليو بى اس بتطفى لاكن مش بيحصل اى مشكله
فياترى ايه الحل
محتاج افصل دائرة الشحن فى اليو بى اس علما بأن هناك سلكين فقط سالب وموجب هما هما بيشتغلو لشحن البطارية وايضا هما هما بيشتغلو لتوصيل الكهربا من البطاريه فى حالة انقطاع التيار
وايه اسم الجهاز اللى بينظم الشحن
على فكره جبت كت اوت بتاع العربيات ووصلته بالطريقة الصحيحة كان كت اوت بلاطة لاكن لاحظت انه بيسخن جدا ولاحظت انه بينقص من امبير الشحن
ده شكل الجهاز اللى بدور عليه
http://www.geesysindia.com/img/geesys_ssc.jpg
http://www.aliexpress.com/item/30A-1...787295807.html
http://upload.qariya.info/up2014/143...F02BEFAA42.jpg
بطارية سيارة مع يو بى اس وتونجر شحن خارجى
