مساعدة في اماكن بيع ادوات لف المحلاوت بمصر

[fouady2003]

اتمنى ان يرشدني احد لاماكن بيع الادوات الخاصة بلف المحولات بمصر بالقاهرة
مثل
-بكرات اللف
-الصاج السيليكوني الخاص بالموحولات
-اسلاك اللف

ولو امكن ايضا معلومات عن الاسعار تقريبيا

مع وافر الشكر للقرية ولمهندسيها

[fouady2003]

معقول
مفيش حد في القرية كلها يعرف يفيدني ؟

[ميمي الشبح]

بالنسبه للأسلاك النحاس ممكن تلاقيها عن اى حد بيلف مواتير
او بيصلح خلاطات ومراوح منزليه
دا كل اللى ممكن اساعد حضرتك بيه

[fouady2003]

المشاركة الأصلية كتبت بواسطة ميمي الشبح

بالنسبه للأسلاك النحاس ممكن تلاقيها عن اى حد بيلف مواتير
او بيصلح خلاطات ومراوح منزليه
دا كل اللى ممكن اساعد حضرتك بيه

اشكرك يا اخ محمد جدا على ردك ..
الحقيقة اني عارف معظم الاشياء بتتباع فين
لكن انا كنت اتمنى ان حد يرد فيقولنا على اماكن افضل وارخص
لان الاماكن المعروفة زي التحرير وشارع نجيب والسبتية مبكونش فيها كل حاجة و الغالب المقاسات التي انت بتكون حاسبها مبتلاقيش صاجها او بكرتها وهكذا
اكرر شكري على ردك

[mourad3d]

اقتراحى لك فى الاول انك ممكن تجيب محولات محروقه وتعيد لف هذه المحولات

وبالنسبه للاماكن البيع فى ظهر الجراج فى العتبه فى شارع الصراحه مش فاكر اسمه هتلقى عنده السلوك والورنيش وورق العزل

بالنسبه للصاج اعتقد صعب تلقيه بس ممكن تلجا للتصنيع او الاستراد من الصين للاسف

ممكن تصنع الصاج عن طريق رسم المقاسات والذهاب بها الا محلات تقطيع الحديد بالكمبيوتر موجوده اعتقد فى السبتيه وعمل استمبه او تقيطعها بالليزر


هذا والله اعلى واعلم

[fouady2003]

بارك الله فيك يا اخي مراد اشكرك بشدة على الاهتمام

[ميمي الشبح]

السلام عليكم اخى الكريم fouady2003
بالنسبة لفكرة الاخ mourad3d
فهى ممتازه
وكمان هتوفر معاك الدوخه والفه على المحلات
وبالنسبه لأماكن بيع المحولات المستعمله او المحروقه
اسواق الاشياء المستعمله
طبعا مش هتلاقى المحول لوحده هتلاقيه فى جهاز عطلان او اى شئ
وطبعا انسب سوق
فى السيده عائشة
فى القاهرة
اسمه سوق التونسى على ما اعتقد
وطبعا الاسواق محتاجه شطارة فى المعامله مع البياع
حدد السعر اللى انت عاوزه للبياع ولو رضى رضى
مارضيش خلاص فى غيره
والاسلاك طبعا هتلاقيها فى التحرير زى ما حضرتك قولت
وطبعا هيا غاليه
وبالتوفيق

[fouady2003]

الاستاذ ميمي الشبح
اشكرك جدا على الاهتمام
انا اعرف اماكن كثيرة لبيع الاجزاء لكن بشكل متفرق
وايضا الاسعار عالية
فكنت اود الاستفادة من خبرة الاخوة في القرية
الحقيقة اني مطلوب مني ما يقرب 20 انفرتر تقريبا
ليس بغرض تجاري لكن (لجيراني واصدقائي وغيرهم )

وانا كنت فعلا اشتري محولات قديمة كثيرا
لكن اريد ان انفذ الانفرترات بشكل احترافي نسبيا
وشكرا جدا على الاهتمام
بارك الله فيكم