[يا سر]

السلام عليكم ورحمة الله

اخوانى عندى سخان جونكر غاز قديم اعتقد 11 لتر تلفت جلدة الرداخ فيه. بحثت عن جلدة مناسبة ملاقيتش. قمت بتجربة جلدة اوليمبيك (اعتقد 10 لتر) وهى اكبر حاجة بسيطة فقللت منها وركبتها. و اختبرت الرداخ خارج السخان وعمل ولكن مع تسريب خفيف

كذلك لاحظت ان بعد غلق الماء عن الرداخ فإن ابرة الرداخ مبترجعش لوضعها الطبيعى بشكل كامل (وبالضغط عليها لاحظت ان الماء اللى تحت الجلدة مبيتفرغش بسهولة)

ليا سؤالين

1. هل فى وكيل فى اسكندرية ممكن الاقى عنده جلدة. او اى حل اخر؟

2. ايه المسئول عن عودة الابرة لداخل الرداخ بعد قطع الماء وبالتالى قطع الغاز؟ هل هو صمام تفريغ فى الرداخ نفسه ام سوستة فى داخل السخان؟

اعتقد ان الرداخ هو نفسه الموجود فى اللينك ده

الف شكر مقدما