شرح طريقة عمل اللمبة الموفرة بصورة بسيطة جدا

[احمد115]

السلام عليكم

اقدم شرح طريقة عمل اللمبة الموفرة بصورة صحيحة وبسيطة وتفصيلية لن تجدها فى اى موقع اخر
اتمنى تعجبكم

[mourad3d]

الله ينور عليك يا بشمهندس احمد الحقيقه حرقت الموضوع اللى كنت بعمله وشعال فيه وهى اعادة تدوير دوائر اللمبه الموفره الموجوده فى السوق واعادة تصنعيها
وقمت بشراء مجموعه دوائر واقوم باعادة رسمها من جديد واستعنت بهذه الدوائر لانى بعض الدوائر الموجوده على الانترنت لا تعمل وبيبقى صعب معرفه العيب فيها والحقيقى انت غطيت الجزء النظرى فى هذا الموضوع وان شاء الله الجزء العملى واعادة تصنيع هذه الدوائر سوف اضعها فى المنتدى قريب وشكرا لك على الشرح الوافى

[mourad3d]

ما انتهيت منه حتى الان
هذه دائرة لمبة 40 وات






هذه الدائرة بعد اعادة تدويرها ورسمها من جديد






وهذه دائرة اخرى







هذا ما انتهيت منه وجارى العمل على الباقى وان شاء الله بفضل ربنا ثم شرحك لهذه الدوائر يوضح طريقة علمها

[احمد115]

شكرا لك ياحج احمد
اول حاجة فى الرسم لمخطط الدائرة انت موصل الملف الثانوى للمحول غلط مع الترانزستور وكمان موصل الترانزستور العلوى غلط
نصيحة لو حابب تشوف الدائرة بطريقة نظيفة اشترى الدائرة الالكترونية للمصباح الفلورسنت الطويل مش الموفرة هتلاقيها نفس الدائرة بس مجزأة على القاعدتين واحدة فيها المكثف 1200 فولت مع الملف الخانق الالكترونى والقاعدة التانية فيها باقى الدائرة
هتقدر تتعلم عليها كويس وتقدر تقيس اى عنصر انت عاوزه
المهم انا مفهمتش ايه قصدك من التدوير ؟ لان معظم اعطال الدوائر دى بتكون الللمبة اتحرفت ونادر لما تلاقى الدائرة الالكترونية هى اللى فيها العيب
اما لو كنت تقصد الاستفادة من الدوائر الالكترونية للمبات المحروقة فده شيئ تانى
المهم عاوز اعرفك ولله الحمد ان شرحى ده والله ماهو موجود فى اى موقع على الانترنت لانى دخلت اكتر من 200 موقع مالقيت شرح واضح ليها
ربنا يوفقك يااخ احمد

[mourad3d]

ربنا يبارك فيك يا بشمهندس احمد فعلا انا عارف ان محدش اتعرض للشرح ده على الانترنت غيرك ومقدر وعارف المجهود اللى حضرتك بتبذله من اجل تعليم الاخرين

وانا اقصد بتدوير الدوائر هو لفظ مش دقيق اوى انا اقصد عمل هندسه عكسيه للدوائر واعادة رسمها من دوائر تعمل بالفعل لضمان عند تنفيذ هذه الدوائر تعمل دون مشاكل
وكمان وضع المخطط و layout لتصنيع هذه الدوائر من اجل توفير فرص عمل للشباب من خلال محاولة انتاج مثل هذه الدوائر انا عارف انى فى مشكلة فى التكاليف انها اعلى من تكاليف التى تباع بها هذه الدائرة ولكن ان شاء الله مع مرور الوقت والخبره نصل لنفس التكلفه وحتى نأكد للعالم انه لا يوجد مستحيل

[احمد115]

المشاركة الأصلية كتبت بواسطة mourad3d

ربنا يبارك فيك يا بشمهندس احمد فعلا انا عارف ان محدش اتعرض للشرح ده على الانترنت غيرك ومقدر وعارف المجهود اللى حضرتك بتبذله من اجل تعليم الاخرين

وانا اقصد بتدوير الدوائر هو لفظ مش دقيق اوى انا اقصد عمل هندسه عكسيه للدوائر واعادة رسمها من دوائر تعمل بالفعل لضمان عند تنفيذ هذه الدوائر تعمل دون مشاكل
وكمان وضع المخطط و layout لتصنيع هذه الدوائر من اجل توفير فرص عمل للشباب من خلال محاولة انتاج مثل هذه الدوائر انا عارف انى فى مشكلة فى التكاليف انها اعلى من تكاليف التى تباع بها هذه الدائرة ولكن ان شاء الله مع مرور الوقت والخبره نصل لنفس التكلفه وحتى نأكد للعالم انه لا يوجد مستحيل

انك تصنع شيئ ارخص من الصينيين انسى ..مستحيل تنافسهم لان العناصر عندهم ببلاش
انا بشترى العناصر دلوقتى من على الانترنت من التاجر الصينى مباشر مش هقولك اد ايه الحاجة رخيصة جدا
لو عاوز تشتغل صح تاجر فى العناصر وسافر الصين وبيع للتجار

[salah56bachir]

المشاركة الأصلية كتبت بواسطة mourad3d

شكرا الأخ mourad3d ...لقد إستفدت من مشاركاتك كثيرا بارك الله فيك...ورجاء ماهو نوع الكاميرا التي تلتقط به صور الدارات الإلكترونية"صور واضحة ماشاء الله" أوماهي مواصفات الكاميرا التي تصلح لهذا الغرض وتصوير العناصر الصغيرة... لأنه عندي بعض الدارات أحب الإستفسار عن بعض مكوناتها أوتوصيلاتها ولكن تنقصني الكاميرا المناسبة...شكرا جزيلا...أخوك صلاح..

[عاطف ابو ميار]

بارك الله فيك بس كنت عاوز اعرف رقم ترانسستور اللمبة الموفرة واية الارقام البديلة لة